نار الفيصل

بارت مشوق

...
.مقطع مشوق .. من الرواية الجديدة ..
.نار الفيصل ..بقلمي
..الكاتبة ..أنسانة من عصر آخر 🌌

اني حنان ..عمري حالياً وبهلاحداث 29...زوجني ابوي من ابن صديقه الي مجان يدري بيه أنسان سيء ..تزوجنا لمن جان للجيش وبعدها مجنت أشوفه هواي وجان هذا الشيء لحسن لأن خافي حقيقته الحقيرة ...لحد ما أجة الايام الي خلاص ترك الجيش وصار يشتغل بلمحل مالت أبوه وإخوته ..نجار مالت كناتير وجربايات وميز ...عمره ماعاملني زين يرجع من شغلي يتلكاني بلشتم وشتم أبويه كرهته وكرهت تصرفاته تجاهي مع انو عمري ما سمعته كلمة سيئة أو ماقمت بواجبه بس مثل مايكولون العرق دساس حواله كلهم هيج وية زوجاتهم بس ..فاضل جان أسوء شخص بيهم ...جان سكير وعينه زايغة من كلشي حاويها ..الئ أن حبلت بأبني فرحت لمن طلع ولد وهو كذلك كان بلكت يتغير ..اول يوم سألني بصلوات ..الئ أن رجع كما كان واني اعرف حشاكم ذيل الكلب عمره ماراح ينعدل ...جان يضربني ضرب بدنيتي ويطك خشمي دم الا يعوفني ويرمين باب الغرفة ويغفلها من جوة وحنا اموت من البرد مايفتحلي وخطية من كبر وليدي صار ايمان وياي من يتمرض يضربني ويكلي

...هو بس هلولد ...تردين تموتيه !؟

بس ماكدر احجي لاهلي لانه ما يخليني اروحلهم عشت ايام قاسية من جنا عد أهله وعايشين ويلهم رحمة مايضربني فمن حبلت مرة الخ ..كال اذ
..
جنت كاعد بيوم من الأيام العادية لامسموحلي اطلع ولا اتونس مثل النسوان الي عايشات حياتهن
وية رجولتهن زين اني شسوووويت ليش هيج حضيي يارب افرجها علي .. يآرب ..حسيت ايد ناعمة علئ عيوني وتمسح دموعي ...بجيت وان اشوف ابني البكر ...وهو ما يهون عليه يشوف أمه تيجي ...عمره 8سنوات ..والمشاكل كلها مدامع تصير ساعات أحسه اكبر من عمره حتى تفكيره سودة علي من يشوفني انطرد بليل للبرد من الغرفة يعوف غرفته ويجي ينام يمي يخاف علي من صغره عنده غيرة علئ أهله ..حضنتها وانا ترجعه واخلي نظراته تواجهني وحضنت وجهه بين كفوف أيدي واني اوصيه .. يمةة انت الي راح دربالك علئ اختك اعرف انو انو اااني ماراح اعيش لو ابوك درا الحبلت بيه بنيةةةة ومو ولد الا اطلكج ..خفت وين اروح مرت اخوية غير تأذيني أذية وتذلني والمجتمع كذلك ماراح يتفهم وضعي ولا يرحم ...طلعت حابلة ببنت ضميت عليه ..وكلت منا للولادة اللة كريم حتى لو اموت ...شسوي ماعندي أحد ..أبوه جان زين وإخوته بس هو .... كملت وانا أبوه لابني ..

انته راح تواجه الحياة وية ابوك واختك بس راح تحافظ عليها وأحبها وتحميها من كل شخص يحاول يأذيها .....بجيت من كضتني العبرة وانا اباوع لابني الحلو الي عيونه تباوع بحزن وكأنو فهمتني ....
لحظات وحشيته يباوع لورة وانتقلت نظراته لورة ظهري خفت واني احس بلي شافة بينما نظرات ابني هي انو مايردني احجي حتى لا يسمع يلي وراي بس شنووو يفيد بعددد ماطاح الفاس برأس .....وسمع كلشي !
..........
يتبع...

بقلمي ...أنسانة من عصر آخر 🌃