Chhingkhual Thalenghera (Season-2)

Chhingkhual thalenghera-1

Hmingsanga chu lungawi tak chuan ka vai liam ta a, kan biahthhu di hlan zawng zawng kha, dawn reng thei ang chu maw. Inchhung ah chuan hlim lem lo tak chuan ka lut a, insiam leh mawlh mawlh in, school lam chu ka pan ta a, ka thlen chuan teacher dang te chu an la vâng hle.

Ka bag chu dah in compound ah chuan ka tei ta vel mai mai a, student pakhat chu rawn kal nawlh in, class 12 ni awm a mawi ani, a sang em em leh nghal, "Sir, ka hming chu Zomuanpuia ani a, Zomuan tiin min ko thin, ih sir math homework hi ka ti thiam lova min lo en pui lawk dawn" tiin rawn sawiin, keipawh chuan a book rawn ken chu keu in a note ah chuan ka ziah sak mawlh mawlh a.

Sawi chian pah a ka ziah zawh hnu chuan lawm thhu te sawiin, an class lamah chuan a kal ta a, chutia ka thlir reng lai chuan, ka hnung atang chuan Miss Sangteii chuan minlo barakhaih a, henu tak hichu, kan in fiam leh bawrh bawrh a.

Kan pahnih chuan staff room lam chu kan pan ta a, teacher te an rawn kal kim takah chuan, engvak mah ti lem lo chuan school chhung chu ka tei kual ni deuh mai. A nuam ve tho e, engmah ti lem loa ina awm mai mai ai chuan.

School tawp dar ri a rawn rik chuan ka khi ver ver mai, a rik leh ruala kan thian ho kim taka kan auh dur dur lai te kha, mipa leh hmeichhia in el em em in awm ho mah ila a tawpah chuan in tanpui ngai tawn kan ni leh vek thho a, khang hun lai te kha mitchhin kar lekin a ral der chu ania.

Kan in lam ke a ka pan dat dat lai chuan, kan 12 student niawm taka mawi pakhat chu ka bul deuh ah chuan a bike nen chuan rawn dingin, "Sir! rawn chuang rawh kan haw na tur kawng a in ang."

Ngaih tha tak chuan,"Awle, a lawm awm e" tiin ka chhang ve mai a.

A class leh a hming vel ka zawh chuan, vawiin a question zawhna min rawn zawt tu ngei kha ani tih ka hre ta a, ka zak ru viau. Kan in kan thlen dawn chuan ka din tir ta a, amah pawh chu a ding ve mai a, lawmthhu te ka sawi zawh hnu chuan a tlan leh ta a, ka lawm zia chu ke in haw ila kala thleng teuh awm silo, ka hahna tur zawng zawng min chhawk zangkhai tu ani ringawt.

Eirawng bawl erawh kala penson theilo chu anihhi, eirawng chu ka bawl leh ta a, ka u te nghahpah chuan Hmingsanga chu ka call ta mai mai a, vawikhat naah chuan ring quit thak, ka nawn tum lo mahse min rawn call back takah chuan phhur tak chuan ka la nghal a, mahse hmeichhe aw daih ani ka hriat.

"Aw hello"

"Tunge aw, Hmingsanga a awm em?"

"Awmlo tunah tak chuan, nakin deuhvah ka rawn call tir dawn nia."

"Ai, angailo a pawimawh lo ve."

"Awle, anih ka dah aw."

"Umm"

Ka awm chu a tawt mup mup a, hreawm tak ani hreawm tak, chhungte an lo haw kim deuhthhaw tawh nen insum a har ngei mai, kan kim takah chuan chaw chu kan ei ta a, ei lai chuan apa chuan,"Bawiha, Aizawl ah engtik ah nge i kal dawn?" rawn ti thut in.

"Pa ka hrelo le, ka thiante nghah phawt ka tum a, chuloah pawisa hi kan thhawkchhuak ve phawt anga, kan la ngaihtuah dawn nia."

Apa : "Awle awle.."

Chaw ei khham chuan ka seng leh mawlh mawlh a, a mi lai nih te hi ka chak ve thin, a te ber han nih reng hichu a, mahsela, ram hna lamah min awl ve thho sia, ka nitin hna sawisel thei lo chuan ka awm leh ta.

Ka seng zawh hnu vel chuan ka room ah chuan lut in, phone chu ka khawih ta nghal a, whatsapp ah chuan lutin message chu engmah alo awm lo, kei ang bak bak mi luck lo hichu. Hmingsanga nen chuan kan dp chu couple dp nilo mahse kan Whatsapp dp tura kan lak chu kan hmang ve ve a, mahse ka check nak chuan a lo thleng tawh, kan about 'infinity is less without him' tih pawh chu a thleng tawh. Harsatak chuan ka tuar hram hram animai, amah rinhleh hi ka duhlo hur si a, ngaihtuah ava ti tam em.

Number hlanga min rawn message tu awm avang chuan phhur tak chuan ka han seen sak a, advertisement mai mai niin, Hmingsanga tih tawh nak a laiin, advertisement chauh lo ni, vai ho tak hichu aw...

Ka phone chu ka lukhham bulah chuan ka dah thla hnawk a, mi va biak hmasak ka hreh si, Aizawl a kal te chu ani ka duh rum rum tawh, mahse ka thiante hi an in hlawh hnem tawh em ang chu maw, notification chu ka off loh avang chuan a rawn ri a, peihlo tak chuan ka han en chu number pangai mai mai bawk niin, phur lo tak chuan ka han seen a, "Sir?" tih chauh chu ani.

"Enge ni ta?"

"Kahming chu Zomuanpuia ania, kha vawiin rawn thlah tu che kha."

"Awww nimaw, enge nita le."

Zomuana : "Ih (Z = a + ib) hi hman dan tur ka hrelo"

"Kha aww." tih pah chuan ka chawh na chu ka thhawn ta a.

"Ka lawm e." tiin min rawn chhang a, a reh vang vang ta mai.

Keipawh chu seen sak ringawt in, a number pawh chu ka save nghal, ka save zawh hnu a, a status chu 'Left me on seen' tih chu ania, a tu tak niang maw, kei mimawl ve mai chu ka seen sak mai mai avang chuan ka in ringhlel leh ta, huiham. Naupang mai alawm anih, a duh duh a post ang chu, a bialnu pawh ani mah na.

Dar 9 ri tep tawh in, ka phone chu ka dah a, ka hmangaih em em ka khhum ngei ah chuan hahdam tak chuan beiin, puan nuam leh lum tak chu ka sin leh a, a nuam pang pang ngei mai.