كان اسمه حبيبى

الخامس

بسم الله الرحمن الرحيم
وبه نستعين

الفصل الخامس.

وصلت  اخيرا الى المكتبة جلبت كتاب شيق عن ادب الرحلات النوع المفضل لديها وجلست لتقراءه باستمتاع و لم تنتبه بعد لضياع هاتفها
انتهت محاضرة بسمة ونيرمين وفى طريقهم لروان بالمكتبة لمحا اعلان معلق خارج مسرح الجامعة
شهقت نيرمين بفرح
..بداءوا بروفات المسرحية الجديدة يعنى اكيد سيف هيكون هنا
.يابنتى اعقلى بقى وسيبك من سيف ده اللى مش معبرك ولا شايفك اصلا
..بكرة يشوفنى ويحس بيا كمان وانا عرفت الطريقة
.تنهدت بسمة بنفاذ الصبر
.وايه بقى هى الطريقة يافالحة
.بصى كده الاعلان بيقول ايه ؟.عايزين بنت وجه جديد تدرب معاهم على المسرحية الجديدة
.يعنى ايه مش فاهمة ؟
ما تركزى معايا بقى ميبقاش مخك تخين. ...انا البنت دى
.وانتى بتعرفى تمثلى؟
..اهو هجرب المهم اكون قريبة منه وساعاتها....  هخليه بطريقتى يعجب بيا وميقدرش يستغنى عنى كمان .انا هدخل ااقدم
_يابنتى وروان اللى مستنيانا دى
_ما تستنى يعنى هيجرالها ايه؟
كان عدد كبير من الفتيات يصطفن بالخارج
سيف لمخرج العرض بقولك ايه خد بيانتهم ومشيهم
_.ليه يعنى؟
..فى واحدة فى دماغى مناسبة جدا للدور ..بس ادعيلى انها توافق
_.طب وافرض موافقتش  ؟
_خلاص خد بيانتهم احتياطى . .. اردف بثقة
بس انا متاكد انها  هتوافق 
_وهى فى واحدة بردو تقدر تقولك لا

دخلت نيرمين لمكان الاختبارات فوجدت على الاقل 10 فتيات اخريات
. .
.بسمة ..احيه يا نيرمين شكلنا مش هنخلص النهاردة..ماتيجى يابنتى نمشى ونبقى نيجى وقت تانى
.استنى بس دول بيدخلوا اتنين اتنين اهم وبيطلعوا بسرعة كمان
دخلت نيرمين واعطت بياناتها وصورة شخصية لها ثم انصرفت
تنهدت نيرمين بارتياح .الحمد لله كنت خايفة ليعملولى تيست وانا مش عاملة حسابى
بسمة بتهكم _..انتى اصلا ولا بتعرفى تمثلى ولا تنيلى  وكل اللى همك الزفت سيف  وبس
.ما تقوليش عليه كده لو سمحتى ده حبيبى
._.خليكى انتى عايشة فى الوهم ده كتير لحد ما تقعى على جدور رقبتك
.............
بعد مضى بعض الوقت تطلعت روان فى ساعتها وانتبهت الى تاخر الوقت
._هى البنات اتاخرت كده ليه .التقطت اشيائها وخرجت من المكتبة بعد ان استعارت ذلك الكتاب الشيق لتقراءة على راحتها بغر فتها فاصطدمت بهم عند خروجها من المكتبة
..اتاخرتوا اوى  .. كنت لسه هتصل بيكم
بسمة.كله من نيرمين
نيرمين...ما خلاص بقى هتفضلى تقطمينى كتير . يله بسرعة نروح نتغدى انا هموت من الجوع
..بسمة ..وانا كمان
فى الكافتيريا
...بسمة وفمها ممتلى بالطعام ..ناكل وبعد كده نبقى نروح نشترى الكتب اللى الدكاترة طلبوهم مننا
نيرمين .طب خدى نفسك الاول لتفطسى
.روان بحرج..هى الكتب تطلعلها بكام كده .

بسمة._ يعنى الكتاب ااقله 300 جنيه وانتى طالعة
.شهقت روان بصدمة ..يانهار اسود ..
نيرمين ..انتى مش بتقولى انك واخده منحة
_ايوة بس المنحة لمصروفات الجامعة  لكن الكتب لا
بسمة_ لو مقدرتيش تشتريهم ممكن تصوريهم من حد هيوفرلك كتير
..روان بحزن ..بابا كان عنده حق انا مش قد الليلة دى