تبقى حبيب الروح و مرد الدار للدار

_|| البارت الواحد و العشرون 🩷||_

_|| البارت الواحد و العشرون 🩷||_
.
.

نزلوا ليث و رهف ويضحكون على الموقف و هيبة ليث الي راحت في ثواني ، نزلوا و شافوا هيف سرحان غير عن عادته
ليث : من شغل بالك تهنى به ؟
هيف ما يرد و ما زال سررررحاااان و يفففففكرررر
رهف : هيييه !!!
ليث : معليتس منه المطفوق وين ريهاف ؟
رهف : مدري
نزلت عبير
ليث : اييييه صح يمه خالتي قالت اليوم تبي تجمعنا عيال و بنات و قالت من زمان عننا
عبير : خلاص تممم
هيف وقف من سرحانه و قال : ليث عادي تطلعني فوق
ليث بمزح : مين عمك ؟
هيف : انت
انصدم ليث ! هيف يقول كذا من غير ما يرادد ؟ غريب غرييييب
ليث : امزح امزح تعال
شاله ليث
ليث : لحظه ! ترى الدكتور قال لازم تتدرب فلازم الحين تحاول
هيف الي يسلك : يلا طيب
ليث : سسدننن جيبي كرسي هيف
حط ليث يد هيف حول رقبته مسك ليث جنب هيف و جلس يمشيه كان يمشي بس رجوله ما تشيله زين بس يقدر يمشي بس تألمه رجله مره
مشوا و طلعوا فوق ..
ليث طق الباب : راويه روحي الحمام او تخبيّ ابي احط هيف
راويه : طيب حطيت جلالي ادخل
دخلوا الغرفه وليث حط هيف فوق السرير
و طلع ليث بسرعه ، هيف وجهه شاحب من التفكير نادى راويه بنبرة تعب
هيف : راويه !
التفتت راويه عليه : سم ؟
هيف : تعالي
جت راويه و قعدت قدامه
هيف مد يده و مسك يدها و قلبهم الاثنين يدق : بقول شيء مو قادر مو قادر اسكت و اكمل في شيء انا ما ابيه
راويه ابتسمت : وش ؟ قول
هيف : شوفي انتي والله العظيم ما بتس شيء و انتي ما شاء الله عليتس جمال و اخلاق و ما بتس قاصر بس القاصر فيني انا انا يا راويه ، انا ما اقدر اكمل حياتي معتس شيء غصب عني انا ما اقدر يا روايه لازم اطلقتس روحي و قلبي و عقلي مع وحده ثانيه صح ما اقابلها بس انا قاعد اخونتس بشعوري سامحيني
راويه امتلت عيونها دموع شدت على يده : لا تكسر قلبي يا ولد عمي ! لا ترمي علي يمين الطلاق ! كلنا مجبورين و كلنا مغصوبين بس ما اشوف حياتي الا معك صدقني ربي اختارك لي و اختارني لك بسبب دعائك انت ضميت اسمي في دعاك لا تطلقني في سن صغير و تظلمني موافقه تقعد و تنام في غرفة اخوانك موافقه ما تقعد معي ولا تسأل موافقه على كل شيي لاني خايفه بعدين انت الي تنكسر مو انااا !!! تكفى هيف لا تطلقني ! لا تقسي قلبك الحنون علي ! اعتبرني اختك اعتبرني جدار الي تبي بس لا تطلقني لا تطلقني تكفى الا طلاق يا هيف تكفى !!!
هيف بكى وضمها وهو يبكي و يشاهق و يطلع صوت : موووو اناااا مووو انا راويه والله موووو اناااا !!!! انا حبيت وحده و ليتني ما حبيت وليتني ما عرفتها
راويه وهي تضمه و تبكي : مين ؟
هيف سكت ولا رد و كمل شهيق و بكاء هو وياها ..

•و بعد نص ساعه•
هيف قام وهو يمسح دموعه
راويه رفعت راسها بخوف و اول ما هيف قرر ينطق قفزت عليه و قفلت فمه : لا تقولها استخير ! لا تطلقني من اول الايام ما امدانا ! يمكن تحبني و احبك و يمكن تتقبلني و اتقبلك ! تكفى هيف !!!!
هيف ابتسم : ما كنت بطلقتس بس ابي اقول لتس البسي عباتتس و تجهزي الساعه 10 الليل بنطلع
راويه وهي تمسح دموعها : و جدي ؟
هيف : نطلع بدون ما يدري
راويه ابتسمت : ابشر
هيف : اسمعي بقول لتس
راويه : سم ؟
هيف : اسمعي بنعيش على اننا اخوان والله العظيم مو قادر طيب ؟
راويه : ايه و تبي الصدق والله حتى انا احب واحد
هيف صح حس بجمره بصدره بس ماله حق يقول لها شيء لانه نفس وضعها : حسبي الله على جدي
راويه : خلاص اسمع بروح انادي ليث عشان ينزلك
هيف : لا لا بقيّل ( بقيّل يعني = قيلوله )
راويه : طيب انا بتجهز ؟
هيف : ليه وين بتروحين ؟
راويه : وش عليك مني مو احنا اخوان ؟
هيف : طيب
راويه : المهم ترى بفتح اللمبه الي جنب التسريحه
هيف : ايه ايه عادي بكيفتس
جلست راويه تتجهز لبست لبس احمر عشان جمعة امها بيجون جيران و قررت تتكشخ بحكم انها عروس جديده ، لبست فستانها الاحمر المخصر و حطت ميكب خفيف و يجنن مرتب عليها مرهه و يناسبها و سوت شعرها الاسود الطويل استريت
وبعد ساعتين و نص خلصت ، انطق الباب و كانت سدن
سدن : هيييف راوووييه انزلوا بسسسرعهه
راويه فتحت الباب : هلا عيوني
سدن : ما شاء الله ملاااااك بسم الله عليييتس تجننين قمر قمرررررر والله !!! وش ذا الجمال بسم الله عليتس
راويه ابتسمت : يا بعد روحي ماخذه من جمالتس
سدن : يا حظ ابو العيال بس ،، المهم انزلوا يلا
راويه : اخوتس نايم
سدن : يا ويله من جدي !!!!
راويه : عادي بنقول انه تعبان
سدن : صادقه بس يلا انزلوا
راويه : يلا جايّين
راويه سكرت الباب و راحت لهيف تقومه لبست جلالها ما تبيه يشوفها وهي كاشخة بس قبل ما تلبس قام هيف على اتصال من خاطر شاف راويه بس ما اهتم رد على خاطر : هلا ؟
خاطر : سلام عليكم
هيف : وعليكم السلام ارحب
خاطر : الله يبقيك وينك ؟
هيف : في سريري نايم
خاطر : يلا تعال بيتنا امي عازمتنا كلنا يا عيال الخاله
هيف : اببببشششرر
خاطر : يلا مع السلامه
هيف : الله يحفظك
و قفلوا الخط