قِصص الأنبِياءْ | The prophets' stories

قصة سيدنا ابراهيم الجزء الاخير

السلام عليكم ورحمة الله وبركاته💙

صلي علي النبي الأول يا رفيقة✨

#قصص_الأنبياء

#قصة_خليل_الله_إبراهيم_الجزء_الأخير

وقفنا الجزء الي فات لما طلب إبراهيم عليه السلام من ربنا طلب،

*قاله يارب أَرِني كيف تُحيي الموتى!!*

فربنا سأله:

*أَوَلم تُؤمن؟*

يعني مش انت خلاص آمنت بي،

فإبراهيم عليه السلام قال: طبعا مؤمن يارب ...بس

عايز قلبي يبقى مطمن

*"وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي الْمَوْتَىٰ قَالَ أَوَلَمْ تُؤْمِن قَالَ بَلَىٰ وَلَٰكِن لِّيَطْمَئِنَّ قَلْبِي"*

- يعني إيه الكلام ده🤨👆🏻

في حاجة اسمها علم اليقين وحاجة تانية اسمها عين اليقين😊

علم اليقين يعني أكون عارفه ومتأكد مثلا إن الجنة والنار حق، وإن ربنا هو إللي خلقنا وخلق الكون،
زي عمر بن الخطاب رضي الله عنه لما قال: لو شفت الجنة والنار حالا وأنا في الدنيا إيماني مش هيزيد حاجة، لأنه متأكد من وجودها👌

عين اليقين بقى إن الإنسان يشوف بعينه 😇
يعني إحنا مؤمنين بالصراط وبالميزان وبعلامات يوم القيامة،

لما نشوفها يبقى إحنا انتقلنا من مرحلة علم اليقين لعين اليقين😊

وهو ده إللي إبراهيم عليه السلام طلبه من ربنا...هو عنده علم يقين إن ربنا هو إللي بيميت ويُحيِي ...لكن عايز ينتقل لمرحلة أعظم وهي عين اليقين إنه يشوف بعينيه...فاهمين😅

عارفين زي إيه مثلا🤔

لما تكوني عايزه تعملي حاجة معينة وتطلبي من ربنا إنه يديكِ علامة كده إن الحاجة دي كويسة،
يعني لو عايزه تدخلي كلية معينة وإنتي عارف إنها مناسبة ليكي بس بتكوني عايزه حاجة كده تطمنك،
أهوه ده تقريبا الإحساس إللي كان عايزه إبراهيم عليه السلام ،

هو كان موقن بقدرة ربنا على إحياء الموتى بدليل إنه قال: 《أرني كيف》 يعني سأل عن الكيفية مش عن الإحياء نفسه👌