قِصص الأنبِياءْ | The prophets' stories

قصة سيدنا نوح عليه السلام ج٣

السلام عليكم ورحمة الله وبركاته 💙

عساكم بخير ي رفيقاتي💙

صلوا علي النبي ﷺ🙈

باسم الله يلا نكمل بقيت القصه مع بعضينا وبعتذر علي التأخير يومين🥺

#قصة_سيدنا_نوح_الجزء_الثالث_والأخير ✨💙

وقفنا المرة الي فاتت عند موت سيدنا نوح عليه السلام بعد موت نوح عليه السلام عاش أبناؤه على التوحيد وعَمَروا الأرض، وبعد سنين وسنين الناس نسيت وصية نوح عليه السلام و بدأ الشيطان يوسوس لهم تاني بنفس الطريقة ،

أحفاد نوح عليه السلام قالوا إحنا مش عايزين ننسى آبائنا ف احنا نعملهم تماثيل، عشان نفضل فاكرينهم فيذكرونا بعبادة ربنا وقدرة ربنا والمعجزة إللي حصلت مع نوح عليه السلام

وطبعا جيل بعد جيل نسيوا عبادة ربنا ورجعوا يعبدوا الأصنام تاني😑

وإحنا قلنا إن الشيطان نفسه طوييييل مبيزهقش،
عادي جدا بالنسبة له إن يحط بذرة النهاردة بخطوة.. ويلاقي ثمرتها بعد جيل كامل👌

¤ ممكن حد يسأل ويقول وهم ذنبهم إيه.. ماهم مكنوش يعرفوا حاجة؟

يبقا في تقصير من الأباء في نقل العلم لأبناؤهم وإنهم يحذروهم من الشرك،

هو إحنا مش بنشوف في عصرنا دلوأتي ناس بتطوف بقبور أولياء الله الصالحين ويدعوهم من دون الله؟

طيب بلاش دي، هل في عاقل يروح يشتري بنطلون مقطع عشان يلبسه😑

يعني الطبيعي إن الهدوم لما تتقطع نخيطها ولما تِنسّل بتبقى فتل كده نشتري غيرها عشان خلاص مبقتش تنفع تتلبس،

هل يُعقل إني أروح أشتري الهدوم دي
لما حد بيشتريهم

طيب فين دور الأباء والأمهات هنا؟ فين تربيتهم؟ ماهو الأبناء هيجيبوا فلوس منين عشان يشتروا الهدوم دي؟ وساعات الأب والأم هم إللي بيساعدوا أبناؤهم ويشجعوهم إنهم يلبسوا كده، وساعات كمان تلاقي الأب والأم لابسين اللبس ده، واحنا لسه بين إيدينا القرآن والسنة، يعني العلم لسه موجود 💔

يبقى منستغربش لما الناس نسيت وصية نوح عليه السلام وبسبب كده ضلوا ورجعوا تاني لعبادة الأصنام😞

،طيب خلونا نقول إن الأباء مقصروش في تربية أبناؤهم

والأبناء هم إللي ضلوا وعبدوا الأصنام، لأنهم مش مستوعبين خطورة الشرك بالله وطال عليهم العهد بعد هلاك قوم نوح عليه السلام، وأكيد إللي سمع مش زي إللي شاف👌