حب بعد معاناة

الجزء العاشر

مع بدايه يوم جديد
فرح صحيت من النوم خدت شاور ولبست بنطلون جينز أسود وبلوزه صفره نص كم
نزلت تحت عشان تفطر
فرح : صباح الخير يا ماما صباح الخير يا بابا
منى وعلى : صباح الخير يا فرح
محمد : إن شاء الله بكره هتروحوا معايا عند زينب
فرح : اوف ياربى الناس دى تانى
منى : ليه مالهم يابنتى
فرح : معرفش انا مش مرتحالهم خالص
على : خير إن شاء الله
فرح : سلام انا بقا
منى : على فين يابنتى
فرح : هكمل آخر سنه كليه مازن قالى تعالى وهيشوفلى الورق
على بفرحه : أيوه كدا هى دى فرح
منى بحب : ربنا معاكى يا حبيبتي
محمد : سلام يا فرح
فرح : سلام
مشيت فرح ركبت عربيتها وراحت عند المستشفى بتاعت مازن
فرح : ممكن أدخل
مازن : إتفضلى
فرح : أول مره اجى المستشفى بتاعتك يعنى ماشاء الله بجد
مازن : إن شاء الله اول لما تخلصي السنه هتيجى وتشتغلى معايا
فرح بضحك : أكيد
سلمى(الموظفه) : مازن بيه البنات اللى جاين عشان وظيفه السكرتيره هنا أدخلهم
مازن : ماشى
فرح : طب أمشى انا واجى فى وقت تانى
مازن : لا خليكى عادى
فرح : عشان مضيقكش وكدا
مازن : بطلى هبل
فرح : تمام
دخلت اول واحده
شمس : أنا إسمى شمس وكليه تجاره
مازن : مؤهلاتك
شمس : متخرجه من تجاره والاولى على الكليه وكمان بعرف أتكلم لغات إنجليزي وفرنسى
مازن : مرفوض
شمس بحزن : تمم
خرجت شمس وهى مضايقه
شمس : دا شكله صعب بقا انا الاولى فى الكليه يرفضنى
سلمى : معلش اللى بعده مين
مروه : أنا
سلمى : أدخلى
دخلت مروه وكانت مش مصدقه نفسها دا نفسه مازن اللى جه عندها
فرح بصدمه : هو انتى
مروه : أهلا يا فرح
مازن : يادى المصيبه
مروه : هو فيه حاجه
فرح : مروه معلش ممكن تطلعى دقيقتين اقول لمازن حاجه
مروه بغيره : ماشى
مازن : فيه اى
فرح : بص شغلها حتى لو معندهاش مؤهلات كتير
مازن : انتى بتقولى اى
فرح : بص لو رفضتها اكيد هتقول لأبوها وممكن يضايق ولو الجوازه منجحتش محمد هيزعل اوى
مازن : ايوه بس ..حاضر يا فرح
مازن : سلمى دخليها
دخلت مروه
مازن : أى مؤهلاتك
مروه بخجل : الصراحه انا كنت دبلوم تجاره بس دخلت منه كليه
مازن بقرف : دبلوم هاا يفرح بتقول دبلوم
فرح: طب اى مؤهلاتك بتتكلمى كام لغه
مروه : الصراحه انا عدت السنه وسبت الكليه ومعيش غير شهاده الدبلوم
مازن : خدى الورق دا وأديه لسلمى أمضى عليه عشان تستلمى شغلك
مروه بفرحه : يعنى انا أتقبلت
مازن : نقول اى ايوه
مروه : شكرا جدا
طلعت مروه وهى مش مصدقه نفسها وبدأ الغرور بقا 😂
مروه بغرور : انا إتقبلت
سلمى بصدمه : اى
مروه بغرور : أيوه إتقبلت
سلمى : دا لسه رافض الاولى على كليه تجاره
مروه بغرور : معرفش بقا ورينى مكتبى بقا أنا السكرتيره الجديده
_________
مازن : اهو ياستى خليتها تشتغل
فرح : شكرا .. المهم عملت اى فى الموضوع اللى قولتلك عليه
مازن : أيوه صح قدمتلك الورق كله ومن بكره تقدرى تروحى
فرح بسعاده : شكرا بجد انت مش متخيل سعادتى
مازن بإبتسامه : أنا اعمل اى حاجه عشانك
فرح : همشى انا بقا واسيبك لشغلك
مازن : تمم خلى بالك من نفسك
فرح : ماشى
__________________
مازن : سلمى نادمى السكرتيره الجديده
سلمى : حاضر يا دكتور
مروه بدلع : نعم يا دكتور
مازن برفعه حاجب : خدى الورق دا رتبيه حسب الايام عشان مواعيد العمليات وكدا
مروه بدلع : حاضر يا دكتور
طلعت مروه وراحت مكتبها وهى عماله تفكر "ياه يا مروه لو خلتيه يحبك تبقى لعبت معاكى وترتاحى من عيشه الفقر دى وابقا زى زينب اللى شيفه نفسها"
_______________
نزلت فرح عشان تمشى شافت سلمى ( أم عمر ) ماشيه من المستشفى
فرح بإبتسامه : ماما سلمى .
سلمى بسعاده وهى بتحضنها : فرح يا حبيبتى عامله اى يروحى
فرح : الحمد لله بخير
سلمى : عامله اى دلوقتى بقيتى كويسه
فرح : ايوه الحمد لله نجحت العمليه
سلمى : آسفه يبنتى بجد كل اللى حصلك بسببنا
فرح : أنتى ملكيش ذنب يا ماما
سلمى : تعالى النهارده معايا إتغدى عندى
فرح : لا والله مش هينفع
سلمى: ماتخافيش عمر وشهد لسه فى فرنسا اكيد شفتيهم
فرح بحزن: ايوه
سلمى : وأنا قاعده لوحدى مفيش غير البومه ام شهد تعالى نتغدى سوا بعدين أمشى
فرح مكنتش عايزه تزعلها ووافقت تروح معاها
فرح : تعالى إركبى معايا العربيه طيب ونروح
سلمى : ماشى يا بنتى
ركبت سلمى مع فرح العربيه ووصلوا القصر
سلمى نزلت : يلا يابنتى
فرح كانت باصه على المكان وقلبها بيوجعها: عارفه يا ماما ليا اكتر من ٦ شهور مجتش هنا
سلمى بحزن : معلش يا بنتى
فرح : عادى يلا بينا
دخلت فرح وسلمى القصر وفرح قعدت على الكنبه وهى عماله تبص على البيت
فرح : مفيش حاجه إتغيرت فى البيت
سلمى بحزن : حاجه واحده اتغيرت البيت بقى كئيب ومفهوش سعاده بعد ممشيتى منو
فرح بحزن : مش مهم المهم انك بخير
سلمى : الحمد لله يابنتى
سلمى: يا منار يا منار
منار ( الشغاله ) : نعم يا سلمى هانم
سلمى : حطى الغدا يله عندنا حد غالى عليا هنا
منار : حاضر يا سلمى هانم
حطت منار الاكل على السفره
منار : أنادم شيماء هانم
سلمى : مش لازم هاكل انا وفرح بس
منار : حاضر يا هانم
بدأت فرح تاكل هى وسلمى وسلمى كانت مبسوطه جدا بفرح كانت وحشاها جدا
سلمى بسعاده : والله اول مره أفرح من ساعت ممشيتى
فرح : ليه مفرحتيش بجواز عمر وكمان إن مراته حامل
سلمى بحزن : عيال مين بس دول غلطه والجواز كله غلط فى غلط
فرح بإستغراب : قصدك اى
سلمى : لما مشيتى إبنى كانت سكران وكان فى أوضته كان يفتكر شهد إنتى الصراحه انا مش عارفه هى اللى راحتله ولا هو اللى رحلها زى ما بتقول
فرح : وبعدين
سلمى : قالت انو غلط معاها بس هو مكنش فاكر حاجه وإتطر يتجوزها والعيال اللى هيا حامل فيهم دول بسبب الغلط دا
فرح بصدمه : أى
سلمى : ايوه يابنتى هو عمر مقلكيش دا كان مستنيكى هناك عشان يقولك سبب اللى حصل
فرح : واى السبب
سلمى : هو...
شيماء بقرف : أى دا فرح
سلمى : شيماء أمشى دلوقتى
شيماء : هه وامشى ليه بيت بنتى
فرح : أزيك يا طنت
شيماء بغصب: أهلا يختى ويلا بره اى اللى جابك
فرح بغضب : سلام يا ماما
سلمى: فرح خليكى وانتى يا شيماء ملكيش دعوه هيا جايه عشانى اى
شيماء بغضب : اى انا اسيبها ليه هنا
سلمى بغضب : دا بيت ابنى وانا هنا ست البيت مش انتى وانا اللى اقول مين يمشى ومين لا
شيماء : بنتى لا يمكن تسمح بده
سلمى: داهيه تاخدك انتى وبنتك انتوا كمان مش عايزين حد يزورنى يلا يا فرح تعالى عندى فوق
فرح : حاضر يا ماما
طلعت فرح مع سلمى وشيماء كانت متعصبه جدا
سلمى : خليكى هنا يا بنتى هروح اشرب ميه واجى
فرح : ماشى يا ماما
نزلت سلمى وفرح كانت واقفه قدام اوضتها هيا وعمر زمان وكانت عايزه تدخلها تشوفها
فتحت الباب وكانت زعلانه جدا كل حاجه فى الاوضه أتغيرت
فرح بدموع : حتى الألوان اللى كنت مختراها إتغيرت الاوضه بقت غريبه انا مبقاش ليه مكان هنا
حد فتح الباب
فرح بصدمه : .......
يتبع.......