تبقى حبيب الروح و مرد الدار للدار

_|| البارت الخامس عشر 🩷||_

_|| البارت الخامس عشر 🩷||_
.
.

نزل هيف و استأجر ثنين من الدبابات
هيف : تبين ؟؟؟؟؟
راويه : لا طبعاً
هيف : الا الا بالله خذي واحد فليها !
راويه : يلا ليش لا يلا هات واحد
هيف : تعرفين له ؟
راويه : متى ركبته عشان اعرف له ؟
هيف : اتفلسف وانا ما اعرف له هههههههههههه بس يلا الحين نجرب تجربه جديده
راويه : يلا
مسك هيف الدباب و مسك يد راويه عشان تركب على الدباب
راويه : يمه لا خلاص بنزل
هيف : يلا راويه اركبي عادي
راويه : لا لا ما اقدر
هيف : يلاااا عادي ما يخوف
راويه : تركب معي ؟
هيف بلع ريقه و تردد في الركوب معاها لانها بتكون قريبه مرهه استبعد الفكره و قال بتصريفه : لا انتي اركبي لحالتس و انا لحال جربيييي !
راويه : اذا كذا لا خلاص
هيف : ياااا ليييل طيب ما ابيتس تقعدين كذا لحالتس اخاف عليتس !
راويه : بركب السياره
هيف : لا لا خلاص بنركب انا وانتي نفس الدباب انا اسوق وانتي وراي
راويه : والله ؟
هيف : ايه
راويه : تتتتتتممممم
ركب هيف و ركبت وراه راويه مسكت راويه بطن هيف و حطت يدينها حول خصره و شبكت يدينها ببعض عشان ما تطيّح ، اول ما راويه حطت يدينها تقشعر بدن هيف بخوف و صرخ : اوووه
راويه : وش فيك ؟
هيف : هاه ؟
راويه : فيك شيء ؟
هيف : لا بس رجلي عورتني
راويه نزلت : بسم الله فيك شيء يمكن لقصك عقرب حشره شيء ؟
هيف يبلع ريقه : لا لا معد ابي اركب
راويه : وش فيك انت مو بالساعه الوحده هيف ؟
هيف : بتركبين ؟
راويه : اذا ما بتركب ما بركب اخاف
هيف تورط : اسمعي نركب كلنا بس لا تمسكين بطني امسكي كتوفي طيب ؟
راويه : هيف تراك طويييللل يبي لي سُلم عشان اوصل كتفك ! محسسني انك صغنون
هيف : المهم امسكي كتفي
راويه : خلاص ما ابي اركب
هيف : يا عنييده امشي
راويه : لا
هيف : راويه ؟
راويه : لا
هيف وهو يغمز : راويه !!!
راويه : لا و الف لا خلاص ما ابيييي
هيف : ياااا لييييل خلاص ما بلعب
راويه : و اذا ما لعبت وش بيصير عادي انت اللعب !
هيف : خلاص مدير شيل ما يبي رجع فلوسي
راويه استسلمت لانها تعرف وش كثر هيف كان يتمنى شيء اسمه دباب : خلاص خلاص بركب
هيف : انا واحد وانتي واحد
راويه : يلا

اخذوا الدبابات و دفع هيف ركبوا و هيف انطلق فيه و كان مستمتع مرهه و فرحان و يضحك و يغني التفت ورى و شاف راويه تدعس و توقف و تكرر الحركة جلس يضحك و يصورها و ميت ضحك
راويه بصراخ : يااااا هييييف يا السلوووقييي تعال بنزل
هيف : ههههههههههههههههههههه خليتس هههههه
راويه ما عرفت و بكت
هيف وقف تصوير و نزل من الدباب و ركض لها وهو يضحك : علامتس تبكين ؟؟؟
راويه : ما عرفت و خفت اطيح
فرط هيف ضحك : من جدتس ؟ يا رب تمزحين هههههههههههههههههه
راويه : انقلععععع !!! انت تضحك وانا بموت خوف ؟
هيف : اسف اسف خلاص اركبي معي
راويه وهي تمسح دموعها من فوق النقاب : رجعني السياره !
هيف : يا عدوة الوناسه وش فيتس !!
راويه : بغيت انقلب
هيف جلس يضحك : امشي امشي
نزلت راويه وهي ترجف لان الدباب كان بينقلب فيها مشوا و راحوا السياره
هيف : اركبي السياره و سكري عليتس ربع ساعه و اجي
راويه : تمام
ركبت راويه و راح هيف يكمل ، ارسل المقطع لأخوانه و اخواته و ارسل لعمه عيد بالغلط ..