اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
سيرة الرسول ﷺ والخلفاء الراشدين: ✅🌸 لو عرفتموة 🌸✅
💡 حلقتين 19 و20 🎀
🔅 الحلقة 19🔅
يلا صلو على النبى 🙂 محمد رسول الله ♡
هنحكى النهارده عن اللقاء التانى بين سيدنا جبريل و سيدنامحمد ﷺ.. أتأخر الوحى أيام و أيام .لحد الليله الموعوده.. ليله اللقاء التانى وبين حزن و بكاء سيدنا محمد ﷺ و بعد إنتظار طويل فى الغار ،نزل سيدنا محمد ﷺ من على الجبل و مشى فى الصحرا وفجأه سمع صوت.. فبص يمينه وشماله و وراه ..ملقاش حد.. فبيبص فوق ..لقى جبريل ..
وقال جبريل : يا محمد انت رسول الله حقاً .. فبيحكى النبى ﷺويقول : وقعت من الخوف علي ركبتيّ .. و فضلت اجري وأجري لحد ما وصلت لخديجة فقلت : دثروني .. دثروني ..يعنى "غطووونى" ..وبعدين جِبْرِيل جه لحد بيته صلى الله عليه و سلم و هوه مع خديجة ونزل بالأيه الكريمه بنداء من الله عز وجل لمحمد رسول الله قال تعالى "يا أيها المدثر .. قم فأنذر ...لآخر السورة "
و من اللحظة دى .. من يوم ما ربنا قاله " قم فأنذر " ..(النبي صلي عليه الصلاه والسلام مشفش راحه إلا في قبره.. شال همنا :') ♡ و هم كل البشر ..) و يتتابع نزول الوحى على محمد بالآيات.. ((خلاص 😊 محممممد رسوووول الله ❤ محمد نبى الله .. محمد رحمه مهداه للعالمين ومش بس للمسلمين.))
بدأ النبي يحب جِبْرِيل اوي و تنشأ بينه وبين جِبْرِيل علاقة حب و مودة كبيرة .. مرة النبى وهو ماشي لاقي راجل غريب جنبه بيقول له السلام عليك يا رسول الله .. فالنبي وقف وبص له فيقول الراجل " يا محمد انت رسول الله وانا جِبْرِيل من السماء ( جِبْرِيل ولكن في صورة بشرية )
يبدأ جِبْرِيل يعلم النبي الوضوء .. وبعدين يعلمه الصلاة .. فيكون اول مخلوق صلي صلاة المسلمين في الارض هو جِبْرِيل عليه السلام .. جِبْرِيل الامام والنبي يصلي وراه .. وكانت الصلاة وقتها ركعتين صباحاً وركعتين مساءاً..يروح النبي لخديجة ويحكي لها و يقرأ الأيات بإنه مبعوث بدين الإسلام فترد عليه وتقول :." انا آمنت بك يا محمد " اول من آمن بمحمد .. خديجة بنت خويلد .. واتوضت وصلت وراه .. وكانت اول من سجد لرب العالمين بعد محمد صلي الله عليه وسلم
