الان نبداء باول بارت في روايتنا♥️
ان شاء الله بدايه جميله لكم وننتظر دعمكم لنا
في ليلة العيد
ابو عناد: نورة يابنتي عطيني الجوال بشوف عمك وين وصل
نورة: ابشر يبه الحين اجيبه
أخذ ابو عناد الجوال يتصل على اخوه احمد (ابو مسك )
ابو عناد: الو وينك ابطيت علينا
ابو مسك : هذاني توني داخل الديره خمس دقايق واكون عندكم
ابو عناد: ها عجل عجل عليا يلاه
سكر ابو عناد وابو مسك المكالمه
ام حمود ( جدتهم مزنه):هاه وش يقول اخوك
ابو عناد : يقولون بيجون قريب عند مدخل الديرة
أبو عناد: يانوره و نوير روحو شوفو المجلس والأغراض جاهزة
نوير : ايه يبه الأغراض كلها جاهزه
بعد 5 دقائق وصل أبو مسك ل بيت أبو عناد بحكم انه بيت الاخو الاكبر اللي تسكن فيه أمه ولكن أبو مسك عنده بيت في الديرة لكن راح عشان يسلم على أمه
أول ما اسمع صوت سيارة أبو مسك اتجاه أبو عناد يفتح الباب لاخوه و واهله
أبو عناد: ياهلا يا هلا تو ما نورت الديرة
أبو مسك: بنورك يا أخوي وشلونكم طيبين
أبو عناد: بخير بخير على ما تحب
أبو مسك: يالله لك الحمد شلون أمي
أبو عناد: الحمد لله أمي بخير وما فيها الا العافية بس والله أنها شوي اخذت خاطرها عشانك معاد تجي للديرة كثير
أبو مسك : ادري والله إني مقصر معاك مير اعذروني وانت تدري بالظروف
أبو عناد: معذور وأنا أخوك معذور وكلنا عندنا ظروف اهم شي إنك جيتنا
فهد : شلونك يا عم عساك بخير
أبو عناد: الحمد لله وأنا عمك بخير ما شاء الله ما شاء الله والله كبرت يا فهد وصرت رجال
فهد: شدعوة يا عم يعني من زمان ما كنت رجال
أبو عناد بضحك : لا لا وانا عمك قصدي إنك كنت صغير والحين كبرت
دخلوا كلهم للمجلس وجاءت أم حمود ( جدتهم مزنه) قام أبو مسك يرحب وسلم على أمه
عند الحريم
دخلت مسك وام مسك وهنا بدو البنات رحبوا فيهم
نوير: يا هلا يا هلا تو زارتنا بركه
نوره : يا هلا يا هلا شلونك خالتي ام مسك
أم مسك اللي كانت ما تحب حريم الديرة ولكن بنات أبو عناد غير : الحمد لله بخير وانا خالتكم واشلونكم من زمان عنكم
نوير : صدق والله اننا مشتاقين لكم بس أنتم يا خالتي الله يسامحكم ما تجون الديرة كثير
أم مسك اللي كانت ما تحب موضوع أنهم يجون الديرة كثير : ودنا بس تعرفين الظروف
نوره: والله وكبرتي يمسك وينك معاد صرت تجين الديره
مسك اللي مثل امها ما تحب طاريء الديرة وتحس أن الديرة تربط طموحاتها: تعرفين ظروف الدراسة والشغل وبلى يالله اجلس مع أهلي
نوره: وشو شغل اشتغلتي اجل
مسك: تخرجت السنة اللي طافت وأنا باديه شغل لي سنة دكتورة في مستشفى قريب من بيتنا
نوره: ما شاء الله ما شاء الله الله يوفقك
دخلت الجدة مزنه وقامت أم مسك و مسك يسلمون عليها
وعند الرجال قال
ابو عناد: خلني اعلم اخوانا ي ابو فهد عشان يجون الليله عشاك مذبوح
ابو فهد : لا والله ياخوي لاتكلف على نفسك بكرا عيد مالها داعي الخساير يابعيدي
ابو عناد: العلم خساير والله انها مذبوحه موصي عناد يجيبها
ابو فهد: الله يكثر خيرك ويخليك بالوجود يالغالي
ابو عناد : ابد تستاهل ،،الو يابو فلاح اجنا الليله للعشا من كلا لايقعد احد
ابو فلاح: ل منهو عشاك
ابو عناد: ابو فهد وصل الديره وليله عيد نبي نتجمع
ابو فلاح: زين زين
ابو عناد :دق على ابو سيف وعلمه لايقعد احد
ابو فلاح :ابشر ابشر
ف بيت ابو عناد:
جا عناد من العزبه جايب الذبيحة والفواكه والببسي وكل شي
عناد: نوير ي نوير تعالي دخلي الاغراض وعطيني الصينيه
نوير: يلا يلا بزل القهوه واجيك
عناد: اعجلي علي
نوره: عناد وش هذا كله!!
عناد: وش تشوفين قدامك انتي
نوره: طيب خلاص لاتهاوش خلني باخذهم ل نوره تزهبهم
عناد: يلا بسلم واجيك اخذ القهوه والخضره
نوره: بيت عمي ابو سيف جو
الجدة :مزنه افتحي افتحي لهم الباب
نوره : زين ياجده يلا
نوير: نوره انتبهي لايشوفونك عيال عمي ويذبحك عناد
مسك: شفيها عادي تراها صغير مرا اوفر
نوير: والله عناد مايعرف صغيره ولا كبيره
دخلوا عايله ابو سيف
ام سيف: ارحبي يام مسك وش ذا الغيبه
ام مسك: اشغال الدنيا وش نسوي
فرح: ههلأ يخاله وينها مسك لايكون ماجت بعد زي السنه اللي راحت
ام مسك: هههه معليك معليك جايه شوفيها ف المطبخ مع نوير
فرح :اشوى حمدالله اجل بروح اشوفهم
ام مسك :وينها فوزيه ماجت
ام سيف : لا والله عند رجلها رايحين ل اهله ف الرياض بيعيدون عندهم
عند الرياجيل ف مجلس ابو عناد
دخلوا عليهم ابو سيف وعياله
ابو عناد: ارحبوا ارحبوا قلطوا جاي
ابو سيف:البقى ياخوي وينه احمد اخاف مشى بعد
ابو عناد : هههههه يتوضى بيصلي عان هذا ولده فهد
ابو سيف: ي ماشاءالله قيد كبر الذيب
فهد: تسلم ياعمي
سلموا عيال ابو سيف ع فهد
مصعب: شلونك عناد ووش لون الحلال عساه طيب
عناد: كلش مزبوط ازهلني
سيف: للان مافكرت تتوظف وتترك الحلال هذا
عناد : اتركة! ع قص رقبتي ذاك الحين
دخل ابو فهد
ياهلا ب الرجال
مصعب:هلابك ياعمي شحالك وش حال صحتك
ابو فهد: افا عليك صحتي ممتازه رياضي لايهمك هههه
سيف : من يومك ياعمي ههههههه
دخل نواف:ههلأ ب حضرانا
ابو فهد: كلكم تتغيرون الا السوسه ذا
ضحكوا هههههههه
عناد: السوسه ذا تراه ذيبان وراعي حلال
نواف: لاتذكرني ف الحلال تراك كارفني فيه
مصعب: خلك انت تقول بجي زي عناد خذلك كرف
ابو عناد : ياسلوقي مالقيت الا زي عناد عزالله ماعينت خير هههههههههه
االبنات ف المطبخ....
فرح: هلا والله مسك مابغيتي تجين
مسك: هلابك والله كنت بجي بس تعرفين الدراسة وضغوط
فرح: ماشاءالله انتي تدرسن جامعة
مسك: اي الحمدلله تخرجت
فرح: ماشاءالله كيف عمي سمح لك تدرسين الجامعة
مسك: ليش وش فيها بلعكس ابوي موافق وخلاني اتوظف دكتوره
نوير: ماشاءالله عمي احمد متفهم
فرح: يك اجل لاتعلمين احد انك دكتوره ولا قامو عليك
مسك: لاعاد مو لذي الدرجه
نوره: خلاص عاد غيرو السالفة
فرح : عمي ابو فلاح ماجو
نوير ؛ لاللحين بس على وشك
مسك: والله مشتاقة لـ اصايل من زمان عنها
اصايل: سمعت اسمي ههه
فرح : هلا والله الليي لها الخاطر يهلي
مسك: هلا والله ياحبيتي
اصايل : مسك من زمان عنك ماتقولين لي بنات عم من يوم رحتوا المدينه ماشفناك لكود غيرتك
مسك: ههههه وش فيكم علي
نوير: يالله نسوي القهوه قبل ليجي عناد ويذبحنا
مسك : اف عناد للحين تخافون منه
نوره: نوير بروح عند ريهام ف الصاله
فرح: اصايل جت العقربه
مسك : مين ذي
اصايل: هههههههه عمتي ام فلاح
نوره: بنات الحريم يقولون تعالوا
نوير: روحوا دقايق وجيكم
راحوا البنات ماعاد مسك
مسك: عادي اطلع عبايتي مايجي احد
نوير : اي عادي عناد مايجي غير طق الباب
مسك تعدل فستانها
دخل عناد:نوير وين القهوه؟؟وقف منصدم من البنت اللي لبسه قصير وتلاقت عيونهم
صرخت مسك: هييييييي لاتشوف
نوير :عناد اطلع فيه بنت
عناد :ي بنت قصري صوتك فيه رجال!!!
