ردت السلام مسك وجلست
عناد:وعليكم السلام
الجده :ههلأ ي بنيتي تعالي تعالي مكاني هنا
(الجده كانت عند رجل عناد بضبط)
ابو مسك:خلاص ي حمود ادخل اجلس مافيه الا كل خير ان شاءالله
ابو عناد : زين تعالي ي يمه معي لايقرصك شي
راحوا ابو عناد والجده ف الخيمه داخل
مسك:وين مكانها
(عناد منحرج من مسك وانها هي اللي بتشوف رجله)
عناد:هذا مكانها شوفيه (واشر لمكان القرصه كان في بطن الرجل من تحت)
بدت مسك تلمسها وتشيك وهي متقروشه ب الشاله اللي ع وجها بسببت الهواء
ابو مسك :هههه ماعليك كملي كملي ليل ما عناد بشايف وجهك
مسك تفشلت اكثر
عناد ماكان منتبه بشالتها بس يوم عمه تكلم صار مركز عليها
هي تقروشت من نظراته الحاده لها
مسك: الحين توجعك كانت ضاغطه عليها
عناد ماحس اصلا لانه جالس يناظرها من وراء الشال حقها اللي خفيف كأن وجهاا واضح
ضغطت مسك ع القرصه اكثر
مسك: لو سمحت عناد الحين توجع ولا؟؟؟
عناد كان صافن في جمالها بعد ماقالت اسمه
عناد: اح اح اي توجع انتِ علامك
ابو مسك: هههه لها ساعه تضغط ماحصلت وجعها وش تسوي فيك
مسك:ضغطت بشوف لونها يصير احمر ولا
قامت مسك:اتوقع يايبه انها حشره ماهي عقرب ولا شي
عناد :وش حشره وهالوجع كله؟؟
ابو مسك:يمكن حشره مسممه ولا شي ها صح؟
مسك:ماعرف أذ انتفخت عليك خذ أبره من مستشفى الان مافيها شي لان ماهي منتفخه ولاهي صايره خضرا
عناد:زين ماقصرتي
ابو مسك:يلا اجل رح ادخل بكمل الشاهي
راحت تمشي مسك بثقه وطول وجمال
وعناد يناظرها من قامت لين راحت ماهو مع كلام عمه ابد
ابو مسك:هيه عناد اكلمك
عناد :ههلأ عمي معك معك
ابو مسك:وش قلت اجل؟
عناد :وش
ابو مسك:والله مانك معي القرصه مآثره عليك
عناد بنفسه(والله اللي اثر علي بنتك )
راح عناد عندهم ف الخيمه وعمه كمل الشاهي بمساعده فلاح
ابو عناد:هاه يوليدي وش صار عليها
عناد:تقول أذ انتفخت لازم ابره
ابو سيف:اهم شي ماتونسها الحين؟
عناد:تحكني خفيف يعني
عناد:نواف عطني المركى اللي جنبك بحط رجلي عليه
مصعب :هاك هاك هذا مابيه
عند البنات
جتهم مسك
نوير:بشري قرصه عقرب شي؟؟؟
مسك:لللان مو واضح شي رجله لا هي منتفخه ولا هي حمرا ولاشي يمكن حشره شي
اصايل:حشره وتوجع عناد؟ هههههه
فرح:شكله هههههههه
نوره:لا لا ماضن حشره شدعوا
بعد ماخلصوا جلستهم توجه الكل بينام عشان بكرا بيرجعون بيوتهم
عند العيال
فهد ونواف ناموا جنب بعض
وتركي ومصعب وعناد جنب بعض بعد
سيف اخذ بنته وجا ف سيارته
وفلاح بالجهه الثانيه لحاله
والشياب الاخوان كانوا نايمين برا الخيمه
البنات
نوير وبحضنها نوره
وريهام جت عند الجده كان المفروض معها نوره بس عشانهم متزاعلين
والجهه الثاني اصايل وفرح ومسك سوا
وام مسك لانها ماتحب ذي الاجواء راحت تنام بسيارتهم
وام فلاح وام تركي وام سيف عند بعض
عند العيال:
مصعب :شفيك ي عناد
تركي :لايكون رجلك توجعك؟؟.
عناد: لا والله بس تعبان شوي
عناد كان يهوجس في مسك ولا هو يمهم
ونواف للان حاقد على فهد لانه شاف نوره معه !؟
نوير:شفيك يانوره اليوم زعلانه مع ريهام شي؟
نوره:اي ومابي اتكلم بموضوعها
نوير :زين زين نامي
ناموا كلهم الا عناد غارق بهواجيسه
جا الصبح قاموا الشياب
ابو فلاح :قوموا ي شباب وراكم كرف اليوم ههههه
ابو مسك:لاتصبحهم بالكرف
ابو سيف :الا خلهم يقومون بتطلع الشمس ماصلوا
جت ام تركي والجده ومعهم الفطور
ام تركي:قمنا بدري وضبطنا الخبز انا وام حمود
ابو سيف:ماقصرتن والله الباقيات وين
الجده:ام سيف قايمه معنا من بدري وام فلاح والله ماعينتها
ابو مسك:وام فهد وينهي (يقصد زوجته)
الجده:ف السياره ماشفتها
ابو مسك تفشل من اخوانه وراح بيشوف وينها
جتهم ام فلاح :ماشاءالله مسرعكم تقشطون الفطور
ابو فلاح :انتِ وينك ماقشطتيه معهم
ام فلاح:عند فلاح تعيبان
ام تركي تحب فلاح زي عيالها
ام تركي :وش بسم الله عليه وش فيه؟
ابو فلاح :عندي البيرح طيب مافيه شي علامك ي مره
ام فلاح :ماردت عليهم صبت حليب لولدها وراحت له ف سيارته
ابو فلاح :قام بيشوف
ام تركي :خله خله بشوفه انا
بدوا العيال يقومون ويفطرون والبنات بعد
ابو سيف: انا بمشي من بيركب معي
مصعب:ابوي دقيقه امي وفرح بيجون معك لاني ماني ماشي الحين بجلس مع عناد شوي
سيف :وانا بروح ل رجال اخذوا سلمى معكم
ع طول تركي تدخل
تركي :معنا ركوب لو تبون احد يجي معنا
مصعب:دقيقه وراكم مستعجلين خل نشوف من يروح ومن يقعد
ابو فلاح:فلاح يوليدي وش صار ع راسك
(فلاح كان راسه موجعه من قبل صلاه الفجر ولا نام)
فلاح :الحين احسن يايبه
ام فلاح :يلا مشينا
ابو عناد :تروح معي يابو فلاح نمر ابو ذيب ينشد عنا
ابو مسك:منهو ذا
ابو فلاح:ذا عودن شاد من الديره قبل فتره وكل شوي يعزم يبينا نجيه
ابو عناد:تروح معنا ؟
ابو مسك:لا اليوم ودي اشوف المزرعه حقت ابوي واتمشى ف الديره ب اهلي
ابو عناد :بصرك وانا اخوك
نواف :عناد تكفى لاتقول انك بتجلس هنا والله مالي خلق اجلس معك
عناد :من قالك اني ابيك معي؟
نواف :مدري بس يعني متعود عليك وكذا
عناد :وخر مناك بس وناد لي مصعب قبل يمشي
راح نواف ينادي مصعب
جا مصعب ل عناد
مصعب :لبيه وش بغيت
عناد :يمديك تودي جده وخواتي للبيت ماني برايح انا الحين
مصعب :ابشر ماطلبت شي بس خل اشوف مين بيجي معي
دخلت فهد الخيمه بياخذ اغراضه
لف عليه عناد
عناد:فهد
فهد انخرش ههلأ امر
عناد:كيف سواقتك
فهد :هاه؟
عناد:اقول تعرف تسوق سياره شي؟
فهد:شدعوا اي اعرف
عناد:ابيك تاخذ سيارتي وجدتك والبنات توصلهم البيت
فهد استغرب طلب عناد :وانت؟
عناد :ماني برايح شوي بيجي واحد من اخوياي اجيكم معه
فهد :زين طيب ماعندك مشكله
عناد:ابوك اخاف مايخليك تسوق بر وخطوط
فهد:لا ماعليك
عناد عطى فهد المفتاح وقاله علم جده تناديهم لك وانتبه من الخط راح فهد وعلم ابوه وركب السياره ينتظر
نواف:وراك هنا مضيع شكلك هههه
فهد:لا حشى وشدعوا أضيع
نواف : اجل علامك ف سياره عناد؟
فهد :انا اللي بودي خواته
نواف:هاه وش؟؟؟ تودي من؟
فهد :مثل ماسمعت
نواف راح حاقد على عناد ومنقهر
راحوا ابو عناد وابو فلاح لحالهم ل الرجال اللي يقصدونه.
مصعب :عناد يلا وينهم اهلك؟؟؟
عناد :مشكور ماتقصر يابو محمد علمت فهد بيوديهم
مصعب :ابد تحت امرك اجل يلا استودعتك الله
عناد:يلا فمان الله
وفلاح اخذ امه وخواته وعمته ام تركي وراحوا
ونواف وتركي راحوا المزرعه ع كلام عناد لهم
وابو مسك اخذ بنته وحرمته
جو نوره ونوير عند عناد وشافوا رجله
عناد:يلا روحوا مع فهد واذ وصلتوا دقوا علي تراني مدري عند سواقته
نوره:ليه مو انت؟
عناد:رجلي توجعني وبيجيني سهم شوي واجيكم معه
نوره:يعني اليوم مراح اروح المزرعه واشوف ارانبي اللي هناك
عناد:لا ماعليك تعالي شوي مع ابوي اذ جا
نوير قاطعتهم يلا نوره لانطول ع الولد
راحوا ونوره متفشله من فهد
اما عند فهد كان مبسوط انها معه وانا هو اللي موصلهم
نهايه بارت اليوم ~~
