Chhingkhual Thalenghera (Season-2)

Chhingkhual thalenghera-8

     First day of class chu anuam hle, Zomuana thianpa in min pui nasa bawk a, engmah tihbuai ngai tawh lo chuan ni khatah chuan Remruata nen  kan zo fel thhuak ta a. Hawn lamah erawh a bialnu deuh reuh chu a phur thin avang chuan min thlah talo a, ka haw mek lai chuan collage pakhat hi kal tlangin, an lo bang ve deuh chiah a, mi hausa fa awm khhawm iangin an mawi.

      Gate ah chuan rawn chhuak hlawmin, ice-cream ei pah a dawr bula ka din reng avang chuan an gate chu ka thlir ve ta reng a, chutah an rawn chhuak hlawm nak nak a, chu zat mipui awm khhawm karah chuan Hmingsanga chu ka hmu nawlh mai, ka ice-cream ei lai pawh chu ka hak lo chauh, ni e amah a ang lo tlat ani. Kan khhua ah kha chuan thhawmhnaw kan khhua ina kan hak deuh thin ha ve zelin mahsela Aizawl ah erawh a dang leh tawp.

      A bike lam pan chung chuan ka dawr thutna bulah chaun a lo dah chu niin, ka thinrim ru hle, hnunglam chu ka hawisan ta a, amah pawh chu a bike chu start in a tlan ta a, ka thhaw huai mai.

Hmingsanga : “BAWIHA!!”
Ka phut a ka phut nasat zia chu, ka in rin hma tak tak chuan,“Enge” tiin dawr bulah ka han au chu ka in thlahrung chiang, dawr chhunga awm te chuan min nuih nghek nghek a.

Hmingsanga : “Rawn chuang rawh kava thlah ang che.”

“A ngai lo ve, ka haw thei”

Hmingsanga : “I chuan thin tho kha”

“Bialnu ineih tawh kha”

Hmingsanga : “Ka nei tawh lo, i tan ka then”

“I zak lo maw, midang ka nei min kalsan rawh” ka tih zawh ruala a hmel ka han en nak chuan a mit atang ringawt pawh chuan natna ka hmu thei. Mi inthlahrung ve tak ka nih avang chuan ka chuang leh ta nghe nghe a, mahsela kan in thleng chu ka in thlah tir ta lem lo.

      Lawm thhu te ka sawi hnu chuan dar zat ka han en a, ala hma tho avang chuan kan in bula chawhmeh zuar te chu ka pan ding leh ta nghal a, leitur pawimawh te chu leikhhawm in, ka haw leh ta a, Ruata leh Rina te chu an lo awm tawh, dar 4 a ri thhuak a, chawhmeh vel chu dah fel pah chuan hla chu ka ngaithla mai mai a.

      Zomuana chu thinrim titih chuan a rawn lut a, mahsela insum thei tak erawh ani chiang khawp mai, a thinrim chu a hmel ah chuan a lan em avang chuan ka thiante hmuh hma chuan room ah ka kai lut ta nghal a.

“Enge duat iva thinrim hmel ve?”

Zomuana : “Vawiin tunge i in phurh tir a?”

“Aww, ka thianpa Hmingsanga anih kha, thinrim loh na tur a i thinrim vel ange” tiin a biang ah chuan ka fawp a, a nui leh sâng tawh.

Hmingsanga : “Mahse bawih keipawh ka awm renga, min ti buai hreh suh aw, ka duh lutuk che hi tu tan mah ka phal tawh lo che, a thheih phei chuan i nu leh pa te tan pawh ka phallo che.”

      A dar lehlam lehlamah chuan ka ban chu ka nghat a, a nghawng chu ka ban chuan vat in a hmui ah chuan duhtawk chuan ka fawp a, min chhang let thiam ngang mai.

      Zomuana hi naupang deuh e tilo chuan a ngaihtuahna erawh a upa phian, engkim chu ti fel zung zung theiin, decision siam pawh a thiam hle. Hei tak pawh hi nia ka duh ve nachhan.
      Hmingsanga pawh a sual ka tih bik na nilovin, ka then nachhan pawh minlo kawp thei kha ka la na em zawk ani, ka vawikhat na nibawk nen, ka tuar tlang thei ngang lo anih kha.

      Room chu kan chhuah san dûn a, common room ah chuan Ruata leh Rina te hnenah chuan va thu in, games chu ava khel ve ta nghal a, keipawh chu eirawng bawl zui nghalin, friday tlai ani bawkah, zanin kan hmeh chu a tui ham ham hle, Chicken fry main ah neiin, side dish atan potato fries, eggs te an ni. An ei apianga an nui hmel hmuh chu nuam hem hem tak hle ani.

Ruata : “Bawiha, restaurant ah thhawh i duhlo ami?”

“Duhloh pawh awm lo mahse tunge inchhung hna thhawk anga?”

Rina : “Kan awm alawm, KFC te i rawn hawn thei zel anga?”

“In zak lo e” tihpah chuan kan nui ta huah huah a.

“Tak tak in a, inhlawhna tur hi ka zawn ve ngaiin ka hria.” thu tak deuh chuan tiin, Zomuana pawh chu chaw a rawn ei ve avang chuan min en kurin, “I duh ami bawih” min la en chiang leh em em nghal, min en tlang mai kha ka hlauh ber chu a niin ka hria.

      “Aw” tihpah chuan ka thho ta a, common room ah chuan phone chu ka khawih mai mai a, phone hi Zomuana nen in check sak ngaiin kan in hriat loh avang hian kan ti vak lem lo, mahsela Zomuana phone ka bulah let chu a rawn rik avang chuan ka han en a, “Zanin i rawn kal angem, bawihte?” tih chu niin ka na nghal ngawih ngawih, Feli, feli maw lo nih a, room ah chuan ka tlan lut ta nghal a.

      Zomuana chu ka room ah chuan rawn lut vat in,“Bawih enge awmzia, enge i hriat a?” tiin min rawn zawt a, ka ben khhawn duh eih lo.

Zomuana : “Ka phone mesaage hi ami? tumah anilo hmeichhia ve mai mai anihhi.”

“Mai mai maw, hmeichhia mai mai annih chuan keive enge, kalo va hniam awm ve” ka mittui chu aluang nghal.
“A sawi dan pawh kha i kal thin tih a hriat reng reng” ni e a ho maithei mahsela chhunglam in a tawrh theih chin a awm ve alawm maw.

       A hnu ah chuan ka in hru fai a, ka hmai ka phih zawh hnu chuan ka room ah chuan kir leh in.
“Zomuan, va haw phhawt rawh, naktuk ah kan in be dawn nia.”

Zomuana : “Bawih, khawngaih in zanin min lo ngaithla la”

“Ummle, nihchuan sawila”  tihpah chuan a bulah chuan thu in ka kut chu ala vat a, a vuan nghal vawng vawng.

      Feli chu a thiannu chiah anih thhu leh a kal pawh a, engmah an tih ngailoh thhu chu min hrilh ta a, lungawi lem vak lo chuan amah chu ka rin thhu ka hrilh ta a, ka hmuh lai ngei chuan a no. chu a delete a, ka nuilo thei ta bik lo. Ka biangah chuan fawp in, hawn zai chu a rel ta a.