Chhingkhual Thalenghera (Season-2)

Chhingkhual thalenghera-4

     A tuk ah chuan, waiting set ah chuan pickup chu kan nghak thup a, keini tawk ah chuan kan chhelo ve chiang em.

Ruata : “Nizan, ka chhungte ka han dil chu, apa chuan a rem ti mahse anu chuan hnial deuh mahse, ‘i tumruh tho a, i ngaihtuah awm lo ve’ tiin a rem ti ve ta alawm. Ka nau te pawh ka ngai khawp mai.”

Rina : “Kei chu, an phal lo nangin, tawngtaina nen min thlah ta kha ania, an awm anuam em ang chu maw.”

“In chhungte chu a, an fel alawm chu, keive ka sawi leh rualin, engtik ah nge i kal dawn, tiin min zawt let nghal zu nia.”

Kan nui dar dar hlawma, ka chhungte nen pawh chuan fel tak chuan kan in thlah a, reilo te hnu ah chuan sumo chu rawn thleng in kan in load zung zung a, ka kal tur tih Zomuana leh Hmingsanga chu ka hrilh a, Zomuana chuan a seen mahsela Hmingsanga erawh chuan a seen lo, Hmingsanga nen hian kan in be tawh ngailo a tih theih awm e, a pawimawh loh chuan message pawh kan in thhawn tawh lo, inthen ang vel chu kan ni tawh in ka hria. Zomuana chuan in luah tur min lo zawn tawh thhu min rawn hrilh chuan ka lawm a ka lawm zia chu, ala tlawm leh khawp nghal.

     Pickup pawh chu rawn thleng thuai in, kan pathum chuan kan bag chu kan dah lut a, a hnung ah chuan thu ho in, a chung a awm bawk a a hnuai lah a dup bawk anuam hem hem hle.

     He pickup hi, nizan a, Ruata’n inhlawh pah a Aizawl a zin theih na atih kha ani, kawngah chuan tluang tak chuan kan tlan a, rui pawh kan awm lo, Pathian zarah tluang tak chuan kan thleng ta hram a, ka vawikhat hmuhna ani bawk a, Zemabawk an tih pawh chu pui ka ti hle, Ruata leh Rina te erawh thlalak leh video ah te anlo hmuh tawh avang pawh chuan ani mahna a pui zawk an hriat avang in min nuih nghek nghek leh nghal.

      Zemabawk ah chuan, Pickup a thil dah tur vel chu kan thhiar ta a, kan thiar zawh hnu chuan, hlawlh tlem kan thianthum ho chuan min pe a, keini pawh chu Aizawl, Chanmari an tih ngeiah chuan kal tur chuan bus chu kan chuang nghal a. Bus driver pawh chu a fel in a pa tha bawk a, Chanmari, Hrangbana point ah chuan min dah ta a, Zomuana’n min lo nghak reng tih ka hmuh chuan ka hlim veng veng hle, Zomuana chuan a car park na lamah chuan min hruai khhawm a, a hma ah chuan ka chuang a, a hnung ah chuan Rina leh Ruata, in kan luah na tura min hruai pah chuan kan tlan na te chu min hrilh zel a, ka rilru a thhunluh vek tur chuan atam lua ani e.

      Ruata leh Rina te chuan an hreve zel maia, kei erawh thheihnghilh zung zung apawilo innghahna tur ka nei tho tiin ka thu nuam ta vel mai mai a, Zomuana’n ka kut chu ala a ka kut phah hnung chu a fawp a, ka zak lutuk chu ka sen rûm rûm mai, Ruata chu thil dang a en chhuak na lamah a hmu lova, Rina erawh min fiam zui nghal.

     Traffic a zam nasat em avang chuan kan thlen na tur pawh kan thleng hlei thei lo chu anihhi, zan dar 7 dawnah chuan kan thleng ve ta hram a, kan in luah tur chu, in ropui em em, bul chêt ah chuan sak chu niin, a chhung ka han en nak chuan achhung chu ka rin phak bak ani, room te chu pahnih awm hrang in, choka leh sitting room inzawm bawk, bathroom lah a tawk chauh in a zau bawk, mit tla lek lo chuan kan pathum chuan kan hawi kual hru mai.

Rina : “Zomuan, inluah man kha engzat man chiah maw ani?”

Zomuana : “₹6000 ani mai”

“Zomuan, engtin nge hetiang in hi i hmuh theih, ka lawm lutuk.”

Ruata : “Ni e, a lawm awm khawp mai, kan lawm lutuk e.”

Zomuana : “Diktaka sawi chuan ka pu te insak zawh hlim ania, mi inluah tura sak ania mahse inluah in duh tih ka hriat khhan ka pu te ka dil a, ka hauh ta nghal a, apu pawh chuan aphal ve mai, kei chu hei kawmchhak ah hian ka awm dawn a, in thil mamawh vel chu zak miah lovin min hrilh zel dawn nia.”

“Awle kan lawm lutuk aw.”

Zomuana : “Mahse zanin tal chu riah ve ka duh e.”

“Naaa, nakinah, han haw rawh i chau ang.”

     Peih hmel loh tak chuan a haw ta a, ka khawngaih rilru viau, thawmhnaw dahna tur chu khum hnuai ah chuan pawhdawh chiin mawi tak chuan an lo siam a, kan thawmhnaw te chu kan khum tur theuh ah chuan kan dah a, a fuh vel vek mai ani.

     Kan khum theuh ah chuan, kan mu ta vek a, a nawm a nawm zia chu, sawi in a siak lo, tlai chaw kan ei tawh avang chuan, kan zal na khum theuh ah chuan kan chhung te vek chu kan phone a, tluang taka kan thlen thhu leh inluah tur awlsam taka min lo hmuhsak tawh thhu te chu kan hrilh luam a, a hlimawm khawp mai.

      Zing chu kan thho har hlawm na rawh e, dar 7 ah chuan ka tho hmasa ber a, bazaar tur chuan ka chhuak a, kan inluah bul lawka in lian em em chu ka en chho vah a, tukverh atanga, Zomuana workout chu ka hmu chiang ngang mai, ala sek em em leh nghal, kawng lam enin thil dang ka en nghal.

Zomuana : “Bawih”

     A pawi lutuk, ka han en chhoh nak chuan kawr halo a awm chu ka tau ve ringawt, a ho viau mahse midang hmuh ka phal lo tlat, ka kal nal nal a, Zomuana pawh chu in ha vat vat in min rawn zui ta nghal a. Kan walk pah animai tiin, kan awmna leh thil leina tur vel chu min hrilh kual reng a, duhlai te nen a len chu engtik hun pawh nise anuam ani hi.

     Chawhmeh vel chu kan lei zawh hnu chuan, kan haw ta a, kan inluah ah chuan Zomuana nen chuan kan lut rual a, keichu eirawng bawl tur chuan choka lam ka pan nghal a, Ruata leh Rina te pawh lo thho in, vawiin chu hna zawn pah a collage in admit na tur an zawn tur thhu chu min hrilh mawlh mawlh a, Ruata leh Rina te hichu Arts an lak avangin collage an la kal phawt anga, kei erawh science kalo lak avangin coaching zawn chiah ka ngaih tur thhu vel chu Zomuana chu ka hrilh ve thhung a.

     Eirawng ka bawl zawh hnu chuan chaw chu kan ei ta hlawm a, Zomuana pawh chuan min rawn zawm nghal a, a vawikhat eina ani bawka ka chawhmeh siam chu tui a ti ve ngang mai, Ruata leh Rina erawh an ei zeuh zeuh tawh avang chuan engmah sawi lem lo chuan tui anti tih chu a hriat theih vek thhung.

      Ei khham chuan Ruata leh Rina te chuan an seng a, Zomuana pawh chu class kal tur chuan insiam tur chuan a haw ta a, Ruata leh Rina te pawh an kâm an tih zawh chuan insiam in an chhuak zui ta nghal a. Keimah chauh in ka awm ta...