بنهرب من حياتنا كتير بنتعشم نلاقي الخير جايز نقدر نكمل بيه ونتعكز ونمشي عليه وبندور علي مكان هادي وناس بتحب من غير ليه بنخلق عالم افتراضي يكون ملجأنا نسكن فيه يكون في أم تفرح بينا و أب بحضنه مستنينا و أخوات قلبهم علي بعض لا هيفرقهم ورث و لا بعد وفرحه ف لمه العيله واهل بيسندو الشيله وصحبه طويله مفرحه مفيش وراها مصلحه و وقت العوزه تلقي رفيق يكن واقف قوي في ضلك ويبقي الضهر اللي فاضلك ومهما يتوه فوسط الناس بتلقاه عمره مايضلك و لما القلب بردو يدق يعوز حبيب صادق علي حق يزيد النفع ما يضرك تشوف ضحكته تسرك وحبه لما بيبان بيزيد ثقتك وبيغرك طبعا كل ده كلام اوهام و احلام يقظه وده عادي و بنألف كلام وألحان وبنصدق عالم افتراضي تكون تعبان و تدخل فيه تصير راضي و فجاءه تبانلك الصوره عالمنا الطبيعي ده في وادي وعالم النت ف ١٠٠ وادي فيه كل حاجه مكسوره مسكن بيخخف آلام ويروح مفعوله و ينادي بينسي جرج و ظلم زمان وفجاءه بيرجع الماضي حرامي بيسرق الايام و لابس بدله القاضي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
