حب بعد معاناة

الجزء الثامن عشر

دخلوا عند المديره

........ بضحك : أزيكم يابنات وحشتونى
فرح وزينب بسعاده : كريستينا
جريوا عليها وحضنوها مكنوش مصدقين نفسهم
كريستينا : وحشتونى اوي يبنات
فرح : أنتى اكتر
كريستينا بضحك : كدا متعزمونيش على فرحكم
فرح : والله كنت عايزه ارن بس قلت اكيد مش هتيجى
كريستينا بإبتسامه: ادينى جيت
زينب : اللغه بتاعتك اتحسنت عن الاول
كريستينا : yes بدأت احسن فيها واتعلمت كتير
فرح : هو انتى صحبه المكان
كريستينا بضحك : لاا واحده صحبتى هى المديره بس لما جيت قلت افاجئكم
زينب : صحيح اتجوزتى انتى وآدم ولا لسه
كريستينا بضحك : مدى المفاجأه بقا
فرح : أى
كريستينا وهى بتحضنهم : أنا هتجوز معاكم هنا وهنعمل فرح سوا
فرح وزينب بسعاده : مش معقول
كريستينا : دى كانت فكره آدم وكمان هنعيش هنا سنه عشان عنده شغل هنا
فرح بحب : بجد فرحتينى اوي
كريستينا : هتيجو هناا بقا عشان الميكاب هنيجى سوا
زينب : أكيد
مروه : طب مش يلا بينا
كريستينا : مين دى
زينب : دى بنت خالى
كريستينا : اهااا
فرح : هنمشى احنا بقا عشان اتأخرنا
كريستينا : okay

مشيو كلهم وكل واحد إتجه لمنزله

_________________

مروه بغضب : شفتى يا ماما مدفعتليش فلوس الكوافير
شيماء بغضب : ليه كدا ياست زينب
زينب : الفلوس مكفوش جابت فستانين واللى زاد دفعته للكافير
مروه بقرف : قولتلك مكنتيش دفعتى لكتب الكتاب
زينب بغضب : أنتى شكلك عبيطه يابت
عصام بغضب : خلاص كفايه خناق ابقى روحى عند اى حد منتى جبتى فساتين كفايه
مروه بغضب : حاضر يا بابا
_____________

بعد مرور شهر(يوم كتب الكتاب)

الساعه عشره صباحا

كانو فرح وزينب وكرستينا فى الكوافير

لبسوا الفساتين بتاعتهم

فرح كانت لابسه فستان طويل مفتوح من تحت أبيض وبكم وحطت ميكاب خلاها زى الأميرات
وعملت فرمه شعر حلوه جدا
زينب كانت لابسه فستان طويل بكم أبيض وطرحه عملتها لورا وحطت ميكاب حلو جدا

كريستينا لبست فستان طويل ومفتوح من تحت وكت أبيض وحطت ميكاب وشعرها فردتو لورا

فرح كانت باصه لنفسها فى المرايه وكانت مبسوطه جدا
زينب وهى بتحضنها : أجمل يوم فى حياتى النهارده
فرح بإبتسامه : وانا كمان
كريستينا : بنات اى رأيكم
زينب وفرح بإبتسامه: زى القمر
كريستينا : النهارده وبعد كام يوم تانى كل واحده فينا هتتجوز متخيلين الواحد عدا بمشاكل كتير أخيرا هيجى يوم حلو
فرح : خايفه حاجه تحصل
زينب : لا مفيش حاجه ان اشاء الله اليوم يعدى على خير

الساعه ٢الضهر جت العربيه وخدتهم القاعه هناك
دخلوا وكان الكل موجود والاغاني والدنيا حلوه 😅❤
دخلوا كلهم الاوضه يعدلو الميكاب
زينب : يلا
فرح : هظبط الفستان واجى روحوا وانا جايه وراكم
كريستينا: تمام

المأذون : يلا عشان نكتب الكتاب مين هيبدأ الاول
آدم : انا يا شيخ
محمد : هعدهالك المره دى
آدم بضحك : ماشى
المأذون : العروسه فين
كريستينا: انا ي شيخنا
المأذون : عندك حد من قرايبك هنا
كريستينا : لا
المأذون : ماشى تعالى اقعدى هنا

كتبوا الكتاب بتاعهم بعدها جه دور محمد وزينب

المأذون : مبارك عليكما وجمع بينكما فى خير

آدم قام وحضن كريستينا
كريستينا بدموع : مش مصدقه نفسى
آدم : مبروك يروحى
المأذون : مين التانى
مازن: أن
محمد قطع كلامه : أنا ياشيخ
مازن : صبرنى يارب
محمد بضحك : هما كام دقيقه وخلاص
مازن : أتفضل يا خويا
المأذون : اسم العروسه والعريس والشهود
مازن : أتفضل البطاقه
عصام : ودى بطاقتى
محمد بسعاده : اسمى محمد والعروسة زينب
المأذون : تمام أتفضلوا اقعدوا

المأذون كتب كتابهم

المأذون: مبارك عليكما وجمع بينكما فى خير

محمد كان مبسوط جدا وزينب أكتر
زينب بدموع : أخيرا
محمد وهو بحضنها : أقدر أحضنك دلوقتى
المأذون : مين الاخير
مازن : أنا يا شيخ
المأذون : فين العروسه
مروه جت وهى بتجرى : ألحقوا دخلت اشوف فرح ملقتهاش فى اوضتها
مازن بصدمه : أنتى بتقولى اى
منى بخوف : بنتى يا على أكيد اتخطفت
محمد بخوف : اهدوا يا جماعه هندور عليها كلو يقعد هنلاقيها
ركبوا محمد ومازن وآدم العربيه يدوروا عليها
وفى القاعه كان الكل خايف جدا على فرح
مازن بغضب : أكيد عمر الكلب مفيش غيره
محمد : نتأكد الاول هنروح ندور على كل الأماكن اللى فرح ممكن تكون فيها

قبل كتب الكتاب ب ساعه

مروه أتصلت على عمر

📞 مروه بخبث : هى دلوقتى فى الاوضه لوحدها انت فين
📞عمر : أنا بره والعربيه معايا
📞مروه : طب ادخل الاوضه هتلاقيها نايمه
📞عمر بغضب : هتعملى فيها اى
📞مروه : متخفش هديها عصير وهحط عليه منوم
📞 عمر : ماشى هدخل منين
📞 مروه : تعالى من البوابه اللى ورا مفيهاش حد
📞 عمر : ماشى انا جاى

دخلت مروه على فرح ومعاها كبايه عصير
مروه : يلا يافرح مستنينك
فرح : ادينى اهو جايه
مروه : خدى اشربى عصير
فرح : شكرا ياروحى
اول ما شربت فرح العصير بدأت تدوخ لحد ما أغمى عليها
مروه بشر : أحسن هو ليا انا وبس
دخل عمر عليهم
مروه بقرف : اهى خدها وأمشى

عمر شال فرح وطلع بيها من البوابه الخلفيه وركبها العربيه ووداها بيت بعيد مفهوش حد غيرهم

نرجع بقا :-
فرح بدوار : أن.أنا.. فين

يتبع....