السلام عليكم ورحمة الله وبركاته💙
صلي على النبي الأول يا طيبة✨💙
# قصص_الأنبياء
#قصة_إسحاق_يعقوب_يوسف_الجزء (1)
اشمعني التلاته دول مع بعض لأن الثلاث أنبياء دول قصتهم بتكمل بعض
يلا بسم الله✨💙
فاكرين لما قلنا قبل كده إن إبراهيم عليه السلام ربنا بشّره بابنه إسحاق على لسان الملائكة لما كانوا رايحين يُهلكوا قوم لوط،
فإسحاق هو الابن الثاني لإبراهيم عليه السلام
اتولد بعد إسماعيل عليه السلام بحوالي ١٣ سنة،
*"وَبَشَّرْنَاهُ بِإِسْحَاقَ نَبِيًّا مِنَ الصَّالِحِينَ "*
مفيش كلام كتير عنه في القرآن والسنة، هو كان نبي على نفس شريعة إبراهيم عليه السلام،
وكان عنده ولدين: يعقوب والعِيص، والإتنين كانوا بارّين بأبوهم،
زوجة إسحاق عليه السلام قالت لابنها يعقوب إنه يروح عند خاله واسمه "لَابان"
ويقعد عنده في مدينة حَرّان
مسافة السفر كانت طويلة فكان بينام في الليل في الطريق،
فنام على صخرة وشاف رؤيا ،
شاف إن ربنا بيكلمه وبيقوله إنه هيُكَثَّرُ له في ذريته،
يعني ذريته هتبقى كتيرة وربنا هيبارك له فيها وهتكون الأرض دي له هو وذريته،
استيقظ يعقوب عليه السلام من النوم وحط علامة على الحجر إللي كان نايم عليه عشان يعرف الأرض إللي ربنا قاله إنها هتكون له هو وذريته وسمى المكان ده "بيت إِيل"،
وكلمة إِيل في لغتهم معناها الله...
و"بيت إِيل" يعني بيت الله،
فقال إنه هيبني في المكان ده بيت لربنا،
وإسرا معناها عبد، وإسرائيل معناها عبد الله، ده في لغتهم هما
لكن احنا ماينفعش نسمي ربنا في شريعتنا الإسلامية العربية بإيل لأن أسماء الله في شريعتنا الخاتمة توقيفية، يعني ربنا عز وجل هو إللي يقولنا عليها، زي الرحمن والرحيم والعزيز و....و...فمينفعش احنا نخترع اسم ونسمي ربنا بيه 👌
المهم، يعقوب عليه السلام كمّل طريقه ووصل عند خاله واستقر عنده مدة طويلة،
طلب من خاله إنه يتزوج بنته واسمها "راحِيل"
فقاله موافق بس بشرط إنك تشتغل عندي سبع سنين،
فقاله ماشي وبعد السبع سنين زوّجه بنته الكبيرة "لِيَا"
فقاله يا خالي أنا عايز "راحيل" مش "لِيا" فقاله عندنا ماينفعش الصغيرة تتزوج قبل الكبيرة،
فقاله بس أنا عايز راحيل😳
YOU ARE READING
قِصص الأنبِياءْ | The prophets' stories
Spiritualيتناول هذا الكتاب قصص الأنبياء بشكل مُبسط و واضح، و هو فرصة للجميع للتعلم و الأخذ بالأسباب و زيادة الإيمان و الكثير مِن خلال التعرف على قصص الأنبياء التى ذُكِرت في القُرآن الكريم~~ و قد تم نقلها بطريقة سرد عاشقة العفة و اتمت نقلها إلى هنا و عمل الغل...
