سيرة الرسول صلى الله عليه وسلم

صلوا على النبي صلى الله عليه وسلم

سيرة الرسول ﷺ
🌅✅ لو عرفتموة ✅🌅

🔅 الحلقة 74🔅

يلا صلوا على النبى 🙂
تلخيص غزوه بدر ❤

عشان نقدر نستوعب الغزوات سوا.. فأحنا اتفقنا أننا حننزل بوست يبقى فيها تفاصيل كل غزوه فى نقاط مختصره و كمان اسبابها ..  و بعدين حننزل يوميآ بتفاصيل الغزوه كلها على حلقات بإذن الله♡
--------------------------------#غزوة_بدر
1- سميت بهذا الأسم: لان موقع الغزوة كان عند بئر اسمه بدر.و يوم غزوة بدر ربنا عز وجل سماه فى القرآن ب " يوم الفرقان " طب ليه؟ عشان احداث يوم بدر فرّقت بين ان الدوله الإسلاميه فى نظر العرب من دوله ضعيفه و فقيره و مهدده من باقى القبائل لدوله قويه ليها إعتبارها و كيانها ولاسباب تانية كمان ..

2- طرفي القتال : حوالى 1000 من قريش خارجين من مكه ب1000 ناقه و 200 فرس يعنى الجيش كله راكب اما الطرف التانى حوالى 313 من المسلمين مع رسول الله خارجين من المدينه ب70 ناقه فقط و حيركب الصحابه  و رسول الله علي النوق دى بالتناوب و كل واحد حيمشى شويه مكانوش عاملين حسابهم على القتال ومفيش معاهم غير مجرد اسلحة بسيطة للحماية .

أسباب الغزوه :
تهديد قريش لفظيآ للمسلمين بإرسال جواب تهديد بقتال المسلمين و رد رسول الله على الخطاب و قال انه لا يريد الحرب و لكن يريد ان يخلو بينه و بين الناس (يعنى ميقفوش فى طريق دعوه الناس للإسلام) لكن ردت قريش على النبى و قالت انها مش حتسيب النبى و لا اصحابه حتى بعد هجرتهم من مكه.  

أعتدت قريش بالفعل على المسلمين بعتت قريش سريه  هجمت عليهم بالليل (فبقت حياه رسول الله و دعوته للإسلام فى خطر شديد).. رغم ان قريش اجبرت المسلمين انهم يسيبوا بيوتهم  و اموالهم فى مكه و الصحابة هاجروا  من التعذيب الشديد و محاولات قتل لرسول الله و رغم كل ده رايحيين ورا المسلمين بردو عشان يعتدوا عليهم..

خروج المسلمين فى سريه عند منطقه اسمها النخله لرصد حركه كفار قريش ("سريه مخباراتيه" و النبى عليه الصلاه و السلام امرها بالخروج للرصد فقط و لكن مش للقتال رغم ان قريش بادئه العدوان .. و لكن الرسول عليه الصلاه و السلام كان حريص ان ميحصلش قتال و الدليل انه امر السريه بالخروج فى الأشهر الحرم "التى حرم الله تعالى فيها القتال") .

الأحداث المترتبه على ذلك :
رصدت الإستخبارات ان فى قافله تجاريه تبع قريش كانت فى طريق رجوعها من الشام لمكه بقيادة" أبى سفيان بن حرب " و كانت كبيره و فيها ألف بعير (ناقه)  و عليها فلوس كتير جدآ والمخابرات اللى  تبع المسلمين عرفت ان القافله تاجرت بأملاك و اموال المسلمين اللى اتعذبوا و اجبرتهم قريش على الهجره من مكه بسبب إسلامهم لدين الخير و السلام و الاخلاق و الوفاء ويحرم الزنا و القمار و بيحقق مساواه بين العبد و السيد ..

تحرك المسلمين لإستراد اموالهم فقط ( اموال المسلمين و شقاهم و حقهم و مش ينفع يسيبوه.. والله لا يستحيي من الحق )