كان ذنبي ان انا حبيت
وفيوم حلمت ب بيت
في انا وانت و أولادنا
وصلت كمان لأحفادنا
بس انت لحلمي طويت
وقلبت الصفحه و غبنا
و غياب ف غياب
اتسجلت الدرجات
واتقفل الباب
وده كان محسوب
من ساب مشاعره
من غير حساب
و من غير مذاكره
نصيبه رسووب
وانا كنت فاشله
ومشاعري ملك ايديك
ولا خدت فرصه ولا حتي فكره
عن سوء ماضيك
دخلت اوام اطول طابور
وانا واثقه فيك
و ف انك هتمضي ليا حضور
وهعدي بيك
بس النتيجه كانت زور
وتقديري كان فييك
ضعيف اووي و مكسور
ساقط بفعل ايديك
اشواك فقلبي كتير
بدأت ف الظهور
كان حلمي انجح ليك
ونعيش سوا ف النور
كان نفسي تبقي شريك
و بقيت عدو مغرور
دلوقتي عاوزه اهرب
وانط من ع السور
انا قلبي مستغرب
ازاي كان زارع ورد
و قتلتو من الجذور
يوم ما قطعت الود
و حولت ارضي لبور
