ماذنبي(ليبية_منقولة)

الحلقة 21

#مـــــــــــاذنبي..؟!
الحلقه "واحد والعشرين".
نُــــوكوميس" فتاة القمر"..

والله التوقيت الصيفي مشكله تضربي ؏ الليل تلقيها السّـاعـه 12.. المهم.. قرآءه ممتعه.

روان تشوف للفازت باستغراب
رانيا قرب منها: نكلم فيك روان
طبست روان وخدت الشي الغريب الملفوف بخرقه..وروان تشوفلها باستغراب..
رانيا بخوف؛ ههذا شنو؟
روان: مِش عارففهه
رانيا حطت يدها ع صدرها بضيق...: روان نحس في روحي بنطيح معاش ق.. ا د..ره
مقالتش هالكلام من فَراغ فعلـاً،طاحت من.طولها ؏ الأرض وفي وقتها روان معاش عرفت شن تتصـرف وهيا تضرب فيـها على وجــها بس مـاقدرتش تفيقها.. نزلت لوطه وهيـا تبكي خَوفـًا على أُخـتـهاا.. الـدّرُوج كلهم درجه واحدهه
عبد الرحمن اللي كان واقف على فراس شاف أخته نازله تجري..
روان دموعها ينزلو زي المطر: رانيا ياعبد الرحمن رانييا
ماقدرش فراس يراجيها لن تكمل كلماتها المتقطعه بسـرعة البرق ركب للحوش وهوا ينـادي ولقاها زي ماخلتها روان... طايحه ؏ الأرض.. خداها بسرعه ونزل بيها وركبها في سيارته من الخلف وروان وعبد الرحمن لحقوه..

فوزيـه خبطت يديها في بعض: قتلك لما يجي قوليلي.. اهي جت في دقيقتين ذهبلته شيرته آخ ياربي وخلـاص ربي يهدي ربي يهدي..وامشت
طلعت جوري من الدار وهيـا تبكي وتنادي في أمـها..خدتها اسيل من يدها ودخلتها للدار

راسيل: شن فيه؟
أسيل: مافيه شي ارقدي انتي خليك ديما راقده
راسيل: غدوه اول يوم في الامتحانات بنرقد بكري باش نوض مصحصحه
اسيل شافت لي جوري اللي كان ينعس فيها نوم خدتها حطتها جنبها وغطتها ورقدو..

-------------------------•••♡

باس ؏ راسـهـا وقال بابتسامه: ربي يهديك ويهديني وانتي لما تلقيني معصبه ماتستفزنيش
آساور: انشاء الله نحاول معاش نكلمككك وانت معصب
وسيم: ماتبي شي؟ انا طالع
آساور: لا سلامتكك.لكن مش تنسى تجيب الصغار من حوش اماليك استاحشتهم هلباا
وسيم برفعة حاجب: علاش انتي ماتبيش تمشي غاادي؟
آساور: لا نحس في روحي تعباانه خليها غدوهه!
وسيم سكت وهوا مش طايب ع خاطره لكن سكت وطلع..
قلبت آساور عيونها وقالت بتكبر: سلملي خوتي يااربي ردولي حقي منهه هالمسردن هذاا لولا الصغار والله مانولي بيمشي توا لي أمه تشحنه ويجي مكلوب جدري..

------------------------♡♡••

مش بس أم وسيم اللي کانت تعبي في راس ولدها حتى فوزيهه اللي شاده وائل وتقوله
:كان هذا خود عليها وحده تاننيههه كان عارفها معاش منها فايده؟
وائل:حتى اني دايره في بالي الموضوع هذا لكن مزال شويه
فوزيه: ناخدلك اني معناها
وائل: لالالالا عندي وحده في بالي لكن مش توا مزال شويهه
فوزيه عقدت حواجبها: ومنهيا ست الحسن هاذي ره تطلع زي ذوق خوتك حتى انت يختارو بروحهم وشوفت عينك
وائل: وعبير مش كانت من اختياراتك ولا نسيتي!
فوزيه: اي باهي خلاص كل شويه لازم ذكرني انه اني اللي اخترتها لك دير اللي يريحك
وائل: متأكد انه لما تشوفيها ح تعجبك
فوزيه: المهم تليق بمستوانا ولدي،وتعبيلك الحوش صغويره
وائل ضحك بحب: انشاء الله انشاء الله..
وطلع من جنب امه اللي كانت تشوفله وهيا تقول
: سلمه ياربي هوا الوحيد اللي ياخد بخاطري..