سيرة الرسول صلى الله عليه وسلم

صلوا على النبي صلى الله عليه وسلم

سيرة الرسول ﷺ
🌻🌀 لو عرفتموة 🌀🌻

🔆الحلقة 80 🔆

يلا صلوا على النبى 🙂
غزوة بدر(ج6)
قوموا إلى جنة عرضها السموات والارض ❤

شفنا امبارح النبى عليه الصلاه و السلام لما عرف ان قريش جهزت جيش.. فجهز جيش المسلمين وحط الخطه و كان الصحابه تعبانين جدا لطول المسافه لحد بئر بدر ..طبعا بعد ما مشيوا تلتين المسافه على رجليهم.. و كانوا قلقانين و متوترين بعد ما عرفوا ان جيش قريش 1000 و المسلمين 300.. يعني اكتر من تلات اضعاف.. عارفين مع كل التعب اللى الصحابة فيه محدش منهم كان قادر ينام .. فتحصل معجزة ..

ربنا عزوجل بيقول في كتابه الكريم : "إِذْ يُغَشِّيكُمُ النُّعَاسَ أَمَنَةً مِّنْهُ وَيُنَزِّلُ عَلَيْكُم مِّنَ السَّمَاءِ مَاءً لِّيُطَهِّرَكُم بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَىٰ قُلُوبِكُمْ وَيُثَبِّتَ بِهِ الْأَقْدَام  "الصحابه محتاجين يرتاحوا عشان يقدروا يحاربوا..فربنا سبحانه وتعالي يلقي عليهم النوم .. فالصحابة كلهم يناموا .. لدرجه ان بيقول بعض الصحابة : والله كان يسمع بعضنا لبعض غطيط (شخير من كتر النوم العميق ) ..و صحابى بيقول انه كان النبى موقفني حراسة وكان معايا سيف فوالله سقط السيف من يدي ٩ مرات لا ادري كيف يسقط وكيف انام فلما نزلت الاية عرفت ان الذي القي علينا النوم هو رب العالمين..

طيب و بقيت الآية أيه؟
"وَيُنَزِّلُ عَلَيْكُم مِّنَ السَّمَاءِ مَاءً لِّيُطَهِّرَكُم بِهِ وَيُذْهِبَ عَنكُمْ رِجْزَ الشَّيْطَانِ وَلِيَرْبِطَ عَلَىٰ قُلُوبِكُمْ وَيُثَبِّتَ بِهِ الْأَقْدَام"..
الدنيا مطرت .. طب ايه فايدة المطر اللى ربنا انزله؟ اصل العدوة الدنيا اللي معسكر فيها المسلمين دي ارض صخرية ، فلما ينزل مطر كتير علي الارض الصخرية فحتزداد صلابة .. ولما المطر ينزل على العدوة القصوي اللى معسكر فيها كفار قريش ..دي ارض طينية ، فلما ينزل المطر علي الارض الطينية فحتبقى  طين.. فيبقي جيش المسلمين الارض تحته زي الحديد وجيش الكفار الارض تحته  طريه جدا و بتزحلق و محدش يعرف يتحرك ويجري بسهولة فيه، دى معجزة من رب العالمين..

طيب دلوقتى الجيش نايم إلا رسول الله ❤ فضل سهران يدعى و يدعى و يدعى و يقول اللهم انصرنا ، اللهم نصرك الذي وعدتنا ..و بعد شويه ينام النبى دقائق بسيطة فيشوف رؤية .. القران بيحكيها : " إِذْ يُرِيكَهُمُ اللَّهُ فِي مَنَامِكَ قَلِيلًا وَلَوْ أَرَاكَهُمْ كَثِيرًا لَّفَشِلْتُمْ وَلَتَنَازَعْتُمْ فِي الْأَمْرِ " ..  فربنا يخلى  النبي يشوف فى المنام ان جيش المشركين عددهم قليل ..فالنبي يصحي معنوياته مرتفعة..

و يطلع النهار والمعركة حتبدأ .. فالنبي يبدأ يعلي الروح المعنوية و يشجع الجيش ، ويقول للصحابة : قوموا إلى جنة عرضها السموات والارض .. فيقف صحابي جميل اسمه عمير ويقول :  بَخٍ بَخٍ يا رسول الله ( يعني الله الله ❤ ) فالنبي يقول له:  لما تقول بخ بخ ياعمير ؟فقال عمير:  يا رسول الله ،  جنة عرضها السموات والارض :') ؟ فقال النبى: اجل يا عمير .. فقال عمير: يا رسول الله ،  ادعوا الله ان اكون من اهلها .. فقال انت من اهلها ..