راهنت عليك
و دفعت مشاعري و إحساسي
قصاد بس عنيك
و دخلت بقلب كبير جامد
و أنا واثقه فيك
وف انك هتكون ليا الساند
و اماني ايديك
مصباحي السحري
و في المارد
اول ما يشوفني
يقوم سارد
شبيك لبيك
كنت ادعي و انا قلبي ساجد
ليا يخليك
كان فرحي ف اني اسمع اسمك
و اتوه وياك و أنا وياهم
أنسي اللي معايا و اشوف رسمك
صورتك في و شوشهم
صوتك سمعاه و مش سمعاهم
انا حاسه ملامحي بقت منك
حتي ف شكلي بردو هقاسمك
اصلنا تؤام و ب روح واحده
زي ما واخد مني انا واخده
وعمري ما افارقك و لا اخاصمك
و كسبت رهاني
و كسبتك
و بقيت جد اماني
و مهما قالولي عشان اسيبك
عمري ما سبتك
و زي ماحبك صاب قلبي
انا صبتك
