Hindi ho kami mga kriminal,
kami ho nagpapakain sa kanila,
bigas ho ang aming hiningi,
hindi mga bato at bala.
Hindi ho kami mga kriminal,
kami ho magsasaka lamang
na nais mapakain din
ang aming mga pamilya.
Ngunit pilit naming isusubo
mga bato at bala
na inyong hinihain,
pilit naming iinumin
mga dugong kasama
sa mga pawis namin.
Pipilitin ho namin,
dahil hindi ho kami
mga kriminal.
-Jelord Klinn Cabresos / Lhordyx
