انا المرادي مش هحكي علي الفرقه وعلي الماضي
انا المرادي هحكي علي القاضي
انا اتعلقت بالقاضي
وشفت فيه الحياه والناس
وقلبي كان بده راضي
ومازل بيدي ليه ف احساس
مصيري بين ايديك ياجميل
معاك انا ببقي زي الطير
بغني بفرحه و بنادي
عليك وكل الكون بيغير
ولما تغيب بغيب وياك
بتوه و بلخبط المشاوير
بفوق بوجودك قصادي
و بفضل احكي ع التغيير
بقولك اني مش عايشه
وانت بعيد و قلبي ضرير
و انا علي اتم استعدادي
اقول للكون بإنك غير
واقول لقيت انا مرادي
ومعاك شايفه كل الخير
...تقريبا فهمت ده بالعكس
و شفت انه فيا نقص
ونقصي كمان مش ده عادي
كلامي بدل ما يحنن قلبك
قساك وصرت جلادي
شايفني حابه بس وجودك
وبتنازل علي الفاضي
بهد بعزمي في كل حدودك
عشان احقق في مرادي
صدمني بجد ردك ليا
وكسر من قلبي قدامك
و لو شايف الحب كلمه سحريه
هجيبلك من البنات انا 100
يقولو دايبين في هيامك
ولو قلبك مش حاسس بيا
حكم عقلك المرادي
وشوف افعالك وافعالي
و اه مش هرضي بالقاضي
و هرضي بحكم جلادي
