تبقى حبيب الروح و مرد الدار للدار

_|| البارت السابع عشر 🩷||_

_|| البارت السابع عشر 🩷||_
.
.

{ في بيت اهل هيف }
ريهاف : اتتتصصصل في ليث الاثول ولا يرددد !!!!!
عبير جلست تبكي بخوف و توتر و رهف تهديها
دخل عايض
قامت عبير وهي معصبه و ما تشوف قدامها : بسرعه دوووورررر ولدددييي !!! والله لو يجيييي له شيء والله ما اساااااامحك ولددددك يتكفخ ولا تساعده !!!!!
عايض : خليه يتعلم من اخطائه
عبير : انتتت تبي تذبحني ! شخصيته كذااا ! كذا ما يبي يغيرها مو شرط بعدييين هو متزوج !!! مالكم شغل فيه
عايض : ولدتس ذا ما ينفع معه لو احط له الشمس بيد و القمر بيد !!!!! فشلني و طيّح وجهي ليه ما يغدي مثل اخوه ساير و ليييث و عيال عمههه !!!!
عبير : اطلععععع عااايض اطلعععع دوره !
عايض : ماني بطالع و بكيفه ! و مرده بيّعود
عبير : يعني منت بطالع ؟؟؟
عايض : ايه
عبير : ولدك اخوه يسحبه جثه و لا هامك ! ولدك بيموت ولا كأنه ولدك و عادي الموضوع ؟؟؟؟؟؟؟؟
عايض : خليه يا عبير كثر الدلع ما هو بزين له
عبير : وووششش تقووول و وش تخررربط ولدي ما ادري حييي ولا ميييت ! ما ادري وش جاه وانت تقول دلع و ما دلع !! اطلع دوّر ولددددييي
عايض : ماني بطالع ! و بكيفه ذا اكثر واحد متعبني و منزل راسي دايم !!!
رهف : يبه عشان امي روح لا تحرق قلبها
عايض : ماني بطالع وش بيقولون عني ؟؟؟
سدن : وش بيقولون بيقولون اب طلع يدور ولده !!
عبير صارخت بقهر و اخذت جلال الصلاه الي فوق الكنب لبسته سريع و قالت : ماني براجعه الا ولدي معي
عايض : تعوذي من ابليس و عودي
عبير : ماااا بتطلع انا بطلع !
عايض : ارجعي يا عبييير
ريهاف : يمه استهدي بالله
فتحت عبير الباب وهي معصبه مرهه طلعت زي المجنونه تدور لـ هيف و تصارخ
شافها هشام ركض لها وهو يقول : يا عمه على وين رايحه
عبير من غير تفكير جلست تبكي
هشام : افا يا عمه ؟
عبير : امش دور معي هيف
هشام : ابشري مشينا
مشى هشام مع عبير
جلست عبير تدور له في انحاء القريه من غير ملل

{ عند خاطر و عيد }
خاطر بحسن نيه و عشان يصرف عيد : اكيد ما جات معه
عيد : اعقبببب يا هييييييف
ركض عيد و راح المجلس
عيد : يييببه يبببه هيف ما جاب راويه معه و تركها في المدينه
وقف ناجي بصدمه
عقاب : وش تقووولللل ! وش تقووووللللل انتتتت !!!
خاطر صفق جبهته بصدمه و استوعب الي قاله عض يده و قال : الله يقلعك يا عمي عيد يا بخور السوق !!
هرب خاطر و راح المجلس و طول الوقت يفكر في راويه و وش يسوي لها ، كان خاطر خايف انها تتصفق زي هيف
عقاب : قمممممموا كلكم دوروا عليها !
سمعتهم راويه الي كانت بتدخل بيت جدتها اول ما سمعت كذا خافت و تحس شوي و تطيح من الخوف من غير تفكير دخلت سيارة هيف و سكرت عليها و طمرت ورى و فكت نقابها و تهوي نفسها بتعب ( طمرت يعني "نطت" او "نقزت" ) كان في راويه دوخه ،،، طلع الكل و راحوا يدورون راويه و راويه تسمع اصواتهم و تحركاتهم ولو اي شخص بس ناظر بالسياره بيشوفونها ، طاح قلبها ..

{ عند هيف و ليث }
هيف التفت على ليث : ترى من الحين ماني براجع البيت ابداً !!!
ليث : وهو على كيفك ؟ و امي الي قلبها بيتقطع عليك ! والله ما اخليك
هيف : عادي بسلم على امي بالسر !
ليث : و زوجتك ؟
هيف : ياااا ليييل و رجع و قال لي زوجتك ما ابيها يا اخوي ما تفهههممم انتتتتت ؟!!!
ليث : الله اكبر عليك ! خلاص انت لازم تتقبلللل انت زوجتك راويه مو ترف !!!!!
هيف : خلني مالك دخللللل يا اخوي !
ليث : وش الي مالي دخل ! انا اخوك
هيف : و اذا اخوي ؟ تنشب لي ؟؟؟؟؟؟
ليث : ايه انشب لك
هيف : اسمع ترى بهرب بقول لك من الحين حياتنا زفت لا انا الي قدرت اعيش ولا انا الي قدرت اتأقلم
ليث : اهجد اهجد عشان ما اصكك كف على عينك اخلي عين قدام و عين ورى اهجد عشان مو جدي ذي المره يصفقك لا انا الي بصفقك انت ما تتعلم ما تتعلم !
هيف : لا ما اتعلم !
ليث : انت وش فيك؟
هيف : فيني كسور
ليث : يا لييييل يا السخيف
هيف : لا تستهبل من زمان ما ضحكت جيت من شهر العنى و اضحكك وانا مكسر قسم بالله ما تلقى احد زيي يعطيك وجهه هالكثر
ضحك ليث وهو يبوس راس هيف : الله يخليك لي و عادك تبي تهرب ؟ والله ما اخليك ! بهرب معك
هيف ضحك بهستيريه : وانا على بالي ما بتخليني اهج
ليث بضحك : تبي الصراحه ديرتنا محد يعاشرها او يقعد فيها يا رجال الغنم تتعاشر ولا ديرتنا لو يجي للقطو هج
دخل يحيى بدون ما يطق الباب : هلا والله !!!!
هيف اتسعت عيونه بصدمه
ليث : يمه وش جابك ؟
يحيى : اعرف وين تروحون !
هيف : ارحمني
يحيى : وش صار فيك ؟
هيف : ابد والله تصفقت يمين يسار فوق تحت شمال جنوب شرق غرب طاخ طيخ كف يمين كف يسار لوي يد كف في العين تكفيخ في الرجل كوع جدي دخل في عيني و كسر سن و كسر يد و خشم
يحيى : اوف اوف ؟ كل ذا ؟
هيف : و اكثر من كذا وش تبي بعد ازيدك من الشعر بيت ؟
يحيى : لا لا احتفظ في البيت ذا
ليث و هيف : هههههههههههههههههههههههههههههه
يحيى : اي صح ما عرفتوا ؟
ليث : وش ؟
هيف : وش عندك ؟ الحين نفتك من سفر بخور السوق و برج المراقبه تجي انت ؟
يحيى : تقمصت شخصيته عشان ما تفقدونه في الديره
هيف ضحك : ليه ؟ وينه ؟
يحيى : مسافر يخطب
جلس هيف يهز كتوفه بفرحه : يسسسس الله فكنا منه ما اقول الا الله يعين بنت الناس الي بياخذها ذا عنده معرفه بكل شيء !
ليث : ههههههههههههههههه تخيلت شكله اذا زوجته كذبت عليه بيعطيها ادله و لسته و معاها عشان ما تكذب مره ثانيه كتاب حصن المسلم و ادعيه
هيف الي مات ضحك جلس يضرب يد ليث و يضحك هو و يحيى
التفت ليث على يحيى : اسلم؟
هيف : وش علمك ؟
يحيى : اي صح فيه حرمة تصارخ بإسمك يا هيف
هيف : اسمي ؟
ليث : وش ؟
هيف : انا ؟
يحيى : ايه انت
ليث : معجباته كثير
هيف صفق كتف ليث : وجعععع !!!!!
يحيى : ياخي متزوج عيب !
هيف ناظر في يحيى بحقد و صد
ليث : غريب مين تكون ؟
وقف هيف شوي و بدال ما كان منسدح جلس بصدمه وهو يتذكر راويه قال لا يكون هي محد طرى في باله غيرها ! راويه وش بيصير عليها ! لا يكون ضربوها ! لا يكون صار فيها شيء ارتبك مره و بان على وجهه ملامح الخوف و من غير تفكير او وعي فك المغذي الي في يده و طلع وهو لابس لبس المستشفى و بس ينتظر الاشعه الاخيره ،، صح هيف كان يركض بس يعرج و من غير تفكير و لا يحس بالالم من كثر الخوف