Chhingkhual Thalenghera (Season-2)

Chhingkhual thalenghera-7

     Tv ka en mai mai lai chuan, Zomuana chu hmel hmuhnawn loh tak chuan rawn lut in, a tum deuh bur in ka hria, ka vawi khat hmuh na avang khhan ka hrilhhai deuh, mahsela ka bulah chuan rawn thu in ka kut chu a rawn vuan a,‘Room ah lut lawk ang’ tiin min rawn biru ta a. Ka room ah chuan kan lut dun ta a.

Zomuana : “Ih bawih, tunge vawiin ami kha, rawn kuah tu che kha.”

“Awww, ilo hmu elaw, ka ex anih kha.”

Zomuana : “Tinge a kuah che, tinge a fawh che a.”

“Ka tihpalh aw.” tihpah chuan kan thhawn thhu zawng zawng chu ka hrilh ta a. Amah pawh chuan min hrethiam mai, min hriatthiam vang nge min khawngaih vang zawk chuan ka awm pik lutuk chu ka tap chhuak ta a, a awm ah chuan beiin ka tap mawlh mawlh ta a, ani pawh chuan min kuah in, ka hnung zâng chu nalo te te chuan a chul ve a, a biang ah chuan fawp in, ka thu tha ta a.

      Kan room kawngka kik ri ka hriat vang chuan hawngin, Rina lek niin, “Nge nita?”

Rina : “Mah mawle, I tap ring ema ka ti.” nui titih pah chuan rawn tiin, ka mit bui lûk nen chuan thinrim in hmeh lo tak ka ni.

      A phone ah chuan game chu khel chhunzawm in a thutna lam chu a pan leh ta nghal a, keipawh chuan kawngka chu kalh tawh lem lo chuan Zomuana chu ka khhum ah chuan ka thutpui ta a, titi dun in, a changin kan hlim a achangin kan tap a, mahse hei erawh inkawp te inkara thil thleng vek chu ani awm sia, in duhna leh in hmangaihna hi alo mawi khawp mai.

      Dar 9 hma chuan Zomuana chu lehkha zir a duh avang chuan a haw ta a, ka ngai khawp mai, Ruata leh Rina te pawh chuan lehkha chu an zir mawlh mawlh a, keipawh chu research te neiin a pawimawh tur awm ang ho chu ka en ve nual.

      Dar zat ka en nak chuan dar 10 chu lo ri thhuak in, ka mu ta nghal, zir rei pawh ka tumlo sin phhun nak nak chuan reilo te hnuah chuan ka muhil leh ta nghal a, mut hichu ka awlsam ania.

      Rin ang ngeiin thhawh ka hai chiang khawp mai, dar 8 ah chuan thho in eirawng chu ka bawl nghak ta sawk sawk a, Ruata leh Rina te pawh tiffin pai an duh kha mawle, châna chu ka kang a, artui chu omelette in ka siam bawk, lehkha an zir tui dun si, a hnu ah chuan ka zo ve thei ta hram a, annu pawh ka ni silo, nge mawnile, ka siam ta law law tiin Zomuana tiffin tur chu ka siam a, omlette leh butter bread ka siam sak a, a chungah chuan sauce in love sign lem chu ka thhai kual a, a cute reuh khawp mai. Khi ver ver pah chuan rawmawl (handkerchief) lian kan neih chuan ka tuam sak ta a.

      Ruata leh Rina te pawh an tiffin rawn lak pah chuan breakfast te chu an ei ta a, an fel ka tih ve na em em chu, tlai an rawn haw hma hian inhlawhna chhe te nei ve in, typing ah chuan an thhawk a, darkar 2/3 chauh anih avang chuan an rei ngailo bawk, darkar 1 ah chuan ₹500 hlawlh in, an hmufuh lutuk chu ka hlimpui hle.

      Bazaar na man tur chu 250 ve ve min pe a, ngailo ti mah ila, table ah chuan dah tawpin, an tiffin la pah chuan an tlan chhuak ta nghal a, keimah chuan ka khi vur vur leh ta, Zomuana chu a rawn la luh loh avang chuan pawnah chuan ka chang ta a, pawna a rawn chhuah leh rual chuan a tiffin tur chu ka pe ta a, lawm thhu sawi pah chuan ka biangah chuan rawn fawp zeuh in a bike mawi tak chu a tinung a, a tlan ta nghal bawk. Ka riang leh ta hle mai.

      In te chu ka tifai ta mawlh mawlh a, kan in bak bak a nuam hi avang khawp ang. Intih fai zawh hnu chuan, coaching kha duhchuan a zawm mai mai theih antih avang chuan coaching kal tur chuan ka insiam ta a, Zomuana hrilh ila chuan a collage kal pah khhan min thlah thei reng awmsia, mahsela ka hrilh duh lem talo kha ania, bus kalak mai angai anihhi.

      Insiam zawh chuan bus stand lam chu ka pan hna hna a, bus chu a rawn thleng chawp chilh ve ta mai a, ka lawm rilru viau, a hnu lawkah chuan chhuk in, kan coaching lakna tur Zocareer collage ah chuan ka lut ta a, a hmun chu a puiin anuam hem hem khawp mai, ka room tur chu zawngin ka buai rei hle, mahsela mi pakhat fel tak avang chuan ka room turah chuan min hruai ta a.

      Doctor zir duh theuh theuh tih takah chuan an bengcheng lo hle, ka seat duh ber a hmasa ber atanga pathum na ah chuan ka thu a, mahni bawk chuan ka nui leh ta, tarmit bun chhelo ve tak chuan ka hming te chu min zawt a, kan awmna leh kan khhua thleng chuan, diktak chuan ka chhang ve ta mai a, amah pawh chu Remruata tiin min introduce ve ta nghal a.

Remruata : “Bawiha”
Ka meng phhawk chiang hle, bawiha tiin min ko turin ka ti bawk silo, ka chiai nghal der.

“Engtin nge i hriat? chumi hming chu” nervous deuh chuan nui sâng in.

Remruata : “Ka hria che alawm, Zomuana bialnu.” tiin a nui nghek.

A awmah chuan ka nghawk zawta, a nui tawp chiang, ka khi ve ver ver mai, chuan ka lawm bawk Zomuana bestfriend ka class pui dawn a, buaina zawng zawng ama hnenah a thlen theih dawn bawka.

      Professor pawh chu rawn lut zui in, kan ngawi ta thap a, first day chu a nuam hem hem hle, engtin tak awm ang maw, kum khat han vei se?