قالت الأولى : عيشت طول عمري وحيدة، لا حبيب ولا غريب، ولا صاحب وقت الضيق اروح له، وحيدة حتى مليش أخوات، عايشة مع أمي وأبويا، عايشين حياة أقل ما يُقال عنها بسيطة، حياة هادية بس مملة وكئيبة، مليش اللي أتسلى معاه، وحتى لو هخرج مع نفسي، فَـ مفيش الفلوس اللي تخرجني .
وقالت الأخرى : عندي كل حاجة بتمناها، بيت وهدوم وعربية، مفيش اي حاجة نقصاني، عندي صحاب كتير، وكتير يتمنوا يكلموني، عندي بدل العربية تلاتة ومن أفخم وأحدث العربيات، بنت متريشة من الأخر، بس أتحرمت من أهم حاجة وهى الصحة، فَـ لو ليا المقدرة أبدل كل دا بِـ الصحة وأعيش في هدوء من غير تعب، مش هتردد ثانية .
جاء الدور على الثالثة لِـ تقول : عندي كل حاجة، جمال، فلوس، صحة، صحاب، بس كان ناقصني الحب والسلكان، عايشة وسط أفاعي مش بني أدمين، صحاب مكّارة وعقارب .
قالت الرابعة : حبيت، وأتجوزت، وعيشت أجمل قصة حب، ولكن الحظ ملعبش معايا، وأختياري سوّد لي حياتي .
الخامسة : عيشت وسط عيلة كبيرة وعزوة، الكل يشوفنا يحسدنا، وزي ما بيقول المثل من برا هالله هالله ومن جوا يعلم الله .
ملك محمود"بـــ'يلا"
نوفيلا _ منتصف الليل _
' قــــريـــبًــا ' .
