بيت ابو سيف
بعد ماوصلوا
سيف: يبه انا بروح الرياض بجيب سلمى من عند امها عشان تعيد معنا
مصعب: ماتبيني اجي معك خط ومسرى؟
سيف:لا لا خلك مايحتاج
ابو سيف : زين مير انتبه من الخطوط والبل
ام سيف: استودعتك الله ياوليدي
طلع سيف متوجه ل الرياض
مصعب سكر الباب وراء اخوه وراح بيرقد مع نواف
مصعب: نواف علامك مارقدت للحين
نواف: ارسل خويي وبرقد
مصعب زين طف الجوال لايجيك ابوي يسريك
طبعن نواف ماكان يرسل ل خويه بالعكس كان يسولف مع ريهام بنت عمه من جوال اختها الكبيره اصايل بخصوص ان البنات الصغار بالديره مالهم جولات
في بيت ابو فلاح
ام فلاح: خل الجوال يوليدي وكلمني ماتبينا نروح بيت خالك بكرا بالعيد ونخطب البنت تصلح لك كم مرا اقوله
فلاح: ي يمه جعلني فدا رجليك قفلي السالفه
ام فلاح : تبى تصير شايب لظلي محد يزوجك كله بدروب العانس بنت عمك الله لايعيدها (العانس هي نوير اخت عناد)
فلاح:لاحول ولاقوة الا بالله بس
ونام الكل بحماس ل صباح العيد..
في صباح عيد الاضحى
في بيت ابو سيف
مصعب: يلا وين رحتو لانتاخر على صلاه العيد
ابو سيف: هذاني جاي يلا
مصعب:يمه اذ بتروحين اعجلي خلي الشغل الباقي تكمله فرح
فرح:الله يعيني بس
ابو سيف: يلا يانواف وين رحت
نواف : فرح تكوي شماغي دقيقه
مصعب: اذا تاخرت بروح واخليك اعجل علي
فرح: يلا يلا جا
وراحو صلاه العيد
فرح تجهز الاغراض عشان فطور العيد بيكون عند ابو عناد بحكم انه اكبر واحد وجدتهم ساكنه معه
في بيت ابو عناد
ابو عناد: يمه بتروحين صلاه العيد
الجده مزنه: اي
عناد : نوره اعقالي وين
نوره: مدري عنك وين وديته
عناد: تعيني وينه بسرعه
نوره: هاك هذا
عناد: اي هو يلا مشينا
وراحو صلاه العيد ونوره ونوير يجهزون الاغراض عشان الفطور عندهم
ابو مسك : تجهزي انتِ وامك لين اجي من الصلاه عشان نفطر عند عمك
مسك:ابشر يبه
بعد مارجعو من الصلاه عناد ذبح الذبيحه
وجا ابو فلاح مع عياله وحريمه الثنتين
ابو عناد: ياهلا ومرحبا اقلطو من العايدين
ابو فلاح : من الفايزين
دخل تركي ياعمي وينه عناد يبي مساعده شي؟
عناد: تعال عاني هنا مير ارفع ثوبك لايتوصخ
تركي: تعال ي مصعب معنا
جاهم مصعب وبدوا يساعدون عناد كلهم الا فلاح للان بهواجيس امه والزواج اللي ماتنتهي
عند الحريم .
ام فلاح : السلام عليكم ياهل البيت
نوير: ههلاً الله حيهم اقلطو
الجده:وعليهم السلام من العايدين
ام فلاح :من الفايزين
جو كلهم وعند الرجال
ابو مسك: وش لون حلالكم
عناد: والله طيب يعم
ابو عناد: ماشفت الحلال غيره عناد وجددده وصار ماشاءالله تبارك الله كثير وطيب
ابو مسك: حتى مكانه غيرتوه؟
عناد :اي سحفنا شوي ورانا ماتبي نروح له اوريك
ابو سيف:اي خلونا نروح ونغير جو عنده
ابو فلاح: اجل خلنا نروح بكرا على العصريه
عناد: تم عاد اليومين هاذي اجوا زينه
ابو مسك: م شاء الله
ام تركي: روحي ي ريهام انتِ ونوره جيبو الاغراض حقت الرجاجيل نجددها لين يجون
ريهام : يمه تكفين خلو وحده ثاني تروح بسوي شعري انا قبل يجون الحريم الباقيات
نوره :خلاص ي خاله عادي يجيبها لحالي
اصايل: اف من اختي ماتنفع جمعي ي نوره بجي اشيلها معك
نوره :زين ابشري
نوير ف المطبخ تسوي شاهي وقهوه وفرح تطلع القدوع
مسك تغسل الفواكه وتتافف
مسك:ياربي ي بنات دايم شغل شغل الحمدالله مالي اخوان كبار
فرح: شنسوي اهم شي نغسل اغراضهم بدري عشان نروح نكشخ للعيد ونرقص ونننبسط
مسك: اي والله اهم شي ههههههه
دخلت نوره المجلس بتشيل الاغراض الا ذاك الطويل اللي دخل عليها مع الباب نوره بصدمه يمه من انت
نواف باعجاب انتِ اللي مين؟
طلعت نوره تركض من الخرشه يويلي ذا مين اهخخ
نواف رايح بغرامها ماصدق يشوفها من زمان عنه
(اهخ منك يانوره كل يوم يزداد جمالك)
نوره توجهت ع المطبخ ع طول جلست تشرب مويه مو مستوعبه اللي صار
اصايل:علامك كانك شايفه لك جني
نوره: لا ههههه بس ضميانه وجيت اشرب مويه
اصايل :زين يلا نروح نجيب الاغراض
نواف طلع راح يمشي للمسجد وهو من التفكير فيها مايدري كيف وصل
دخلوا نوره واصايل يشيلون بالاغراض
