Yan ang lagi kong dala-dala
sa t'wing nakikipagkita ka.
Gusto mo lang naman akong makausap
upang may makinig sa mga litanya mo
sa boyfriend mong lagi mong iniiyakan.
E, sa kaibigan mo ako,
oo, kaibigan mo lang pala ako,
kaya tatahimik na lang.
Hanggang tagabigay lang ng panyo,
sa t'wing iiyak ka na naman.
Iwanan mo na kasi siya,
ako na lang sana,
tayo na lang kasi.
Kahit panakip-butas lang,
ayos lang sa 'kin yun,
tuturuan na lang kitang magmahal ulit.
-Jelord Klinn Cabresos / Lhordyx