Chhingkhual Thalenghera (Season-2)

Chhingkhual thalenghera-12

Zomuana : “Bawih iva nguai ve?”
Zomuana chuan ka mit ah ngei chuan min en pah chuan zawhna chu min rawn zawt a, mahsela ka chhang eih lo, a mit ah chuan melh ve kur in, kan inkar a thhawm awm lo erawh chu a ring viau, ka thhinphhu rang chu a hriat ka hlau hle.

       Ka phone chu hmet engin, ka hmuh tir ta a, a meng phhawk chiang khawp mai, a kut chu in hum ruh nghalin, “Engtin nge ineih?” a tawngkam chu ringlo mahse a thhum dan erawh a na viau.

        “Hriat angai kher lo e, chu ai chuan min hmangaih tak tak em?” ka in chhuang ve hle, keima tana ding ngei ka ni tawh sia, mahsela ka chhungril lam erawh ana in a tha leh chhia chu ka thliar thei lo tep chu ani e. Ka mittui chu a luang leh ta, aww hepa vang mai mai hian maw a luan leh tak.

Zomuana : “Bawihte, khawngaih in min ring rawh, keimah ka nilo, miin AI in ka hmel an hmang aniang, keimah ka nilo tak tak!!!” a ka thlum tak, a zûn a kalo tlak na thhunawn chu rawn nawn leh tawh in, kalo mawl lutuk chu ka inthiamlo hial zawk. Ka khi suk.
Ka phone ah chuan Whatsapp ah chuan lutin Zomuana awm loh laia Feli a ruk a kalo biak na zawng zawng leh, Zomuana nen a, kum chenve dawn an loh nih tawh thhu te min hrlh na zawng zawng chu ka hmuh fai ta vek a.

       A hmel ah chuan inthiamloh na ka hmu thei mahsela ka thhinlung in a khawngaih leh tho tur erawh chu ka phal tawh lo, a tawk khawk a thleng tawh ani e, “Zomuan, nang lo chu tiin tah chang nghah mah ila, ka tuar fan fan thin a i tan, mahsela ka thhinlung ka dawm lai in nang erawh in hmeichhe dang thhinlung i dawm si a, umm a hnenah chuan i hlim ngeiang tiraw, ka mutpui hmasa ber ini nge kalo ti thin mahsela..” ka thhusawi chu tawp lem lo chuan,“Min chhuah san rawh, khawngaihin.” ka aw chu a khur der der tawh.

       “Awle” tih chauh in min chhang si a, insawi thiam i tum lo amaw, atha e, i hmangaih tak meuh chuan va nei mawlh ang che, kei erawh engmah kalo nilo ania nge, mahsela i hun khawhral tam tak ka chungah i hlen avangin ka lawm thhu i chungah awm rawh se.

Ka mittui chu dan rual loh chuan tla in, min kuah in ngaihdam min han dil mai se engkim tha tur, mahsela kawgka chu a pel ta, ka chelh ding loang, kal duh chu kal rawh se.

      Chu thlamang zan atang chuan kum 7 dawn chu liam tawh in, hospital a intern nitur chuan ka thhawk chuak ve ta a, Ruata leh Rina te pawh Company te te ah thhawk ve in, an hlawh erawh a tam phian, Zomuana te inbula kan inluah pawh kha zan la la khhan kan chhuah san a, apartment chhawng thhum awm chu kan pathum chuan floor khat theuh insem in kan luah ta kha ania, mahni tana chakai khawrh theuh, mahsela chaw ei dawnah erawh ka apartment luah ah an rawn la kalin an rawn la ei tho.

       Kan chhungte hlim leh lawm taka pawisa an dawn thhu te han hriat hichuan lawm a kim ngei e, kan pathum chuan car ah chuan in phhur ho thin in, Ruata leh Rina te single erawh kala nuihpui ziah thhung, an haw ngei ang.

Dr. Ziri : “Bawiha, khawngaihin emergency room kha lo ti awl teh, vatin!!!”

“Awle” ti pah chuan hmanhmawh tak chuan ka tlan chho ta a, operation na atan hman zawh chiah anih avangin ka ti fai ta sawk sawk a, room chu an rawn thleng thuai a, pa lian tak, sek ngel ngawl niin, a nupui pawh chu a hmeltha viau.

Dr. Dika : “A BP chu a tha e, mahse unconscious ania, chuan thhaw hah leh overwork anei thin, tuna accident hi chu thluak a veins kal sual ani” tiin patient a chu a examine ta a, Dr. dang leh nurse te pawh chuan ngaithla chiang tih hriat tak chuan kan bu ngauh ngauh a.

Darkar khat dawn an beih hnu chuan an hlawhtling ta, Dr. te hmel êng em em ka han hmu chu ka hlim ve ringawt, ka kawr hma a thisen tlem lo kai phha ve chu ka nuih pui sur sur mai.

Dr. Dika : “Bawiha, patient nupui kha, engkim a tha vek e tih thhu va hrilh la.”

“Keiman maw!!! mahse kha kha chu Dr. te sawi tur anih kha.”

Dr. Ziri : “Intern inih kha inzir na vek ania, tun trum chu va sawi rawh, i fel kha nang.”

Hlim hmel puchung chuan ka chhuak ta a, patient nupui chauh nilo in an fa te pahnih leh an pi chu an lo tel ve tawh a, ka zam ve lek lek, engkim a tha tih ka hrilh chu an nu ber chuan a fa te chu kuah lawm lawm in, an pi pawh chu a mittui a hru ve kauh kauh mai, kei pawh chu ka hlimpui em avang chuan ka mittui chu parawl ve in, ER chu Dr. ho nen chuan kan chhuak ta vek a, MN (male nurse) ho chuan Patient chu rawn nawr chhuak in Private ward ah chuan an dah ta a.

        An hausa tih chu a chiang reng mai, mahsela, mi hausa leh mi rethei tak te te tepawh, Pathian in Doctor te a hman tangkai loh chuan eng lem mah kan lo nibik lo ve, a bul tum tu chu Pathian ani si.

      A tuk ah chuan a rawn harh chhuah avang chuan, a BP leh thisen kal dan vel check tur chuan min tir ta a, keipawh chu va kal ve maiin.
“Good morning.” an nu nen chauh an lo awm a, an nu chuan min wish let nghalin, a thutna chu a sawn ta a.

       A hmel ka hmu chu ka thhinphhu rang chiang khawp mai, kha leh chen kan patient buaipui chu a hmel chiang takin ka hmu ta.

“Hi” ani chu a nui sâr mai, kei erawh ka mittui chu ka biang ah chuan a luang thla ve thhung.

A TAWP TA...

(Chhiar tu zawng zawng ka lawm e, khawngaihin min lo follow ula, thhawnthhu ngaihnawm tihchhuah kalo tum zel ang, chuan a theih hram chuan comment leh like kha aw, private pawn a in message theih reng e.)