خلاص انا لازم اتعود اسيبو يعيش
ولازم انسي تفاصيله وميوحشنيش
وهقنع نفسي انه مفيش
وان كلامه كان اوهام وكان تهويش
هحور حبه علي روحي
و اقول يامحبه هتروحي
هعد ليكي في جروحي
ياما كنتي ورده بتفوحي
دبلتي وصرتي مبتسويش
هجيب كام ذكري ل خلافنا
و اقولها فاكره لو شوفنا
عيوبه في يومها وكشفنا
وكنا فارقنا في ساعتها ومعاندتيش
سلوكه القاسي هافتكره
و تكشيره وعبوس شكله
وتخطيطه وسوء مكره
وهنسي هيامي في ساعتها
وهنسي سكوتي والتطنيش
هقري ف عقلي وهاحفظه
بانه غريب و عادي يرفضه
وممكن مره ييجي يطرده
و هنساه بجد و أقدر أعيش
وهكدب ايوا علي قلبي
واقوله كنت بتربي
في ديب واما اتسند عوده
نصيبك منه كان خرابيش
هسمع ودني صوته
وهو بيشتم فيا
و أوري عنيا
صورته وهو جاي عليا
وهثبت انه عمره ما كان في يوم ليا
وانه خلااااص مينفعنيش
واحسن ليا ابقي بعيد وهو يعيش
وكل ماييجي يوحشني
هقوله ارجع ماتوحشنيش
