تبقى حبيب الروح و مرد الدار للدار

_|| البارت السابع 🩷||_

_|| البارت السابع 🩷||_
.
.

حركوا بالسياره و كان هيف ساكت بس البنات يسولفون رفع جواله و شاف رساله و شاف تغريده من "مُترفه" و مكتوب فيها

ابيه و ابي قربه و وصله و محاكاه
لو انه مو من نصيبي بدعي لين ربي يجيبه

احبه ؟ اي احبه و من حبي بمشي مثل ممشاه !
يا سعود ابيييه لو انه نار تحرق جسمي بقول هاتوه

احبه ✨.
عصب هيف و كتب لها من غير وعي : مييين ذا ؟ مين الييييي تحبييينه يااااا تررررفف ؟؟؟؟؟؟ مييييين ؟؟؟؟
ردت ترف بسرعه وهي تقول : كيف ؟؟؟؟
هيف بغضب شديد : انتتتتتي !!!! خييير !!! مين الي تحبينه ؟ مييييين ؟؟؟
ترف ترد ببرود : واحد
هيف : هاه ؟؟؟؟؟
ترف : واحد احبه
هيف : وش تقولين انتي ؟؟؟؟
ترف : اجاوب على سؤالك !
هيف : وانا ؟ مزهريه ؟
ترف : انت وش ؟ انت واحد من متابعيني !!!
هيف : تستهبلين مُترفه ؟
ترف : استهبل في وش يا هيف ؟؟
هيف طلع من المحادثه وهو معصب
ارسلت ترف له رسايل كثييييير ولا قرأ ولا فتح ولا وحده معصب مرهه ، و فجأه صحى على نفسه و استوعب ! استوعب الي قاله و عن شعوره ! استوعب انه غار ! استوعب انه انقهر انها تنزل شِعر حُب عن واحد !! بس لو نظر هو وش دخله ! وش دخله يعصب و يتنرفز !! رفع وحده من رسايلها : ليش زعللللت !!!
توقف هيف عند سؤالها و استوعب كلامها اكثر و اكثر رد عليها و قال : لا ولا شيء
ترف : كل ذا ولا شيء !! بغيت تاكلني !
هيف : خلاص ياخي قلت ولا شيء و اساساً فيني نوم بروح انام
ترف : عقاب بيخليك ؟
هيف مصدوم منها مرهه سكت و شاف رسالتها و طلع برى المحادثه جلس يفكر هو ليش سوى كذا ! فشل نفسه مره ، رجع المحادثه و كتب لها : معليش اسف اعتذر منتس على ردت فعلي
ردت ترف : حصل خير ما صار شيء
هيف طلع من المحادثه و الارتباك واضح عليه
قفل هيف جواله و قال : وين تبون ؟ ايّ سوق !!
سدن : احس خلنا نروح الكبير فيه كل حاجه و اساساً ما فيه الا هو
ريهاف : من جد ههههههههههههههههههههه
هيف : هاه ؟ تبون ؟
البنات كلهم : ايه
هيف : مشينا
مشوا وراحوا للسوق الكبير الوحيد في الديره ..

نزلوا و اول ما نزلوا قال هيف : اسمعوا تدخلون محل محل مع بعض مو كل وحده لحالها ماني اخطبوط عشان امسك كل وحده فيكم ،،
كانت راويه مستحيه و كل ما شافت هيف تتذكر يوم شالها و تحس ودها تنشق الارض و تبلعها ، عكس هيف كان ناسي تماماً
نزلوا و كان هيف حاط يده حول عُنق و رقبة رهف و يمشي معاها ،
شموخ : هيف ترى بدخل المحل ذا
هيف : يلا
دخلوا كلهم و وراهم هيف جلسوا يشترون البنات
سدن راحت عند هيف : هيف هيف
التفت لها هيف : سمي ؟
سدن : وش رايك في الكعب
هيف : حلو
سدن : كذاب
هيف : وشو ؟ ترى ذوقي خايس قولي لي عن انواع الزبيريه اعطيتس عنها كل شيء
سدن : انقلع
هيف : روحي روحي انتي و كعبتس
سدن : اننننننننن اص اص
جلسوا يتقضون هيف راح لهم : مااا صاااارت ؟؟؟ كل ذا على محل واحدددد ؟؟؟ طيب يمكن تلقون شيء ازين
ريهاف : معليك معليك باقي لنا وقت
هيف : يا ربي والله لو اني مسيّر الغنم ازين كان رجعت بسرعه و هم يسمعون الكلام
التفتت رهف عليه : يعني قصدك اننا غنم ؟
هيف : لا طبعاً
رهف ابتسمت
كمل هيف وهو يقول : هم ازين منكم قسم بالله
رهف تطالع فيه : ما امداني ! ما امداني ابتسم
هيف : لا عاد تستعجلين
وبعد 30 دقيقه جلس هيف يحاسب و البنات طلعوا حاسب ومعه الاكياس و يمشي وراهم
سدن : هات اساعدك ؟
هيف : لا لا روحوا تسوقوا و اخلصوا
سدن : اقول هات
شالت معه الاكياس
راويه : عطني يا هيف كيستي
هيف : عادي عادي روحوا تسوقوا وانا بشيلها
راويه : لا لا ما ابي اكلّف عليك
مد هيف الكيس لسدن عشان تعطي راويه على حسب رغبتها ، اخذت راويه الكيس