قِصص الأنبِياءْ | The prophets' stories

قصة سيدنا نوح عليه السلام ج١

السلام عليكم ورحمة الله وبركاته ❤

نكمل مع بعضينا بقيت القصة🤭✨

"يلا باسم الله"

صلي علي النبي الأول ي جميلة😍✨

#قصة_سيدنا_نوح_الجزء_الأول❤

وقفنا المرة الي فاتت عند لما عَبد الناس الأصنام وكان أول مرة تُعبد الأصنام على وجه الأرض فربنا بعث أول نبي مُرسل وهو نبي الله نوح عليه السلام☺️❤

وربنا بعث سيدنا نوح لقومه يعني هو رسول لقومه بس وكانت رسالته واضحة: يا جماعة اعبدوا ربنا إللي خلقنا كلنا ومفيش إله غيره..اعملوا إللي يرضيه وابعدوا عن إللي يغضبه

*" لَقَدْ أَرْسَلْنَا نُوحًا إِلَى قَوْمِهِ فَقَالَ يَاقَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ"*

ولو تركتم عبادة التماثيل دي واستغفرتم... ربنا هيغفرلكم إللي فات

*"أَنِ اعْبُدُوا اللَّهَ وَاتَّقُوهُ وَأَطِيعُونِ * يَغْفِرْ لَكُمْ مِنْ ذُنُوبِكُمْ"*

ويرضى عنكم ويبارك لكم في ذريتكم ويرزقكم الأموال وينزل عليكم الأمطار وهتعيشوا في سعادة وفي الآخر هتدخلوا الجنة:

*فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا * يُرْسِلِ السَّمَاءَ عَلَيْكُمْ مِدْرَارًا * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا"*

كان رد فعل قومه وخصوصا الناس الأكابر أصحاب الأموال والنفوذ في البلد إنهم قالوا إيه الضلال إللي إنت فيه ده😒

بقى كلنا غلط وإنت إللي صح 🙄

*"قَالَ الْمَلَأُ مِنْ قَوْمِهِ إِنَّا لَنَرَاكَ فِي ضَلَالٍ مُبِينٍ"*

قالهم ده مش ضلال ولكن أنا رسول من عند ربنا ببلغكم إللي ربنا قاله لي وبنصحكم بالحق وأنا أعرف عن ربنا إللي إنتم متعرفهوش😔

*"قَالَ يَاقَوْمِ لَيْسَ بِي ضَلَالَةٌ وَلَكِنِّي رَسُولٌ مِنْ رَبِّ الْعَالَمِينَ * أُبَلِّغُكُمْ رِسَالَاتِ رَبِّي وَأَنْصَحُ لَكُمْ وَأَعْلَمُ مِنَ اللَّهِ مَا لَا تَعْلَمُونَ"*

فردوا عليه النصيحة وقالوا : إنت بشر زيّنا من بني آدم فإزاي ربنا يُرسل رسول من البشر😒

*"مَا نَرَاكَ إِلَّا بَشَرًا مِثْلَنَا"*

ثم محدش اتبعك غير الضعفاء وسَفَلة القوم ومحدش من أكابر قومنا سِمع كلامك😏