كان ممكن تظهر في عنيا اكبر من كدا
كان ممكن حبك يشفعلك
و مشاعرك تقدر تدفعلك
كل اللي عليك ليا
و بجد بجد انا متاكده
كان ممكن قلبك يبقي ضمان
صدقني ده افضل من انسان
يتوسط ليك ويقولي كمان
سامحيه
سامحيه و خليه يرجعلك تاني
كان عيل طايش واناني
و فرحان ب اللعبه اللي بتلهيه
و ركنها وقال بكرا يجيلها
ولا حسش انه بيئذيكي و بيئذيه
سامحيه.....
- قلبك لو حب بجد
مكنش بعتلي حد
يقول ليا ف اعذار
كان ممكن حبك يبقا
احسن من اي اعتذار
بس انت زهقت وقولت تغير
و لما لقيت الغير ده غير
رجعت تقول ان انت صغير
اهو كام جمله يحننو قلبي
ويرجع ليك
ويرحب بيك
و يقولك ياحبيبي العمر قصير
هو قصير فعلا
وفات منه كتير وياك
بس الجاي هيبقي بتاعي
وجودك فيه ملوش اي داعي
وانا من غيرك مش هتحيير
قلبي هيفضل ثابت ساعي
ماسك ف كرامته وهيراعي
كل فخ يكون قدامه
هيبقي صاحي.. فايق.. واعي
وكمان هيشيلك من اهتمامه
و كلمه ممكن مش هتغير
و لا هتنورله ظلامه
