සෙනෙහසට කුමටද ලිංගයක් [ BL NON-FICTION ]✔️

01. පෙරවදන

මහීම් යෂ් වීරසිංහ කියන්නේ මීට කාලෙකට කළින් කුලුදුල් තරුණ ජීවිතයක්.

අවුරුදු 27 දී තමන් ආදරය කරපු තමන්ගේ ආදර වන්තියව තමන් ළඟට අරගෙන ලස්සනට ජීවත් උන තරුණයෙක්..

ඉතිං එතනින් එහාට ඔහුගේ ජීවිතය හරියට මුහුදු රළ වගේ.

මහී කියන්නද යෂ් කියන්නද. හිතාගන්න බෑ මොන නමින්ද ඔබතුමාට කතා කරන්න ඕනේ කියලා.

යෂ්.. මට යෂ් කියලා කතා කරන්න දරුවෝ. මාව දන්නේ ගොඩක් අය අන්න ඒ නමින්.

ඉතිං ඔබතුමාට ඔබතුමාගේ ජීවිත කතාව කියන්න ඕනේ කිව්වා. ඔබතුමාට පුළුවන් දැන් ඒ සේරම දේවල් මට කියන්න.

මම තවමත් ඒ කතාවේ පටන් ගැන්ම කොතනින් ගන්නද කියලා හිතාගන්න බෑ දරුවෝ...
ඒත් මගේ හෘද සාක්ෂියට අනුව ඒ කතාවේ අවසානය දරා ගන්න අමාරු ලස්සනක් ආදරණීය බවක් පිරිලා තියෙන්න ඇති.

ඉර පායන්නේ සැමදා උදයට වේය
හද පායන්නේ සැමදා සවසට වේය
පුරහඳ ඇත පෝදා හැම අහසකම
දෝණිගේ හදවතේ පෑයූ පුරහඳ ඔබය.

ඉර මම නම්
හද ඇය නම්

ඔහු පුරහඳක්

මහීම් යෂ් වීරසිංහ