'အကယ်၍ ပန်းသီးကသာ
နှလုံးသားဖြစ်ခဲ့မယ်ဆိုရင်...'
Oops! This image does not follow our content guidelines. To continue publishing, please remove it or upload a different image.
(Note: Mediaထဲက သီချင်းကို ဖွင့်ပြီး ဖတ်ကြည့်ပါ။
Tasteမတူပါဘူး)
ကျွန်တော့်နာမည်က SuanSoon...
ညနေခြောက်နာရီအချိန်မှာ Soonက သူ့ရဲ့လေးလံနေတဲ့ခန္ဓာကိုယ်ကို သယ်လာပြီးတော့ ကျောင်းဝန်းထဲကနေ လမ်းလျောက်လာခဲ့မိတယ်။ ကျွန်တော် အမြဲတမ်း တပ်ထားနေကျ နားကြပ်တောင်မှ အပြင်လောကနဲ့ အဆက်သွယ်ပြတ်သွားအောင် မလုပ်ပေးနိုင်ဘူး။ ဘာလို့လဲဆိုတော့ ကျွန်တော်မှ သီချင်းမဖွင့်ထားတာ...
ကျွန်တော် သူငယ်ချင်းတွေ ပြောနေတဲ့စကားကို တိခနဲ ဖြတ်ခဲ့ပြီး ထွက်လာခဲ့တာ...
'မင်္ဂလာပါရှင့်'
ပြုံးပြီး နူတ်ဆက်လာတဲ့ရုပ်ရှင်ရုံက ဝန်ထမ်းတစ်ယောက်ကို ကျွန်တော် ဘာမှ မတုံ့ပြန်လိုက်မိဘူး။ ကွန်ဒိုကို ပြန်မယ့်အစား ရုပ်ရှင်သွားကြည့်မယ်လို့ ဆုံးဖြတ်မိပြီး ပြန်လှည့်လာဖြစ်တာလေ... ရုပ်ရှင်ကြည့်တာက ကျွန်တော့်ဘဝရဲ့အရည်အသွေးကို မြင့်တက်စေနိုင်လို့ တွေးထင်မိထားတာကို...
ကျွန်တော် ကြည့်ချင်တဲ့ရုပ်ရှင်ပိုစတာကို ထောက်ပြလိုက်တယ်။ ခုံနေရာ ရွေးတယ်။ ပိုက်ဆံ ရှင်းတယ်။ ပြီးတော့ ရုံလက်မှတ်ကို ယူတယ်။ အဲ့အဆင့်အားလုံးကို စကားတစ်ခွန်းမှ မပြောဘဲ ကျွန်တော် လုပ်ခဲ့တာ...
'ကျေးဇူးတင်ပါတယ်ရှင်'
သူမကတော့ သူမရဲ့အလုပ်ကို အကောင်းဆုံး လုပ်ပြနေလျက်... ကျွန်တော် စောနက ပြောပြခဲ့သလိုပါပဲ... အခု နားကြပ်တပ်ထားတယ်ဆိုပေမယ့် သီချင်းမဖွင့်ထားတာကြောင့် ဘေးနားက အသံတွေအားလုံးကို အတိုင်းသား ကြားနေရတယ်။ ကျွန်တော်က နားကြပ်ကို ဒီအတိုင်း အလှပြတဲ့ပစ္စည်းတစ်ခုအနေနဲ့ တပ်ထားတာ...
YOU ARE READING
Absolute Zero (မြန်မာဘာသာပြန်)
Romansaမကြာခင်မှာ စပြီး ပြသတော့မယ့် P'Newရဲ့စီးရီးအသစ်ပါ။ Khun Salilရဲ့ဝတ္ထုဖြစ်တဲ့ Absolute Zeroကို ပြန်ရိုက်ထားတာပါ။ ... မၾကာခင္မွာ စၿပီး ျပသေတာ့မယ့္ P'Newရဲ႕စီးရီးအသစ္ပါ။ Khun Salilရဲ႕ဝတၳဳျဖစ္တဲ့ Absolute Zeroကို ျပန္ရိုက္ထားတာပါ။
