قِصص الأنبِياءْ | The prophets' stories

قصة سيدنا موسى ج١

السلام عليكم ورحمة الله وبركاته💛

احم اني جيت اصبح عليكو كديه😍

طيب ماشي عارفة اني اتأخرت 😂

نبدأ بالصلاة_علي_النبي ﷺ قبل القرآءة يا
جميلة✨

#قصص_الأنبياء

#قصة_سيدنا_موسى✨💛

الجزء الأول ♡

قصتنا النهاردة عن نبي من أُولِي العَزْم من الرسل،
وأُولي العزم معناها:

الأنبياء إللي تعرضوا لأذى شديد من قومهم واتعرضوا لابتلاءات كثيرة في حياتهم، ثم واجهوا الأذى والبلاء ده بالصبر،

وأولي العزم من الرسل هم أفضل الأنبياء والمرسلين على الإطلاق، وهم خمسة :

سيدنا نوح
وإبراهيم
وموسى
وعيسى
ومحمد ﷺ
عليهم جميعا السلام💛

واحنا اتكلمنا عن نوح وإبراهيم عليهما السلام، و النهاردة هنتكلم عن موسى عليه السلام 😊

اسمه موسى بن عمران من ذرية يعقوب عليه السلام،
هو أكثر نبي مذكور في القرآن لأن قصته مع بني إسرائيل مليانة عِبر، ولأن أحداث أُمِّته متشابهة كتير مع أحداث أمة محمد ﷺ،

وموسى عليه السلام له علينا فضل كبير جدا احنا المسلمين ،

لأن في رحلة المعراج لما ربنا فرض على رسول الله ﷺ الصلاة وكانت خمسين،

قابل رسول الله ﷺ موسى في السماء السادسة، وسأله موسى عن إللي ربنا فرضه عليه ،

فقال له رسول الله ﷺ إن ربنا فرض عليا خمسين صلاة،

فموسى عليه السلام قال له أُمّتك مش هتستحمل،

فـ إطلب من ربك التخفيف، فالنبي ﷺ استغرب، وبص لجبريل باستغراب وسأل:

هو أنا ينفع أرجع لربنا وأسأله التخفيف؟ فجبريل عليه السلام قال له: نعم،

ففعلا بسبب كلام موسى عليه السلام، استمر رسول الله ﷺ  يسأل ربنا التخفيف لحد ما وصلت لخمس صلوات بدل خمسين،

وطبعا انتم عارفين إن كتير من الناس بتصلي الخمس صلوات بالعافية فما بالنا لو كانت خمسين😶

طبعا كله بتقدير من ربنا ومكتوب في اللوح المحفوظ، لكن  موسى عليه السلام كان سبب بس،
وربنا هو إللي جعله سبب في ده، وهتلاقوا في السيرة النبوية شرح الموضوع بالتفصيل😊