الجزء الرابع و الستون
يوم السبت ظهرا
مكالمة هاتفية
إلي فتح الخط كان مازال ناعس : أيوة
حاتم : تي ويييينك وييييينك يا دكتور
مازال راقد لتوا
جابر : خيرك يا راجل نقص صوتك طرشتلي وداني
حاتم يضحك و يعيط : تي كان قلت لك خبر
يخليني نسمع عياطك من هني
جابر انتبه ناض قعمز :
النتيجة قصدك ؟
حاتم يعيط و يضحك :
مباااااارك يا دكتور
جبتها الثانية تستاهلها يا غالي
جابر نط وقف : قول و الله
متبصرش صح
حاتم : مصح خليقتك عام بصارة هوا
لكن عاد الأول ليا أني
سامحني يا صاحبي و الله مقدرت نخليهولك
جابر قعد يدور في مكانه زي المهبول:
تي و الله ما تمشي مع غيرك الأولى يا غالي عليا
مبااااارك مبااااارك
وووووووك تي وربي راك أصلي يا حتوم
اسمع مش عارف شن بنقول
حاتم يضحك على صاحبه :
بدل فيسع و تعالالي أني في الكلية راهو
النتيجة مازال معلقوهاش
نتيجتي أني وياك قالهالي الدكتور مراد حصريا
قالي حبيت نبشركم أول واحد
و النتيجة نص ساعة و بيعلقوها كلها
في لوحة الإعلانات
هيا نوض فيسع
نراجي فيك يا دكتور
جابر : هيا هي ربع ساعة و تلقاني جايك
اسمع صكر هي
و حاتم صكر الخط و هوا يضحك عليه
و جابر في لحظة فرح كبيرة زي فرحة نجاحه
مافيش في باله غير أميرته خطرت عليه ♥️
و قرر يشاركها فرحته على طول رن عليها
و هيا لأنها شافت أن النتيجة بتنزل الساعة 2 في النت كانت تراجي فيها على أحر من الجمر
و أول ما فتحت الخط ردت بلهفة :
جابر حبيبي طلعت النتيجة؟
و جابر يعيط و يتكلم و الفرحة مالية
قلبه و صوته : طلعت يا أميرتي طلعت و جبت الثاني عالدفعة الحمد لله
أول ما بشرني حاتم صكرت منه و كلمتك طول
أميرة تنقز و هيا طايرة من الفرح :
مبروك
لالا اصبر غلطت ماما تقول معش تقولي مبروك
قولي مبارك
ههههههه هبلت شكلي
مبااااارك حبيبي ♥️♥️
الحمد لله يا ربي الحمد لله يا عمري
مليون ترليون تزليون مبارك
الحمد لله يا قلبي ربي مضيعيش تعبك
إن شاء الله ربي يفرحك زي ما فرحتني
و ياااارب يااااارب الفال للدكتوراة يا عمري
جابر بحب : و ربي و ربي يا أميرتي فرحتك هذه
إلي نسمع فيها في صوتك
فرحتني زي فرحتي بنجاحي و أكثر
أميرة بصوت مليان حب و فرح
: أكيد حبيبي و الله حسيت روحي كأني أني ناجحة يا عمري
جابر أني من يوم حبيتك و أني نعتبر فيك أنت أني
و ديما نعتبر فيك مني و فيا 💕💕
و فرحتك تفرح قلبي أضعاف و أضعاف
جابر و الدمعة ملت عيونه من كلام أميرة إلي
وصل لقلبه بدون حواجز لأنه طالع من صمصوم قلبها
رد عليها بكل عشق :
فرحتي أني تكمل لما يكتبك ربي ليا
مدامتي و حلالي
و حنقعد نطلب فيها منه
زي ما جبت الترتيب الثاني
بإذن الله نجيبك أميرة حوشي
مرتي و حلالي و عمري كله
أميرة تسمع فيه و دموعه تنزل منها فرح و تأثر بالحنان و اللهفة إلي وصلوها واضحات في صوته إلي تعشقه ♥️♥️
و جابر معش حب يزيد أكثر :
أميرتي أني حاتم يستنى فيا في الكلية ماشي غادي
بعدين نكلمك باهي أميرتي
أميرة: تمام حبيبي سلام
دوم ناجح و متفوق يا حبي
جابر : يااارب ... سلامات يا قلبي
و صكر الخط
أميرة تلفتت على أسيل لقت الضحكة
معبية وجهها فرحا لفرحة صاحبتها
و أميرة مشتلها تجري تغمرتها:
يحليييييلي قداش استاحشت هالضحكة يا سيلا
قداش ليك كنتي حارمتيني منها
و حق ربي ستاحشتها هي
و أسيل زادت حضنت أميرة و هيا تضحك و تبكي
: مبارك عليكم النجاح يا ميرو
و الله فرحتلكم هلباااااااااا هلبااااات
الفال إن شاء الله لما نشوفكم مع بعض متزوجين و متهنيين يا رب العالمين
و أميرة حضنتها أكثر و أكثر :
يااااارب يا أسولة ياااارب 💕💕
أنت تقرأ
حين يعصف العشق 💕
عاطفيةروايتي الأولى 😍😍 شخصيات روايتنا عايشين في 2 مدن ليبية، المدينة الجبلية الشامخة يلي سطرت قصص آمال وآلام ،، يلي كانت فيها نهاية حلم ،، وبداية حب❤ قصص حفرت بشموخ في جبالها وصنعت بإصرارها وديان جارفة زي طوفان انتقام آتي من بعيد... ومعالم حالمة حترسم...
