Para sa mga LDR
na walang ibang magawa
kundi ang titigan na lang
paulit-ulit
ang mga kuhang larawan
ng kahapon,
nag-aasam na sa pagbangon
sa umaga
ay makita nang muli
ang pag-ibig
na matagal nagkawalay,
Sa mga kaka-break lang
na nagsawa na sa isa't isa,
na luha na lang
ang tanging nalalasap
ng bibig
at malabo na ang tingin
sa relasyon,
At sa mga na-friendzoned
na patuloy pa ring umaasa.
Umaasang may patutunguhan
ang paghihintay,
kasi ang tanging alam lang naman
ay ang maghintay.
Hindi napapagod,
hindi napapansin,
hindi nabibigyan ng atensyon
ang kanilang handog na damdamin.
Happy Independence Day!
Kung nasasaktan ka,
gawin mo ang lahat
para makatakas sa pagkabilanggo,
ayusin mo,
gawin mo,
hindi yung
puro quotes ka lang.
Wag kang magpakabayani,
dahil kahit ano pang sabihin mong
wala kang hinihintay na kapalit,
alam kong meron.
Walang tao
na gustong maghintay sa wala.
Wag kang magpakabayani,
hindi na uso ang magpakamartyr ngayon,
bumitaw ka na
kasi ikaw lang ang kumakapit,
siya, matagal nang bumitaw.
Ikaw lang ang nagmamahal,
ikaw lang ang nalulungkot,
ikaw lang,
habang siya naman,
masaya sa iba.
Kaya tama na,
bigyan mo naman
kahit kunting awa ang sarili mo,
nagpapakatanga ka sa taong
wala namang pake sa'yo.
-JK Cabresos / Lhordyx
