Chhingkhual Thalenghera (Season-2)

Chhingkhual Thalenghera-2

(Thuhma : Chhiar nawn anih loh avangin, spelling mistakes awm hnem mai thei.)

  Zing ka tho chu ka tho fuhlo ve ngang mai, alu chu kang tawpin, ka chhungte pawh chu an vui deuh hlek in ka hre nghe nghe, ka chaw hmeh siam chu zing dang ang anilo tiin chaw ei khham chuan min fiam ti tih pah bawk, keilah chu ka nuih liam pui mai mai a. Ka u te pawh chu hlim vak lem lo chuan feh tur chuan an chhuak kha nia, ka inthiam lo ve tep.

     Dar 8 a rik chuan insiam zung zungin, school lam chu ka pan ta nghal a, chutia kawng chenve ka thlen hnu chuan Zomuana chu ka bulah chuan rawn ding deuh thutin, ka phhu nghe nghe.

Zomuana : “Rawn chuang rawh sir.”

“Ai ngailo, ke in ka rawn kal maiang.” (chuan erawh ka duh khawp mai)

Zomuana : “Tinge...rawn chuang mai mai rawh sir, kan kal na tur a in ang tho.”

“Hepa tak hichu” tih pah chuan ka chuang ta a, a khi ve suk in ka hria. Kan tlan ta nghal a, kan tlan chak bawka kan thleng hma ngei mai, a hlawk thin e lirthei a chuan hichu, scooty chu nei ve tho mah ila ke a kal ka duh zawk vang ania.

     School kan thlen chuan naupang ho chuan min lo en duh khawp mai, staff room lam chu ka pan ta nghal a, Teacher te chu an lo kim titih deuh tawh bawk.

     ~Kum khat chu eng em em thleng lo chuan a liam ve ta mai a~

     “Rina, Ruata, vawiin khawnge kan len ang?” sunday anih avangin len kan tum ve rawih chu ania.

Rina : “Kan tlang ah ngat mawle”

Ruata : “Tihpalh mahse Fela sulhnu atam e, mahse Fela thhihcham phha vawikhat na ani asin vawiin hi”

“Nih kan khhaw thenawm ah va leng phawt ika, awm rei lovin, Fela thlan ah kan awm ho dawn nia”

     Rem kan tih vek takah chuan kan kal ho ta a, kan tum ram chu kan thlen hnu chuan, ka pa nau te inah chuan kan leng lut ta nghal a, ka thiante nen pawh hian an in pawh ho hle, ka patea hian mi biak dan a thiam bawkah, ka thiante pawh an zaklothei sawt khawp mai, nuam anti ve bawk alawm.

     Kan haw lam chuan, thli thhaw chu anuam hem hem hle, thlanmual lam kan pan ding nghal a, kan thlen meuh chuan ka insum zo leh talo, tap ri lo mah ila ka mittui chu a khhat tawkin a far reng a, Ruata erawh dan rual anilo, Fela thlan chungah chuan bawkin a tap ta zawih zawih a, Rina erawh rin aiin a insum thei phian.

     Rei tawk fang kan awm hnu chuan Fela thlan ah chuan kan thil lei vel chu kan phawrh a, Fela ei duh zawng te pawh chu kan lei a, kan thian za ho chuan kan kim titih tho e. Ruata chu a mittui chu a hru zeuh zeuh e tilo chuan a insum ve thei tawh phian, kan thianho that ve na em em chu zu leh sa, hmuam leh ruih tur vel engmah khawih lovin riltam leh chaw kan ring a, heihian ani kan thianho min ti puitling em em tu.

     Dar 3 dawnah chuan kan haw hlawm ta a, in ka thlen chuan ka room ah chuan lutin ka mu deuh hlawp. Ka muhil dawn tih ah ka phone chu rawn ri rang rang in, ka lak nak chuan Zomuana niin,“Sir, pawnah lo chhuak lawk teh, khawngaih in..” ka ham haih ve deuh, ka kekawr skintight leh ka t-shirt oversize chu ka ha a, zah pawh dawn lovin pawnah chuan ka chhuak a, a bike bula ding chung chuan minlo nghak reng a. Zomuana hi 12 zo tawh mahse, Sir tiin min la ko renga keipawn tih ngaihna ka hre vak tawh bik lo kei 20 ka pumhlum dawn chauh a, amah 18 pumhlum ve chiah a, hau ve vak mah ila, engah mah angailo.

“Enge, nita, Zomuana”

Zomuana chuan mit tla lek lovin min lo en a, ka kawr chu pawt fân deuh in ka ka khup dawn chu ka khuh a. Zomuana chu inkhawm bang tih takah, a inchei em em a, an nei deuh bawk nen in hmeh tur a hre phian.

Zomuana : “Ih, naktuk Aizawl ah ka zin tawh dawn a, zanah ka rawn leng thei angem.?”

“Theih e, rawn leng rawh.”

Zomuana : “Awle anih bye phawt aw, ka va haw phawt ange, zanah ka rawn leng dawn nia.”

“Awle, awle.”

     A tlan liam takah chuan ka lut ve ta nghal a, Hmingsanga nen hian in be thin mah ila, kar khatah vawi tum bak kan in be ngai manglo, ka hrilhhai telh telh a, kar tin lah chuan kan thhu sawi in pawh lovin, kan in hau reng ta mai a, hreawm ka tiin, zan men a tah chang ka nghah.

     Hmingsanga chu call chu ka rilruk ta a, ka khhum a mu pah chuan ka call ta a, Hmingsanga pawh chuan la ve in, ka phurna erawh a bo vek ta mai.

Hmingsanga : “Tunge inih, mipa leh mipa inbiak a thing.” tih pah chuan a dah leh ta nghal a.
    
     Ka tap ni e, kei te chu tap awl tak ka nia lawm, mahse chu ai mah chuan ka thin chu a rim ngang mai, engmah ngaihtuah lo chuan a no. chu delete in ka block ta nghal a. A hre viau ang, tiin ka in hum ruh sauh.

     Tlai lamah chuan ka u leng te pawh an rawn haw ve tawh a, eirawng chu tuitak chuan ka bawl leh a, arsa siam hichu ka pro ve nazawng ani bawk ah, tui an ti ngang mai.

U Tetea : “Bawiha, khawngaih in i mood ti off tawh suh, a tuilo thei emmai, i mood off chunga eirawng i balw hichuan.”

      Chaw ei lai chuan kan nui dar dar hlawm a, anu leh apa te chuan hmeichhia chu awt viau mahse, Pathian pekah an hlim tih a chiang hle ani.

      Zanah chuan Zomuana chu a intiam na ang chu rawn leng ngeiin, dar 9 dawn ah anih avang chuan ka chhungte chu an mu deuh thap tawh, TV chu kan en vel ta mai mai a, thingpui te chu lumin, eitur an rawn ken te chu ka sawngbawl hneh khawp mai, a tui in a nuam ka ti mai, ahlimawm ve tho e.

Zomuana : “Kalo riak thei angem ?”

“I aa mi, ka student rual mai mai inih kha..”

Zomuana : “Apawilo, khawngaih in”

“Awle, ka chhungte kava dil phawt ang.”

      Apa chu kaithho chawp in, ka zawt ta tawp a, Zomuana pa nen an in hre deuh bawk nen, aphal ve tamai a, mipa dang Rina leh Ruata tihloh chu nise a phal teuhlo, ka hrechiang em ka pa hi.

      Dar 10 dawn chuan kan mu ve ta a, keichu ka khhum ah chuan mu in, Zomuana chu chhuat ah ka muttir a, nuam pawh a ti thho in ka hria.

Zomuana : “U bawih, i mu tawh em?”

“Ai la mulo e, ka hming in min ko ve ta maw...”

Zomuana : “Ihmaw, ka duh che a, ka tihpalh.”

“Aww, animaw, ka lawm e.”

Zomuana : “Nih min chhang thei ngem.”

     Rei tawk fang ka ngaihtuah hnu chuan, ka ngawi vang vang a, a tawp a tawpah chuan aw chu ka pawh ta nghe nghe a. A lawm khawp in ka hria.

Zomuana : “Ka lawm e, muttui, ka duhte.”

     A mut tawh hnu pawh chuan ka rilru ah chuan Chhingkhual Thalengher Lalhmingsanga ngei chu ani ka ngaihtuahna luah khhat ti chu. Mahsela inthlak ka tum na tawh bawka, chuloah Zomuana pawh hi sual em em chu anilo a, aw kha ka pawh nachhan ber pawh chu ania, inchhir em em erawh ka tumlo.