وراحو البنات يتجهزون
رجعوا الرياجيل من صلاة الظهر
ابو عناد: عناد تعال طلع لي رقم ابو سهم بعزمه
ابوفهد:ابوسهم ذا مين معرفته
ابوفلاح:والله يحمود مود انك تعزمه بيدوخنا بعلومه
ابو سيف: والله اني ماادانيه مير عياله يحسفون
ابو فهد : اوكِ هو منهو
مصعب: عمي تعرف اللي دايم عناد يتهاوش معه
ابو فهد: يك عرفته النضور (يعني يعطي عين ) ماله حيله عناد منه
اخذ الجوال ابو عناد ودق
ابو عناد: اص رد هلا والله يبو سهم علومك وش لونك
ابو سهم؛ هلا طيب وش علومك
ابوعناد:عندي غدا اليوم اعزمك عليه انتم واهلك
ابو سهم:دايم غدا العيد الاول عندك مكثر حلالك
نواف: هب يبي يعطي عين بس
ابوعناد: اص يورع شسوي حق وواجب وجايني اخوي ابو فهد
ابو سهم: اثر الحضري عندكم اجل بجي بشوف تغير ولا لا
ابو عناد الله يحييك وسكر
عند البنات
نوره : بنات امانه ابي احد يحط لي مكياج
نوير: لاتحطين واجد خليه ناعم
فرح: نوره حبيبتي ماتحتاجين مزيونه بدونه
ريهام في نفسه( ياشينك انتي ونوره
اصايل:فرح امدحي ريهام ولا تزعل
مسك: ههه مو لذي ادرجه
نوير : بنات وش يتلبسون
فرح:تعرفون فستاني الوردي اللي شريته وريتكم
مسك: وش هو ماعرف
فرح:فستانها طويل ماسك لين الخصر وبعد منفوش
نوير:الله فرح فستانك حلو مره
فرح: تسلمين وش فستانك انتي
نوير: فستانها ازراق و طويل واكمامه لنص اليد مو ماسك مره
نوره: وانتي ي اصايل وش فستانك
اصايل :فستنها اخضر ماسك طويل وله فتحه من ورا
وريهام: فستانها اخضر فاتح مره ونفس موديل فرح
نوره :فستانها اسود حرير شبه ماسك وفيه نفشه خفيفه
( كل البنات شعورهم طويله ماعاد مسك تحت متونها بشوي
فرح : يالله مسك اطلعي بنشوف فستانك
مسك : دقيقه فستانها: احمر ماسك مره ويدينه علاق وفيه فتح على الفخذ
البنات كلهم الله حلو
نوير: مسك فستانك كنه شوي عاري
طقت فرح يد نوير بهمس وقالت: اش لاتفشلين كذا ملابس اهل المدينه
نوير: وش قلت بس بيتكلمون عليها
مسك: والله ماعلي من احد اهم شيء امي راضيه
ريهام: الله مسك فستانك حلو مره ابي نفسه
مسك : ابشري اجيب لك
اصايل : مسك لا تجبين ولا شيء هيهي حبيتي كن تركي بيخليك تلبسينها
فرح يوم اسمعت اسم تركي فهمت فيه وبستمت
نوره جت تركض: بنات جو الحريم
ام سهم :ياهلا البيت
الجده: اقلطي يالله حيها
ام سهم: هلا يا ام حمود شخبارك وين حرمت ولدك الحضري ولا مجت صرنا مانعجبها
ام تركي: وش هل كلام ياام سهم الحرمه تتسنن وتجي الله يهديك
ام فلاح: وهي وش قالت قمتي عليها اعوذبالله منس( اشي تقول ام تركي لازم تجي عكسها)
جت ام مسك: السلام عليكم
قامت ام سهم:اشو اثرك جايه قلت شافت المدينه ونستنا
ام مسك: لا والله اجل انتم تنسون
الجده:يانوير يانوير
نوير: هلا يمه(نوير ونوره ينادونها يمه)
تعالو سلموا عليى الحريم
ام تركي:وشغلو السماعه نبي نرقص
ام سهم: اثر فيهك العافيه يوم ترقصين
ام مسك: اذكري الله يام سهم
ام سهم: وش قلت انا
الجده:وش علوم اهلك يا ام سهم
ام سهم: ماعليهم
جو البنات يسلمون
ام سهم وحريم الديره يوم شافو لبس مسك انصدمو
ام سهم ها يم فهد
فرح عرفت انها بتنقد وشغلت السماعة ورقصت
وبدوا اجوا العيد
عند العيال
ابو سهم: اثريك ولد يا احمد
نواف؛ ههه يبي يجدول على عمي يوم شاف عناد مو هنا
فهد:هذا علامه كل شوي مجدول على واحد
مصعب : اص انت وياه قوموا صبو القهوره ولا تبوني اصبها
نواف وفهد :طيب ابشر
جاء سيف:السلام عليكم
سلموا عليه
ابو عناد: وينك ياسيف اليوم ما افطرت معنا
سيف:كنت في الرياض ياعمي اخذ بنتي
ابو سهم:اقول يا حمد ماودك تجوز فلاح
ابو فلاح :اذا تحرزه علمه عيا
ابو سهم:فلاح تجوز وش لك باعزوبيه
فلاح: ماعلي بعدين
ابو مطر:شكلك تحب
عم السكوت في المجلس
فلاح :افا وش هذا العلم
ابو مطر: اجل ليه ماتتزوج وظيفه وعندك الا اذا في بالك احد علمني
نواف:يويله ويلاه
فهد؛ ليه
نواف :فلاح مايحب يتكلم في الموضوع
بغا يهاوش بس شاف نظرات ابوه يعني اهدا
فلاح: ماعليه اول واحد اعلمه انت وطلع
مصعب طلع لعناد ورا البيت:تبي مساعده
عناد:لا تسلم دقايق واجيك
وراح مصعب
فلاح : عناد عمي يبك
عناد :: فلاح اجلس دقيقه وجيك
فلاح:طيب(فلاح اصلا يبي الفكه من المجلس ولقا عذر)
نوره:نوير امانه ودي هذا لعناد ورا البيت يبي البصل بروح لبنات
نوير: طيب عطيني
وطلعت
فلاح يهوجس الله يهديك ياامي كان الحين متزوج
نوير:حطت الطرحه على متونه وطلعت
نوير :عناد وين وشافن واحد مقفي تحسبه عناد
فلاح:ماقدر يلتفت سمع الصوت اللي يتمنا يسمعه ولتفت
طاح الصحن من نوير:يمه وراحت تركض
فلاح:منصدم هذي اول مره يشوفها بس يعرفها من صوتها
فلاح: الليله الليله اقنع امي فيها يا انا ياهي وكمل هواجيس
عند الرياجيل
عناد : هلا ابوي
ابو عناد: دق على سهم ماجاء
عناد :ابوي سهم اليوم مستلم
ابو عناد:يوه خلاص كم باقي على الغدا
عناد :خلاص بس دقايق نواف وفهد تعالوا
فهد :من يوم جيتكم وانا اشتغل لحول
عناد:خلاص رح لاتمن نواف دايم يشتغل ماقال شيء
