و رجعت تاني وحيده
و مين كنت غاليه عليه
مبقتش عنده فريده
و بقيت غريبه عليه
و فقدت كل الميزه
قالي انه مش هيبرر
وخلص مفعول التعويذه
ودلوقتي جاي ومقرر
باني كنت عزيزه
وان اللي قاله كتير
و زهق من التفسير
و الضلمه رجعت تاني
و الحزن دق الباب
و فتحت ليه احضاني
و قلبي صابه خررراب
و يارب يتعلم
من قسوه الاحباب
و يتنح و يبلم
ده الطبع فيه غلاب
هيطاطي و يسلم
و يحن للسراب
كل اللي عمله هروب
من كتر ما تألم
معرفش يتكلم
و شعوره كان مغلوب
كان فاكر انه غير
و انه اللي كان مطلوب
كان فاكر التغيير
مش ليه و مش مكتوب
و للشفقه بقا مثير
ولحقه بقا مسلوب
جبر الخواطر فن
وان كنت ليه فاقد
صوتك مازال بيرن
وان كنت ليه خافض
احساس انك بتمن
و جواك كان رافض
هريحك من الزن
وغيري اهو سادد
