تبقى حبيب الروح و مرد الدار للدار

_|| البارت الحادي عشر 🩷||_

_|| البارت الحادي عشر 🩷||_
.
.

ليث اخذ اخواته و اخوانه و راحوا السوق ، و اما هيف انسدح على سريره و من غير شعور قاعد يبكي بحرقه
و فجأه جواله يدق و يشوفه عمه "ثنيان"
رد وهو يمسح دموعه : سم ؟ بعد وش تبون تاخذون من حياتي ! وش تبون اسوي اوامر !!!
تنهد ثنيان الي كان مقدّر وضعه : انزل وانا عمك و تعال المجلس ابوي يبيك
هيف : ليه ؟ لا يكون جايب لي مرّه ثانيه ؟؟؟؟
ثنيان : انزل يا هيف و جيب مفتاح سياره ابوك ..
هيف تنهد : طييييب
قام هيف من السرير و راح الصاله الي تحت و شاف مفتاح ابوه فوق الطاوله اخذه و طلع و هو يلبس الزبيريه و راح المجلس و قبل يدخل شاف بنت رجع على ورى وقال : اسف ما دريت
عقاب : ادخل يا هيف هذي زوجتك
وكأن كلام عقاب خناجر في صدر هيف ، جلس مبلّم و متصنم مكانه ولا تحرك
عقاب : وش بلاك تعال خذها السوق
جلس هيف يبلع ريقه بخوف و ساكت ولا جاء
راويه كانت ساكته و مقدّره الي يمر فيه تحسبه مستحي  ،
عقاب : هيييف
دخل هيف وهو منزل راسه مو قادر يطالع في راويه الي كاشفه
عقاب : يلا ودها السوق تبي تشتري فستانها
هيف : ليش مو اخوانها يودونها ؟؟؟؟
عقاب : انتتتتت و بصفتك زوجها ليه ؟؟
هيف الي ما زال منزّل راسه : ايه بس باقي ما تزوجنا !
عقاب : انكتب كتابكم اليوم يا ولدي ولا ؟ لا يكون ناسي ؟ هيف لـ راويه و راويه لـ هيف
سكت هيف وهو ياخذ شهيق زفير بقهر : طيب ليث موّدي امي و خواتي السوق تروح معهم !
عقاب : انت تسمع الكلام !
هيف : طيب بروح اللبس و اجي
عقاب : وش فيه لبسك زين ودها ودها و خذ ذي الفلوس اشتري لنفسك و اشتر لها ولا تقصر عليها
هيف تنهد و اخذ الفلوس : طيب امشي يا راويه ..
عقاب : ارفع راسك ناظر في زوجتك
هيف ما رد و اعطى جده ظهره و قامت راويه ورى هيف و ركبوا السياره ..

هيف شغل السياره و مشوا و طول الطريق مرتبك هو و راويه
راويه : هيف ؟
هيف من غير ما يلتفت و بربكة موضحه في صوته قال بصوت خايف : سمي ؟
راويه : وقف عند محل الشاهي الي عند النافوره جنب الدكان خذ لك شاهي يركد راسك و ادري انك اذا توترت او ارتبكت تشرب شاهي
فرمل هيف بصدمه
راويه صارخت من الفرمله : وش فيييك بغينا نموت !
هيف : وش قلتي ؟
راويه : خلاص خلاص اذا الشاهي يضايقيك لا تاخذ  خلاص كمل طريقنا للسوق
هيف : وش دراتس ؟
راويه بتصريفه عشان يسكت لانها خافت من ردت فعله : خواتك قالوا لي !!!
هيف : اييييه طيبببب ، وين تبين اول محل ؟
راويه بحياء : المول الكبير
هيف : ابشري

جلست راويه تضحك و تسولف مع هيف و هيف مصدوم من جرآتها ، وصلوا و نزلوا من السياره واول ما هيف نزل وقف جنب راويه مسكت راويه يد هيف و هيف تجمد مكانه انصدم و اول مره بنت غريبه تمسك يده ! مشى معاها وهو ماسك يدها بس بشكل خفيف بس راويه هي الي ضاغطه على يده و شاده عليها ، و كان فرق الطول بينهم شااااسع كان طول هيف 186 و راويه 166 ..
دخلوا المحل و جلست راويه تختار لها شُنط و عطور و كان ذوقها حلوو مرهه ،
طلعت راويه من المحل و قالت لهيف : بروح لمحل الفساتين و ابيك تقعد هنا ابيك تشوف الفستان بعدين و وقت الزواج ..
هيف و برود : طيب
جلس هيف عند الباب ينتظرها و جلس على جواله وهو يتابع كالعاده حساب مُترفه و الابتسامه شاقه وجهه صح ما كان يكلمها بس وجودها في حياته اكبر نعمه بالنسبه له ، شافته راويه وهي داخل المحل سكتت و مشت له ،، هيف معطيّ ترف بلوك بس جاء يتابعها من حساب ثاني بدون ما يعلق ولا يسوي ولا شيء