قِصص الأنبِياءْ | The prophets' stories

قصة سيدنا موسى ج٤

السلام عليكم ورحمة الله وبركاته💛

نبدأ بالصلاة_علي_النبي ﷺ قبل القرآءة يا طيبات/ين✨

#قصص_الأنبياء
#قصة_سيدنا_موسى✨💛
الجزء الرابع ♡

وقفنا المرة إللي فاتت عند فرعون لما أمر إن السحرة إللي آمنوا كلهم تتقطع إيديهم ورجليهم وبعدين يتصلبوا في جذوع النخل أصبحت البلد مقلوبة😶

السحرة إللي كانوا مُوَالين لفرعون بيتقتلوا لمجرد إنهم آمنوا بموسى عليه السلام،

ودي عادة الطواغيت،

إنهم في أي لحظة ممكن يقتلوا أي حد حتى الموالين ليهم إللي نصروهم في كذا موضع قبل كده عشان يحافظوا على مُلكهم😑

طبعا فرعون مقدرش يعمل حاجة لموسى عليه السلام،

لأنه لو قتله هيتحول لشهيد مظلوم، وهتحصل فتنة كبيرة جدا في البلد؛

لإن الناس كلهم شافوا إللي حصل، فموسى عليه السلام في مَوْضع قوة دلوقتي،
وفرعون كان ذكي، فكان عايز يلم الموضوع في الموقف ده لحد ما يدبّر له مكيدة تانية يخلص منه بيها👌

الشعب شاف كل إللي حصل ده قصاد عينهم وعرفوا صِدق موسى عليه السلام وإن هو إللي معاه الحق،
ومع ذلك محدش فيهم آمن لموسى عليه السلام😕

من شعب مصر كله لم يؤمن إلا ثلاثة أشخاص غير السحرة،

*◇ أولهم ابن عم فرعون🌻*

وطبعا كان بيخبي إيمانه؛ لأنهم لو عرفوا إنه آمن بموسى هيتعرضوا له بالقتل زيه زي السحرة😶

فكان بيحضر الاجتماعات مع فرعون وباقي الملأ ومحدش عارف إنه مؤمن،

وكان الملأ في مجالسهم بيحرّضوا فرعون إنه يقتل موسى أو حتى يؤذيه، ويقولوا لفرعون:

هو انت هتسيب موسى يفسد في الأرض ويخرّب عقول الناس ويدعوهم إنهم يعبدوا إلـٰهه ويسيبوا عبادتك😤

*"وَقَالَ الْمَلأُ مِن قَوْمِ فِرْعَونَ أَتَذَرُ مُوسَى وَقَوْمَهُ لِيُفْسِدُواْ فِي الأَرْضِ وَيَذَرَكَ وَآلِهَتَكَ "*

فقال لهم فرعون انتم بس ادوني تفويض من الشعب عشان أقتل موسى ويبقى يستنجد بربه ينقذه أو يمنعه مني،

أنا خايف على مصلحتكم كلكم ...لإن ده جاي عاوز يغير دينكم ويُفسد في الأرض ويخرب البلد...