نوره: اليوم يوم امشط شعري دخلوا علي فهد ونواف مستوعبه
اصايل: هاه هاه؟؟؟ وششش بصوت عالي
نوره :اص قصري صوتك لاحد يسمع وربي مرا متوتره
ريهام :وين شافوك وش وداك عندهم انتِ ؟
نوره :والله مارحت لهممممم دخلوا هم علي؟؟؟؟
ريهام:تروعين مابقى احد ماشافك وتسوين شعرك بعد يعنني
نوره :وش يعنني اقولك مادريت يعني قاصدتها انا وش تقصدين ؟
ريهام :ماندري عنك الله لايبلانا بس
نوره :ريهام مو من صدقك!!
ريهام : الله اعلم عنك
نوره: حدك عاد وراحت معصبه
(ريهام انقهرت ان نواف شاف نوره مرا ثانيه وبعد وهي فاكة شعرها وهي تعرف ان شعر نوره جميل وطويل و مو ذا وبس الا فهد معه بعد)
عند تركي ومصعب
مصعب وتركي يتمشون حول الخيام
مصعب:سمعت عن فايز يقولون صاير له حادث
تركي :ايه والله ان حادثه ذا يفجع وسيارته معدومه
مصعب :وين شفت سيارته
تركي :صوره دقيقه بوريك
طلع تركي جواله عشان يوري مصعب سيارة فايز (ملاحظة فايز صديق ل تركي ومصعب من ايام الثانوي)
مصعب :لحول ولا قوة الا بالله ذا كيف عاش
تركي :والله مدري يارجل ذا قطو بسبع ارواح تتذكره فثانوي
مصعب:هههههه ايه والله انك صادق، وش رايك نروح نزوره
تركي :قدام اصلا انا افكر فيها
وصلو عند وحده من الخيام
مصعب :باخذ ثوبي ......فرررح فرح وين ثوبي في سيارتي ولأ سيارة
فرح بصوت عالي ماتدري ان تركي موجود :هاه شفها في سيارتك
رح مصعب لسيارته وهو يقول :جعل صوتك للقطع (عشان تركي موجود)
تركي في باله (اخ يازين صوتك جعل صوتك ماينقطع)
عند نوير واصايل جتهم نوره معصبه
نوير :شفيك؟
نوره:ولاشي
اصايل:طيب وينها ريهام؟
نوره :هففف شدخلني انا مدري عنها
انخرشوا نوير واصايل وناظروا بعض مستغربين تصرف نوره
مسك دخلت :خلصنا الجلسات انا وفرح
اصايل:طيب وينها فرح؟
مسك:ناداها اخوها
خلصوا البنات العشاء وتعشوا كلهم
عند الرياجيل بعد العشاء
ابو فلاح:ماتضبطون لنا شاهي ي عيال؟
عناد:خلوهااا عندي بضبطه لكم
مصعب:يلا وانا بجي معك
قاموا عناد ومصعب يجهزون الشاهي على الجمر
والرياجيل الباقين كملوا سوالفهم مع الحريم اللي هم
(ام فلاح -ام تركي -ام مسك-ام سيف)
والبنات جلسوا يلعبون لعبه الصراحه.
جا السوال على مسك والجواب عند نوير
مسك:نوير قد حبيتي من قبل ؟
البنات تحمسوا يعرفون جواب نوير وسوال مسك الجريي
نوير:وش حب وش خرابيط انتِ وهي!
البنات هفففف منك يانوير بعصتي علينا اللعبه
قامت نوير قالت كملوا لعبتكم السامجه موب جوي هههه
كملوا البنات لعب وضحك
عند عناد ومصعب
عناد جالس يشب نار عشان يضبط الشاهي
وهو جالس انقرص
عناد: اح هذا ويش اللي قرصني وجلس يحك رجله
مصعب:بسم الله لايكون عقرب ولا داب؟؟؟
عناد :مدري مدري مير اكلتني اححح
مصعب :هاك هاك شماخي اربط رجلك
عناد:رح دور شي بارد احطه عليها اكلتني اعجل
راح مصعب للخيمه عند الكل يدور شي بارد
ابو مسك:علامك متوتر؟
مصعب:عناد قرصه شي ف رجله ويقول تاكله
ابو عناد:وينه الله يستر ونقز ع طول ل عناد
(ابو عناد يحب عياله مرا ولا يرضى عليهم الوجع ووده كل شي يوجعهم يكون فيه ولا فيهم )
ابو فلاح:اهدا ي حمود مافيه شي ان شاء الله
راحوا كلهم ل عناد يشوفون علامه
الجده:اخاف انها عقرب يوليدي
عناد:مدري مالقيت شي تحتي مغير الوجع
ابو مسك:تبي مضاد شي اكيد ان بنتي عندها
عناد:لا مايحتاج مين عطوني شي بارد يهدي وجعها
ابو عناد :الا تكفى ي احمد جب مضاد شي
راح ابو مسك ل مسك :مسك مسك وانا ابوك عطيني مضاد ولا شي يهدي وجع القرصه
مسك:يمه من انقرص ووش القرصه بضبط ماقدر اعطيك بدون ماعرف وش اللي قارص حشره ولا شي ؟؟؟
ابو مسك:عناد بس مايدري وش قارصه ماتعرفين وش قارصه أذ شفتي القرصه؟
نوره ونوير ع طول خافوا وش ياعمي كيف انقرص فيه شي؟؟؟؟؟؟
ابو مسك :هدو هدو خفيفه ان شاء الله
مسك:اعرف اذ كان فيها لون إذ محمره ولا رايحه زرقاء وكذا ؟
ابو مسك :اجل يالله تعالي شوفيها
مسك:اروح لهم؟
ابو مسك:اي امشي ماعليك
راحت مسك مع ابوها ويوم شافوها العيال كلهم وخروا عن عناد ودخلوا بالخيمه حقت الرجال
جلسوا برا ابو عناد وعناد ومسك وابوها والجده
