استمتعوا بها✨✨
فهد : مع الوقت بعلمك فيها بتحبها اكيد
ابو مسك: اقول انتبه للخط بس
ابو مسك ماخذ كلام ولده ع محمل الجد
وعند نواف وعناد بالعزبه
نواف : شعنده فايز جاي
عناد: مدري عنه يقول بجيكم لـ خير
نواف : خير وش بعد ياليلي ليلاه
عناد: ياليلك وش؟؟؟
نواف انخرش من عناد وسكت
عناد: هاه؟؟
نواف : ماش مير تبينا ناخذ الرخل هذا
عناد : اي زين مير يكفي ولا
نواف : اي يكفي ويزود بعد
عناد: اجل شله في موتري بوديه الصلاخ
نواف : تبيني اوديه انا
عناد:لا مايحتاج بوديه رح لبيتنا انت وشف وش يبون مقاضي للغدا اسال جده
واخذ عناد الذبيحة وراح
وعند بيت ابو سيف
مصعب: يلا توصون على شي بنمشي
ام سيف : الله يستر عليكم
وراح مصعب بعد ماسلم عليهم
ابو سيف: ترا حمود عنده غدا تروحون
ام سيف : لمن غداه
ابو سيف: ل فايز ولد ابو ذيب
ام سيف: اجل بنروح
فرح: مارح اروح بقعد عند فوزيه
ابو سيف: فوزيه تروحين وانا ابوك تغيرين جو وتستانسين
فوزيه : لا بقعد مالي خلق مير فرح روحي مايحتاج تقعدين عندي
فرح: زين
سلمى:اجل بقعد عند عمه
وعند بيت ابو عناد
نوير ونوره جهزو كل شي
دق عناد على ابوه
ابو عناد: ههلاً وش بغيت
عناد: خل البنات يجهزون اغراضهم الي يبونها ويعطونها جده تعطيها نواف
ابو عناد: ذبحت ذبيحتك
عناد: اي ذابحها
ابو عناد: نوير ي نوير
نوير: ههلاً يبه وش بغيت
ابو عناد: ادخلن داخل عمك عانيه يدق الباب ومعه ولده
دخل ابو مسك وفهد
ردوا السلام وكل شي
فهد : عمي تحتاجون شي اجيبه
الجدة: اي اي عان الورقه حقت المقاضي معي احتري نواف عشان اعطيها اياه
فهد: عطيني اياها انا دامني موجود
اخذ فهد الورقه وهو طالع تواجه مع نواف عند الباب
نواف : وش عندك ووين رايح؟
فهد انت اللي وش جايبك هههههه
نواف : شدخلك ويقلد ضحكة فهد
فهد: ادخل ادخل بس بروح اجيب اغراض الحب واختها هههه
نواف استحقره ودخل
وقت الغدا عند الريجيل
سلمو كلهم
ابو ذيب : كيف الحلال معك ي عناد ان شاءالله انه طيب
ابو سيف: اي والله طيب ماقصر عناد
عناد: حمدلله كلش زين
وسولفو شوي
وبدا ابو فايز بالكلام وقال
ابو فايز : جايكم اليوم بامر خير ان شاءالله ماتردوني
ابو عناد : ان كان امر مقدور عليه ان شاءالله مانردك
ابو فلاح : ماتنرد يابو فايز
فلاح انصدم من كلام ابوه
ابو فايز : انتم تدرون ان ولدي فايز توه متوظف ويبي يكمل نص دينه ومالقينا اطيب منكم نطلب يد بنتكم نوير لولدكم فايز
ابو فلاح يراقب ردة فعل فلاح وشاف فلاح يوم وقف بقوة وعصبيه وعلى طول دق تركي
وقال ابو فلاح : قم طلع اخوك برا
والمجلس كله أنصدم من ردة فلاح وتركي السريعه
فلاح برا: فكني عليه والله للعـىْه
تركي : ياولد اركد لاتفشلنا في الرياجيل
فلاح : خليتو فيها رياجيل
تركي بصوت عالي: اعقل يارجال
عند الرياجيل يسمعون صراخ فلاح وتهدئة تركي له
طلع عناد والعيال للحوش
عناد : عسى ماشر يارياجيل
فلاح بصوت عالي : السالفه اني ابي اختك وانتي بتزوجها الرخمه الي داخل
العيال صارو يسكتون فلاح عشان صوته لا يطلع
عناد صفق فلاح وقال: لو انك رجال جيتني مثل الرجال الي داخل
نواف وفهد يركضون يسكرون الباب على الرياجيل
تركي سحب فلاح وطلعه من البيت
عناد بعصبيه لفهد ونواف
عناد: الي يطلع ذي السالفه بلعـ..ـن جده
راح عناد لرياجيل
فهد بخوف : وتبيني أتزوج اخته
نواف : ايه بيذبحك خل اخته لي
فهد بضحك : رح وراك بس
في السياره عند تركي وفلاح
فلاح : ان عاش راسي ماياخذها غيري رضو ولا مارضو
تركي : اذكر الله يارجال
دق جوال تركي
ابو فلاح : وينكم فيه وش سوا فلاح
تركي : برا عند البيت ماسوا شي الامور طيبه
ابو فلاح : ورا عناد معصب
تركي : هذا عناد من يومه
سكر ابو فلاح المكالمه وهو متوتر بين الرياجيل
