#مَــاذنبـي..؟
الحـلقـه الـخـامسـه عَشـر.
نُوكوميس"فَتـاة القمر".
إنها مَلاكٌ مُنزَّل، هشَّة كعُنقِ زهرة، جميلة
كليلةٍ مُقمرة، و عذبةٌ، عذبةٌ كالفُراتْ .
رانيا:
امتديت ؏ الفراش وقعدت نشوف للخاتم اللي في صبعي،وكل لحظه قاعده تتكرر قدامي،آخر شي مسحت على وجهي بعمق ورقدت الانه حرفيا مكانش عندي نيه انه نفكر في شي غير اني نرقد بدي عندي اهم شي نعيش كل يوم بيومه فقط لا أكثر ولا أقل.
أما فراس اللي كـان متكي ؏ الكرسي وعيونه على الصقف حاط يديه على بعضهم،ومشاعره يتعمقوا،عجبه الوضع اللي هوا فيه ممكن؟ أو عجبه الشعور اللي كل شويه يدق على باب قلبه؟أو عجبه قربها! أو إنه عمره ما تحسس هالمشاعر مع حد!
وللحظه رفع راسه بألم شديد حسه،من آثار الحادث دف الباب برجله وطلع باتجاه المطبخ..في الوقت اللي كانت فيه رانيا دير في شيشه.حليب لي لارين..
رانيا حطت يدها ع قلبها: بسم الله خلعتني
فراس فتح الثلاجه: مش جن واقفلك،شن منوضك انتي؟
رانيا: لارين ناضت جعانه
فراس خدي حبة بنادول وشرب ميه: جيبهاالي
ورانيا مركزه فيهه
فراس: نكلم فيكك
رانيا: باههي خلي نعطيها شيشتها
فراس: اني في الصاله
وشويه وطلعت رانياا بـ لارين اللي كان غالبها النوم وشبه راقده
ف قالت بهمس
رانيا: رد بالك منها
فراس : توصي فيا على بنتي
وخداها وامشي.. بينما كانت رانيا مزالت واقفه تشوف للفراغ،قالت في نفسها "فعلـاً مفروض ماتعطيشي أكبر من حجمه،شن دخله فيه هوا وبنته؟"
تنهدت وقالت بصوت عالي نوعا ما وهيا خاشه لي دارها بعد ما قربعتها بالقوه
: عندده انفصام هذا ولا شنو،بكري ماكان فيه شي متخلف.
__________________________
وهذاك يوم وهذا يوم...
وقفت شروق ؏ البلكونه وهيا تشوف لي امها واختها اللي خاشين للحوش.. ف نزلت حتى تستقبلهم
موده: اه انتي اهني امتى جيتي
شروق: كيف حالك الناس تقول
صالحه: شروي بنيتي جيتي كيف حالك
شروق: مت ربي بخير وين كنتو امالا؟
موده: كنا عند هذيكا..
صالحه قطعت عليها: امشينا حوش نواره بنتها مكسوره وموده قالت بنشوفها
شروق بشكك: اها كويس
صالحه: غريبه جايتينا في هالوقت مش من عادتك
شروق قعمزت جنب امها ع البلكونه: جيت بنودعكم
موده: علاش وين بتمشي؟
شروق: بنمشو لي مصر بنعالجو ؏ الصغار
موده: حتى انتي قداش فاضيه،قداش بتعالجي مره
شروق: والله هوا يبي خلي نمشي معاه
صالحه: غريبه مش كان مصكر راسه ع المعاينه
شروق: امه تأمر وهوا ينفذ شن عارفه
صالحه: طيح سعده بو وذينه
موده وهيا خاشه للدار: ولد الماما
شروق ماجاش على بالها لكن سكتت وغيرت الموضوع
صالحه: بوك علي جيه نوضي سلم بنتي حطي الغدي
شروق: وخيرها هديكا المفجوعه ماتنوضش تركب الغدي شن صغيره؟
صالحه: نوضي شن تماري في اختك شن جابهالك اصغر منك بعدين هيا تقرا وعيانهه من القرايه
شروق: باههي،لكن في العشيه بنمشي نشوف لارونه استاحشتها
صالحه: اي حق والله حتى اني استاحشتها تو نقول لي بوك يرفعنا
وناضت شروق باش تحط الغدي،وصالحه خشت لي دارها
