ريهام في نفسها ليتها ما جت
نوير: وش رايكم نروح برا عند الحريم
اصايل:لا مالنا خلق ام فلاح تنكد بجونا
فرح : اي والله بتقعد تحانك الحين مالنا خلقها
مسك: شفيكم مشخصنينها معها
اصايل : يحليلك ماتعرفينها
فرح : بروح اشوف نوره
راحت فرح تتطمن ع نوره
الجده : من بتروح معي عند الريجيل
ام فلاح: بجي معك ماني قاعده بالطفش
وراحو معم ام مسك وام تركي وام سيف جلست تضبط الجلسات
عند عناد والعيال خلصو من الذبايح
فلاح: تبيني اساعدك ف شيلها ولا تحرزها
عناد : ماعليك احرزها
مصعب : نواف جب القدر في خيمت العامل
نواف: يليل جانا الثاني مالي خلق. وقعد يناظر فهد بمعنا تجيبه انت
فهد: لاتناظرني ماني جايب شي
تركي الي راح ينزل الجراكن عند خيمت الطبخ وعند الحريم : احم احم يولد
اصايل: تركي شيبي
ريهام: مدري
اصايل:روحي شوفيه
ريهام: يربي زين بشوف
اصايل: بسرعه روحي
ريهام : البس جزمتي دقيقه
عند فرح الي كانت عند نوره بتروح للبنات
وسمعتهم يقولون تركي وش يبى قالت بنفسها اهخخ لو اشوفه (فرح وتركي كان بينهم حب بس بسبب العادات والتقاليد مافكروا يتواصلون ف كل واحد قعد حب الطفوله بقلبه)
تركي:ريهام فيه بنات داخل شي ولا ادخلها
وهو بخاطره بعد يشوف فرح ولو بالغلط
ريهام :لا نزلها هنا فيه البنات بالخيمه
نزلها تركي وراح وهو متكدر بخاطره شوفت فرح
رجعت ريهام: جايب مويه
اصايل : طيب دخليها
ريهام:محرزها لحالي والله لوني وش
نوير : بروح ادخلها
مسك : بجي معك
اصايل: بلبس نعولي واجي معكم اجل
ريهام: لو انا جايبتها كان ماساعدتيني
دخلو المويه ورجعوا يسولفون كلهم
عند الريجيل
نواف وفهد يصبون القهوه
ابو عناد قام بيروح
ابو فلاح: علامك يحمود وين بتروح
ابو عناد: بروح اشوف نوره وش سوت
ابو مسك: طمنا عليها
نواف فز اول ماسمع اسمها وده بس يعرف كيفها
فهد نفس وضع نواف وده يطمن عليها بس للان مايعرف مشاعره
راح ابو عناد يشوفه نوره : هاه وانا ابوك تونسين شي
نوره: لايبه ماعلي
ابو عناد: الجو حلو وش رايك بعد الغدا تتمشين معهم
نوره: من هم
ابو عناد: يعني اذا راحو البنات يسولفون تروحين معهم وتشمين هوا
نوره: ابشر يبه انت رح ولا تشيل هم
ابو عناد: قبل اروح تبين شي
نوره : لا مشكور
رجع حمود ل اخوانه ابشركم طيبه
ابتسم نواف بتنهيده
فهد:وراك تتبوسم قبل شوي مالك خلق
نواف مابتسم يعني ي سمله صدق
عند عناد والعيال
مصعب : عناد عطني الصنيه بغرفه
عناد: هاك
تركي: تبون مساعده
عناد : لا
تركي:بيطول غداكم
مصعب:لا بنغرفه
عناد: تركي اذا ماعليك امر تاخذ الببسي ولا ناد نواف وفهد
تركي:لا ماعليه باخذه
سيف : السفره هنيا
عناد: اي عندك
وغرفو الغدا وتغدواء
عند الحريم ارجعو يتغدون
سلمى: وش ذا مارعه الله يديم النعمه مشتهي
فرح : احسن لاتاكليـ وامها تقرصها قبل تكمل كلامها
ام فلاح: البنت هاذي مدلعينها زياده خليها تاكل وهي ماتشوف الدرب
ام سيف : وش تبين بها كل نفس وماتشتهي
وتغدو وخلصوا
وقت العصر
الشياب قرروا ياخذون لهم غطه في الظل
البنات لبسوا شالاتهم بيتمشون شوي
اما العيال اجتمعوا عند الحلال الابل يحلبون ويسولفون ومحتوى جلستهم طقطقه ع نواف
مسك عند البنات واو الجو صدق يجننن
فرح: تصدقين اول مرا نجي المكان ذا لان يقولون عناد مغير المكان القديم
مسك:اما المكان ذا مختاره عناد طلع يجي منه ههههه
نوير : اي اجل ؟
فرح : ههههه يجي يجي منه لايغرك
اصايل:شرايكم نجي نشوف الابل وربي تجننن بس تخوف يعني
مسك :اي اي تكفون ودي اقرب منهم
ريهام :اجل تفكون لا تروحون لها بنادي سلمى ونوره واجي عشان نروح سوا
نوير: يلا اعجلي عشان نجيبها قبل العيال
ريهام راحت تركض للخيام لانهم رايحات يمشون بعيد شوي وصلت
ريهام:اهخخ عطوني عطوني مويه واروح معنا
سلمى ونوره كانوا يسولفون سواليف عاديه
سلمى : وين نروح؟
ريهام : البنات يقولون بنجي الابل من قريب
نوره:اما وعناد؟
ريهام :ياليل عناد ذا يقولون موب فيه رايح يجيب اغراض
سلمى:يلا نوره خل نروح
نوره :لا روحوا انتم بس والله تعبانه ماقدر امشي كثير
ريهام:براحتك انتِ الخسرانه يلا سلمى
وراحوا هي وسلمى ركض للبنات جينا جينا
اصايل :مابغيتوا يلا نروح قبل يجون
نوير :بس ثواني صدق من قالكم انهم رايحين اخاف هناك؟
فرح :لا موب هناك ع كلام جده تقول بيجون اغراض للعشا
مسك:بطقاق امشوا بس
راحوا البنات متوجهات للابل
عند العيال
مصعب: روحوا ي نواف وفهد للخيام وجيبوا الطوس بنحلب مع عناد اضنا نخلص قبل تطيح الشمس
نواف: اهخ امش امش يالحظري ماش علم
راحوا يمشون بطريقهم للخيام
قربوا البنات وشافوا العيال واقفين عندها وبنفس الوقت العيال يشوفون البنات طبعا المسافه موب بعيده يعني كلهم يقدرون يشوفون بعض من مسافه بسيطه بس مو قريب)))
سيف:ذولي علامهم جاين يمنا اخاف فيه شي
عناد : بسم الله الله يستر
تركي :نادوا عليهم شوفوا وش عندهم
البنات ياليل رجعنا رجعنا لا يشوفونا الحين وتصير سالفه
نادا سيف يوم شاف بنته معهم
