مسك:خير
نوير :خلاص مسك روحي
راحت مسك وهي تتحلطم
دخل عناد : البزر ذي منهي
نوير : عناد حرام عليك خوفت البنت
عناد: لا ياشيخه انا اللي خفت من صوتها
نوير:ذي مسك بنت عمي احمد
عناد: وانا اقول بنات الديره مايصرخون طلعت بنت المدينه
دخلت نوره: عناد امانه نبي نروح الى البقاله
عناد : سلامات شايفتني فاضي اوديك البقاله والعرب هذولا ويش
نوره :اف
عناد:خلي شوي ابوي ياخذك ولا توصينه مالي خلقك
نوير :امشي نروح عند الحريم عشان اذ جا عناد الحين نساعده ف الغدا
نواف : علومك يالحضري
فهد:ههههه بخير الحمد لله
نواف:رح بس غير ملابسك ليجون شبيان الدير ويزرون عليك بدلات وحركات
فهد: يوه للحين ماتطورتوا
نواف: يعنني طلع منها تراها ديرتك مردك لها
عناد:نوافف تعال
نواف:ياليلي منك وش تبى بعد
عناد :ابي تروح تجيب اغراض من البقاله
ابو عناد :عناد اذا رحت للبقاله شوف نوره وش تبي منها
نواف في نفسه:(اذا الدعوه فيها نوره يبشر بها)
عناد : هي نواف دقايق وتعال عشان اعلمك ب الاغراض
نواف :ابشر
راح عناد عشان يشوف نوره وش تبي من البقالة
عناد :نوره يا نوره
جت نوره:هلا
عناد :وش تبين من البقالة
نوره:ابي اروح انا اشوف بنفسي
عناد :لا انا بوصي نواف يجيب الأغراض
نوره :يوههه اجل دقيقه نوير تبي أغراض للعشاء
عناد :اغراض للعشاء !!!! انا اولا جايب
نوره :مدري عنها هي تبي اغراض للحلا اتوقع
عناد : طيب شوفي وش تبون عشان اقول لنواف لا تتاخرين بسرعه
نوره :ابشر بس دقايق
وراحت نوره وبعد دقايق جت ومعها ورقة : هاك هذي كل الاغراض الي نبيها
عناد : زين
وراح عناد عند الرجال
عناد : نواف تعال تعال
جاء نواف: هلا
عناد :هاك ذي الورقة جب كل الي فيها وهاك ذي الفلوس بعد ولا تتاخر جب الاغراض وتعال بسرعة
نواف: ابشر الحين اجيبها (نواف في نفسه تبشر نوره بلي تبيه لو تبي عيوني انا حاضر)
رجع عناد عند الرجال وكملو سوالف
عند البنات
مسك الي كانت منزعجة من الموقف الي صار قبل شوي
وتقول في نفسها (اههه يا ذا العناد مايستحي على وجهه )
نواف في البقالة
كان يتمشى ويدور اغراض نوره ونوير طاحت عينه على حلاو كانو هو ونوره يحبونه يوم كانو صغار بس انه انقطع بعدين رجعو يبيعونه وقعد يفكر يجيب لنوره ولا لا وبعدها قال عادي بجيبه واذا احد تكلم بيقول كنت جايبه لي ونسيته واخذ الاغراض ورجع
نواف في نفسه اروح اعطيهم انا ولا اعطي عناد يعطيهم
وقف عند باب مجلس الرجال يفكر وشافه عناد وقال :وده المطبخ
وراح نواف وهو متوتر وطق باب المطبخ
قالت نوره : ادخل ي عناد مافيه احد
وقال نواف : انا نواف ولد عمك عناد قال حطها بالمطبخ هذي الاغراض الي طلبتيها
قالت نوره: زين نزلها يعطيك العافية
نواف بنفسه (تستاهلين والله اللي يجيبها لك )
وراح وبعد ما تأكدت ان نواف راح فتحت الباب واخذت الاغراض
دخل نواف المجلس وجلس وعلى غير عادته كان ساكت وواضح انه يفكر
فهد :وش فيك يارجال وش صاير معك
انتبه نواف لنفسه وعدل جلسته : هاه لا ولا شي
ورجع يسولف ويطقطق
وانتهى اليوم وكل واحد رجع بيته بحكم ان بكره العيد ولازم يتجهزون
وكانت نوره في غرفتهم تفكر ب نواف وانه كلمته بعد كل ذا القطعه وفجاة صحت على نفسها وتقول وش ذا يانورة انهبلتي واخذت الكيسة بتاخذ الاغراض الي جابها نواف من البقالة ولفت انتباهها الحلاو الي حطه نواف
نوره :ياقدمي من زمان عن ذا الحلاو اكيد انه لنواف لاني ماكتبت ذا المهم مافي مشكلة باكله كان نواف جايب لها اربعة واكلت منه ثنين واثنين خبتهم لبعدين
وعند عناد بعد ماراحوا كل الجماعه
عناد: نوير سويتوا فراشي ف الحوش ولا باقي
نوير: مانك راقد ف المجلس؟
عناد: لا الجو براد بجي بكرا
نوير: زين بندب عليك نوره ابه
عناد: استعجلي
راح يتوضى وصلى وجا على فراشه بعد ما نوره جابته
جلس يفكر بالمنظر اللي شافه بالمطبخ مايدري هل هو اعجاب ولا نقده ع لبسها للان ماحدد شعوره!
