سيف :ي سلمى علامكم جاين لايكون صاير شي ؟؟
سلمى:ولاشي يايبه بس نمشي مادرينا انكم هنا
رد عناد بتسرع ارجعوا لاتمشون بعيد فيه عربان هنيا وشباب قريب عودوا
سلمى :يلا يلا
البنات رجعوا بكرهه وخيبه
مسك: هف صدق من عناد ذا ويصارخ بعد خيير صدق
نوير: شوي شوي ي مسك شيسوي بعد ينبهنا
فرح: ليتنا مداهمينهم من قريب ههههه
اصايل:عشان مصعب يدفنك
ريهام :مغامره والله هههههههه
مسك:شفيك منوري زعلتي معليش بس صدق اخوك يقهر شسوي
نوير راحت سبقتهم بدون ماترد عليهم لانها ماترضى ع اخوها وتعرف كله انتباه لهم وحب
مسك:ياليل زعلت ذي
ريهام: وانتي بعد ي مسك زودتيها اخوها ترا
فرح: خلاص خلاص امشوا حصل خير
عند العزبه:
نوره جالسه لحالها وب الوقت ذا
دخلوا نواف وفهد وهي جالسه تمشط شعرها ف الخيمه
وقفوا كلهم بصدمه يناظرون جمالها وشعرها الاسود
لفت الا واقفين يمه واخذت الشرشف اللي عندها وتغطت
نواف من الخرشه سحب فهد خير خير
ويوم طلعوا فهد باقي للان بصدمه ونواف بصدمة جمالها وصدمت ان فهد شافها معه
نواف: خير تناظر كذا وراك
فهد:هاه لا مافيني شي
نواف :انسى اللي شفته لوو يدري عناد ان داخلين خيمه واخته كاشفه فيها ذبحنا
فهد : وانت انسى معي يالطيب تجلس تتذكر وانا لا
نواف بنظرات حقد والمطلوب؟
سكتوا وراحوا ل جدتهم اللي ناكبتهم وقايله روحوا الخيمه مافيها بنات اخذوا الطوس
نوره يمه يمه وش بيقولون الحين ل عناد
نوير دخلت شفيك وراك تهوجسين؟
نوره :ولاشي رجعتوا مسرعكم؟
نوير: ماش العيال عند الحلال ورجعنا
دخلوا البنات الباقيات ومسك ع طول توجهت تحضن نوير آسفه خلاص
نوره :شسالفه؟
ريهام:ولاشي سالفه سامجه وراك فاكه ذا الجدايل هههه
نوره: ولاشي قلت بمشط شعري يمكن تتعدل نفسيتي
فرح: ايوا صدق وش صار ع حرارتك ان شاء الله احسن
نوره:اي حمدالله اليوم احسن
كملوا سواليفهم البسيطه
جا المغرب ورجعوا العيال للعزبه
وجاهم فلاح ب اغراض العشاء
مصعب:اخيراً جيت وراك طولت
فلاح:شسوي رحت جبت الاغراض ومريت البيت وكذا
عناد :اهم شي جبت كل الاغراض
فلاح:اي اي جبتها متى تبون نضغط العشاء ؟
سيف: جده تقول العشا ع البنات بيسونه
عناد:تعال ي نواف ناد جده وشوف صدق بيصلحون البنات العشا وعرفوا مكان الصحون والاشياء ذي؟
نواف:تكفى ي فهد رح لاني بتوضى ماتوضيت
فهد:زيين
راح فهد ل جدته ياجده عندك احد ؟
الجده:تعال يوليدي ماعندي احد
جاها فهد وجلس عندها وهي جالسه على سجادتها بعد صلاه المغرب
فهد:تقولين البنات بيسون العشا صح؟
الجده:اي علامك
فهد:عناد يقول تاكد ولقوا الصحون والاغراض ولا
الجده:مدري بشوفهم لكم الحين
راحت الجده للخيمه عند البنات بتسالهم عن العشاء
جت الجده عند البنات ي بنات ناقصكم شي عشان تسون العشا
نوير :اي ناقصنا المويه
الجده:المويه عانيها عند الوايت جيبيها
نوير:يلا بجيبها وانتي ي اصايل طلعي القدر
اصايل :زين زين
رحت نوير تجيب المويه من الوايت و ب الوقت ذا كان فلااح جالس ف الوايت من داخل يغير ثيابه
يوم شاف اللي تشيل المويه ع طول نزل
نوير :خافت مين هنا؟؟؟
فلاح: انا فلاح تبين مساعده؟
نوير : لا لا مشكوره
نوير انسانه عاقله وماتشوف فلاح الا زي اخوها الكبير
فلاح :خليه خليه بشيله انا
نوير: ماتقصر
اخذ فلاح المويه وراحت تمشي نوير وراه وقفوا عند الجده كانت برا الخيمه
فلاح:انزلها هنا
نوير :اي مشكور
الجده: اي نزله جاي يوليدي
نزله فلاح عند جدته وحب ع راسها
قالت الجده :الله يوفقكم ويزوجكم ي عيالي
نوير ع طول راحت داخل
فلاح ضحك قال :امين امين ياجده
بدوا البنات يسوون العشا
اصايل:انا ونوير علينا العشاء ومسك وفرح يضبطون الجلسات برا
نوره:طيب انا وريهام وش نسوي؟
ريهام:تكلمي عن نفسك انا مابي اسوي شي مصدعه
فرح: ههههه خلاص يانوره جيبي لنا الاغراض اللي في جلست الرياجيل العصر
ريهام خافت ان نواف يشوف نوره قالت دقيقه بروح معك غيرت راييي ههه
نوره:حياك مشينا
عند فرح ومسك
فرح:مسك خل نسحب الفرشه هنا عند البراد
مسك:يلا
وحطوا الفرشة
مسك:اح اظفري انكسر
فرح:ماعليك جايبه مهب مقص اظافر بالخيمة
مسك:زين زين بروح اقصه
وراحت مسك للخيمه تاخذ المقص
عند الشيبان
ابو سيف :سيف يابوك ناد لي سلمى
سيف :ان شاء الله يبه بس وش تبي فيها
ابو سيف :معطيها علاجي بنشدها عنه
سيف :ابشر وراح سيف يناديها
ابو فلاح: ع طاري سلمى والله انها ثليبه (حليله) بس لسانه مؤذي
ابو مسك: ههههه اي اشوف لسانه مؤذي علامها
ابو سيف : مغير كذا تحسبنا سببب طلاق اهلها عشان امها معبيه راسها علينا
قال ابو عناد :ربي وربها الله نادوا امي يعياال خل تتقهوى معنا
عناد جا من عند الشباب ههلأ يابوي
ابو عناد :ناد جدتك والحريم يتقهون عندنا
عند نوره وريهام
ريهام :نوره احسك اليوم فيك شي علميني شاركيني همومك ههههه
نوره:حشى وش همومي
ريهام :مدري احس مشغلك شي منا ولا منا 👀
نوره: تبين اصدق
ريهام :اكيد ابيه
نوره: والله اليوم صار معي شي مايتخبى
ريهام :خوفتيني وشو
وهنا نهاية البارت ❤️📍
