قِصص الأنبِياءْ | The prophets' stories

قصة سيدنا ايوب عليه السلام

السلام عليكم ورحمة الله وبركاته🧡

نبدأ بالصلاة_علي_النبي ﷺ قبل القرآءة يجميلة✨

#قصص_الأنبياء

#قصة_سيدنا_أيوب🍂

اتكلمنا عن قصة يوسف عليه السلام وإنه كان ابن يعقوب عليه السلام، وقلنا قبل كده إن إسحاق عليه السلام كان عنده ولدين هما يعقوب والعيص،
فكان من ذرية العيص نبي اسمه أيوب عليه السلام
من ذرية العيص بن إسحاق بن إبراهيم النبي أيوب عليهم جميعًا السلام،

*"إِنَّا أَوْحَيْنَا إِلَيْكَ كَمَا أَوْحَيْنَا إِلَى نُوحٍ وَالنَّبِيِّينَ مِنْ بَعْدِهِ وَأَوْحَيْنَا إِلَى إِبْرَاهِيمَ وَإِسْمَاعِيلَ وَإِسْحَاقَ وَيَعْقُوبَ وَالْأَسْبَاطِ وَعِيسَى وَأَيُّوبَ"*

كان أيوب عليه السلام عنده أموال وأراضي وذرية كتير جدا، كان عنده ١٤ ولد وبنت ، وكان عايش في أرض حُورَان في الشام مع قومه،
عاش أيوب عليه السلام في نعيم الأرض ده سبعين سنة،

وكان نبي مع النعيم ده كله.... وكان كريم جدا ...كان لو عدّى على اتنين بيتخانقوا وحلفوا على بعض بالله كان بيُصلح بينهم، ثم لمّا يروَّح بيتصدق عن حلفانهم ده من ماله الخاص تنزيهًا لاسم ربنا إن حد يحلف بيه كذب أو يحلف وميوفيش بحلفانه،
وكان يساعد الفقراء بكل كرم ...على الرغم من كل الطاعات إللي كان بيعملها دي؛

*بدأ البلاء ينزل بأيوب عليه السلام...*

أبناؤه بدأوا يموتوا واحد ورا التاني🥺
الابن إللي كان بيلعب معاه وكِبر قصاد عينه، إذ فجأة داخل البيت زوجته تقوله ابنك مات😞
ياخده يغسله ويكفنه ويدفنه في القبر ويسيبه ويمشي والناس تعزيه ولسه نار قلبه مبردتش ويلاقي التاني مات😥

ويتكرر نفس الموضوع ١٤ مرة ...متخيلين؟!
ده لو حد مات له طفل ولا اتنين ولا حتى ثلاثة بيبقى هيتجنن ومش قادر😞

ده مات له ١٤ ابن ورا بعض،
ومش بس كده، ده كمان خسر أمواله كووولها🥺

ثروته...والأراضي بتاعته كل حاجة ...كل حاجة بمعنى الكلمة،

ومش بس كده...ده بدأ كمان المرض ينزل عليه لدرجة مبقاش في مكان في جسمه إلا فيه مرض، ماعدا لسانه وقلبه😶

*ي بنات أنا عايزاكم تتخيلوا معايا🥺💔*

واحد عياله كلهم ماتوا...خسر فلوسه كلها...نايم على السرير مبيتحركش...جسمه بقى مليان قُرَح... واستمر في المرض ده مش يوم ولا اتنين ولا شهر ولا شهرين...ده قعد مريض مش بيتحرك ١٨ سنة👌🏻
إحنا الواحدة فينا -ربنا يعافي الجميع- لما بتقعد في السرير كام يوم بتبقى مش طايقه نفسها ومخنوقه